လတ်တလောတွင် ကိုဗစ်-၁၉ ရောဂါကူးစက်မှုနှုန်း မြင့်တက်လာသည်အမျှ ရောဂါကာကွယ်ရေး လုပ်ငန်းများကို နိုင်ငံတစ်ဝှမ်း တိုးမြင့်ဆောင်ရွက်လာကြပါတယ်။
ရောဂါကာကွယ်ဖို့အတွက်
၁။ အတတ်နိုင်ဆုံး မိမိအိမ်တွင်သာ နေထိုင်ခြင်း။
၂။ မဖြစ်မနေအိမ်ပြင်ထွက်ပါက နှာခေါင်းစည်းကို စနစ်တကျတပ်ဆင်ခြင်း။
၃။ လူစည်ကားရာနေရာများသွားခြင်းကို ရှောင်ကြဉ်ခြင်း။
၄။ လက်ကိုမကြာခဏ စနစ်တကျဆေးကြောခြင်းတွေကို အဓိကလုပ်ဆောင်ဖို့ လိုပါမယ်။
ကျွန်ုပ်တို့ ကြက်ခြေနီစေတနာလုပ်အားရှင်တွေကလည်း ပြည်နယ်နှင့် တိုင်းဒေသကြီးများရှိ မြို့နယ်၊ ရပ်ကွက်၊ ကျေးရွာများအထိ ရောဂါကာကွယ်ရေးလိုက်နာဆောင်ရွက်ရမယ့်လမ်းညွှန်ချက်များကို သတိပေးနှိုးဆော်ပေးကြသလို နှာခေါင်းစည်းများ အခမဲ့ဖြန့်ဝေပေးခြင်း၊ လက်သန့်ဆေးရည်များပေးဝေခြင်း၊ ကွာရင်တင်းစင်တာများနှင့် ကိုဗစ်-၁၉ ရောဂါကူးစက်ခံရသူများကို လိုအပ်သည့် အကူအညီများပေးခြင်းနှင့် အစားအစာအသောက်များ ထောက်ပံ့ပေးခြင်းတို့ကို ဆောင်ရွက်လျှက်ရှိပါတယ်။
