ကြက်ခြေနီစေတနာလုပ်အားရှင်များဟာ ၂၄နာရီအရေးပေါ်လူနာတင်ယာဉ်ဝန်ဆောင်မှုဖြင့် မတော်တဆမှုကြောင့် ထိခိုက်ဒဏ်ရာရသူတွေနဲ့ အရေးပေါ်လူနာတွေအပြင် အခြားအကြောင်းအရာအမျိုးမျိုးကြောင့် ဆေးရုံသို့ပို့ဆောင်ရမယ့် မည့်သူ့ကိုမဆို ကူညီပို့ဆောင်ပေးနိုင်ဖို့ အမြဲအလေးထားဆောင်ရွက်လျက်ရှိပါတယ်။ ထို့အပြင် အရေးပေါ် ရှေးဦးပြုစုခြင်းနည်းများဖြင့် အသက်ကယ်နိုင်ဖို အမြဲကူညီလုပ်ဆောင်လျက်ရှိပါတယ်။ ကြက်ခြေနီစေတနာလုပ်အားရှင်များဟာ ထိုကဲ့သို့ ကူညီလုပ်ဆောင်ရာမှာ ကြက်ခြေနီရဲ့ အခြေခံမူ(၇)ချက်နဲ့ အညီ အသွေးအရောင်အဆင့်အတန်းမခွဲခြားဘဲ ထိခိုက်နစ်နာခံစားရသူ မည့်သူ့ကိုမဆို ကူညီဆောင်ရွက်ပေးလျက်ရှိပါတယ်။
၂၀၂၂ခုနှစ်၊ မေလ (၉)ရက်နဲ့ (၁၀)ရက်နေ့များမှာ ဆိုရင် ထားဝယ်မြို့နယ်မှ ကြက်ခြေနီစေတနာလုပ်အားရှင်များဟာ ၂၄နာရီပတ်လုံး အရေးပေါ်လူနာတင်ယာဉ်ဝန်ဆောင်မှုဖြင့် အရေးပေါ်လူနာများနှင့် ထိခိုက်ဒဏ်ရာရသူတွေကို ဆေးရုံသို့ပို့ဆောင်ကူညီပေးခဲ့ပါတယ်။ အဲ့ဒီလိုကူညီဆောင်ရွက်ရာမှာ မေလ(၉)ရက်နေ့၊ နေ့လည် (၁၂း၀၀)နာရီအချိန်ခန့်က ထားဝယ်မြို့၊ ဇဟာကျေးရွာမှာနေထိုင်တဲ့ ဆေးရုံပြောင်းလူနာတစ်ဦးကို မြင့်မိုရ်ဦးဆေးရုံကနေ ထားဝယ်မြို့ပြည့်သူ့ဆေးရုံကြီးသို့ ပို့ဆောင်ပေးခြင်း၊ မွန်းလွဲ (၁း၀၀)နာရီခန့်က မယ်ဒီလန်းဆေးရုံမှ ဆေးကုသမှုခံယူပြီးလူနာအား ဘုမ္မော်ရပ်ရှိ နေအိမ်သို့ ပို့ဆောင်ပေးခြင်း၊ မွန်းလွဲ(၂း၀၀)နာရီခန့်က ဆန်းချီရပ်မှာနေထိုင်တဲ့ အရိုးကျိုးလူနာကို နေအိမ်မှ ဓါတ်မှန်ခန်း ထိုမှတဆင့် အရိုးဆေးခန်း မှနေအိမ်သို့ ပို့ဆောင်ပေးခြင်းများကို ကြက်ခြေနီစေတနာလုပ်အားရှင်များက ကူညီပို့ဆောင်ပေးခဲ့ပါတယ်။
မေလ(၁၀)ရက်နေ့မှာတော့ နံနက်(၁၀:၅၀)နာရီအချိန်ခန့်က သရက်ချောင်းမြို့နယ်၊ အောက်သရက်ချောင်းကျေးရွာမှ ဓါတ်မှန်ရိုက်လူနာအား မြင့်မိုရ်ဦးဆေးရုံမှ မယ်ဒီလန်းဆေးရုံသို့ ပို့ဆောင်ပေးခြင်း၊ နံနက်(၁၁း၀၀)နာရီ အချိန်ခန့်က ဆေးရုံဆင်းလူနာအား မြင့်မိုရ်ဦးဆေးရုံမှ ဘုမ္မော်ရပ် နေအိမ်သို့ ပို့ဆောင်ပေးခြင်း၊ မွန်းလွဲ (၁း၅၀)နာရီအချိန်ခန့်က သရက်ချောင်းမြို့နယ်၊ ပိတိုင်ကျေးရွာက ဓါတ်မှန်ရိုက်လူနာအား ထားဝယ်ဆေးရုံကြီးမှ မယ်ဒီလန်းဆေးရုံသို့ ပို့ဆောင်ပေးခြင်း၊ ညနေ(၃း၁၅)နာရီခန့်က ဥသာရံရပ်မှ ကိုယ်ဝန်ဆောင်မိခင်အား နေအိမ်မှ မယ်ဒီလန်းဆေးရုံသို့ ပို့ဆောင်ပေးခြင်း၊ ည(၁၁း၀၀)နာရီအချိန်ခန့်မှာ ဆောင်းနှင်းပြင်ကျေးရွာမှ အသက်ရှူကြပ် ရောဂါဝေဒနာခံစားနေရသော လူနာအား နေအိမ်မှ ထားဝယ်ပြည့်သူ့ဆေးရုံကြီးသို့ ပို့ဆောင်ပေးခြင်း များကို ထားဝယ်မြို့နယ်မှ ကြက်ခြေနီစေတနာလုပ်အားရှင်များက ကူညီဆောင်ရွက်ပေးခဲ့ပါတယ်။
