၂၀၂၁ ခုနှစ်၊ မေလ ၁၃ ရက်နေ့က ဘားအံမြို့နယ်၊ သီရိစျေးရှေ့တွင် ပြုလုပ်သော Mask Campaign တွင် ဘားအံမြို့နယ်ကြက်ခြေနီအသင်းခွဲမှ ဒုတိယတပ်ခွဲမှူး ဒေါ်မိထွန်းလဝန်းနွယ်နှင့် တပ်စုမှူး ဒေါ်နန်းလှလှမိုးတို့က နှာခေါင်းစည်းများ အခမဲ့ပေးဝေခဲ့ကြပါတယ်။

၂၀၂၁ခုနှစ်၊မေလ(၁၃)ရက်နေ့ နေ့လည်ပိုင်းတွင် ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ ရွှေပေါက်ကံမြို့သစ်မှ ဝမ်းပျက်ဝမ်းလျော အမျိုးသမီး လူနာတစ်ဦးအား ဆေးရုံသို့ ပို့ဆောင်ရန် အကူအညီ တောင်းခံသဖြင့် ဒဂုံမြို့သစ်(မြောက်ပိုင်း)မြို့နယ်ကြက်ခြေနီအသင်းခွဲမှ မြို့နယ်ကြက်ခြေနီတပ်ဖွဲ့မှူး ဦးသန်းအောင်မိုးနှင့် ကြက်ခြေနီစေတနာလုပ်အားရှင်(၃)ဦး သွားရောက်ပြီး ကြက်ခြေနီလူနာတင်ယာဥ်ဖြင့် ဆေးရုံသို့ ကူညီပို့ဆောင်ပေးခဲ့ပါတယ်။  

၂၀၂၀ပြည့်နှစ် စက်တင်ဘာလ ၂ရက်နေ့က ပဲခူးတိုင်းဒေသကြီး၊ ဒိုက်ဦးမြို့နယ်အတွင်းရှိ လူအများသွားလာနိုင်သော နေရာများ၊ ဈေးများ၊ ကားဂိတ်များတွင် COVID-19ရောဂါကာကွယ်ရေးအသိပညာပေးခြင်း၊ လိုက်နာဆောင်ရွက်ရမည့်အချက်များအား နှိုးဆော်ခြင်း၊ နှာခေါင်းစည်းများဖြန့်ဝေပေးခြင်းတို့ကို ဒိုက်ဦးမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ဌာနဆိုင်ရာများမှ တာဝန်ရှိသူများနှင့်အတူ ပူးပေါင်းဆောင်ရွက်ခဲ့ကြပါသည်။