၂၀၂၁ခုနှစ်၊ မေလ(၄)ရက်နေ့ နေ့လည်ပိုင်းတွင်အင်းစိန်မြို့နယ် ဖော့ကန်ရပ်ကွက်မှ ပေါင်ရိုးကျိုး အဖွားအိုတစ်ဦးနှင့် အောင်ဆန်းရပ်ကွက်မှ ဆေးရုံရက်ချိန်းပြမည့် လေဖြန်း အမျိုးသားလူနာတစ်ဦးတို့အား အင်းစိန်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ကြက်ခြေနီလူနာတင်ယာဥ်ဖြင့် ဆေးရုံသို့ ကူညီပို့‌ဆောင်ပေးခဲ့ကြပါတယ်။

၂၀၂၁ခုနှစ်၊ မေလ(၃)ရက်နေ့ ညပိုင်းကရန်ကုန်တိုင်းဒေသကြီး ကြည့်မြင်တိုင်မြို့နယ်််ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် ကိုစည်သူနှင့် ကိုလွင်မောင် တို့သည် အာရှတော်ဝင်ဆေးရုံတွင် ဆေးကုသမှုခံယူလျက်ရှိသော ဆီးကျိတ်ခွဲစိတ်လူနာတစ်ဦးနှင့် ကျောက်ကပ်ခွဲစိတ်လူနာတစ်ဦး တို့အတွက် အရေးပေါ်လိုအပ်လျှက်ရှိသော (AB)သွေး နှင့် (O) အမျိုးအစား သွေးတို့ကို လှူဒါန်းခဲ့ကြပါတယ်။

၂၀၂၁ခုနှစ်၊ မေလ ၂ရက်နေ့က တနင်္သာရီတိုင်းဒေသကြီး၊ ထားဝယ်မြို့၊ ကရပ်ပြင်မြောက်ရပ်ကွက်မှ ဆေးရုံဆင်းလူနာ (၁)ဦးအား ကြက်ခြေနီစေတနာလုပ်အားရှင်များက ကြက်ခြေနီလူနာတင်ယာဉ်ဖြင့် မြင့်မိုရ်ဦးဆေးရုံမှ နေအိမ်သို့ ကူညီပို့ဆောင်ပေးခဲ့ကြပါသည်။