နေပြည်တော်၊ ဖေဖော်ဝါရီလ ၁၅

မြန်မာနိုင်ငံကြက်ခြေနီအသင်း၊ ကျန်းမာရေးဌာနမှ ပြုလုပ်သည့် COVID-19 ဗိုင်းရပ်စ် အကြောင်း သိကောင်းစရာ ဆွေးနွေးပွဲကို ၂၀၂ဝပြည့်နှစ်၊ ဖေဖော်ဝါရီလ(၁၅)ရက်နေ့ နံနက်ပိုင်းက မြန်မာနိုင်ငံကြက်ခြေနီအသင်းဌာနချုပ်၊ စုဝေးခန်းမတွင်ပြုလုပ်ခဲ့ပါသည်။

ဆွေးနွေးပွဲသို့အသင်းဒုတိယဥက္ကဌဒေါက်တာဒေါ်အမယာမော်နိုင်၊ ကျန်းမာရေးဌာန ညွှန်ကြားရေးမှူး ဒေါက်တာသီတာကြူ၊ ဒုတိယညွှန်ကြားရေးမှူးများဖြစ်ကြသော ဒေါက်တာနေထက်လင်းနှင့် ဒေါက်တာမျိုးမြင့်အောင်၊ တိုင်းဒေသကြီးနှင့်ပြည်နယ်များမှ ကြက်ခြေနီကြီးကြပ်မှုကော်မတီဥက္ကဌများ၊ ကြက်ခြေနီသူနာပြုတပ်ဖွဲ့မှူးများ၊ ကြက်ခြေနီလူငယ်ခေါင်းဆောင်များတက်ရောက်ခဲ့ကြပါသည်။

ဆွေးနွေးပွဲတွင်အသင်းဒုတိယဥက္ကဌက အမှာစကားပြောကြားခဲ့ပြီး ကျန်းမာရေးဌာန ညွှန်ကြားရေးမှူး နှင့် ဒုတိယညွှန်ကြားရေးမှူးများက COVID-19 ဗိုင်းရပ်စ် အကြောင်း သိကောင်းစရာများနှင့် ကာကွယ်ရန်အချက်များကို ရှင်းလင်းဆွေးနွေးကာ ကျန်းမာရေးနှင့်အားကစားဝန်ကြီးဌာနမှ ထုတ်ပြန်ထားသော အသိပညာပေးစာစောင်များကိုလည်း ပေးဝေခဲ့ပါသည်။