ကြက်ခြေနီလှုပ်ရှားမှုများ | Myanmar Red Cross Society (MRCS)

27/ May/ 2023

ဆိုင်ကလုန်းမုန်တိုင်းမိုခါကြောင့် ရခိုင်ပြည်နယ်ရှိ ထိခိုက်ခံစားရသူများအား အရေးပေါ်ကယ်ဆယ်ရေး သုံးပစ္စည်းများ ဆက်လက်ထောက်ပံ့

စစ်တွေ၊ ၂၀၂၃ခုနှစ်၊ မေလ(၂၇)ရက်။

မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါ တိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်၊ စစ်တွေမြို့နယ်ရှိ ပြည်သူများအတွက် အရေးပေါ်သုံးကယ်ဆယ်ရေးပစ္စည်းများကို ကူညီထောက်ပံ့ ပေးဝေလျက်ရှိပါသည်။

မြစ်နားကျေးရွာနှင့်ညိုရောင်ချောင်းကျေးရွာများရှိ ဒေသခံပြည်သူများအတွက် အသင်းမှ ထောက်ပံ့သော မိသားစုသုံးပစ္စည်းများ၊ တစ်ကိုယ်ရည်သန့်ရှင်းရေးသုံးပစ္စည်းများ၊ တစ်ကိုယ်ရည်အမျိုးသမီး သန့်ရှင်းရေး သုံးပစ္စည်းများ၊ မီးဖိုချောင်သုံးပစ္စည်းများ၊ တာပေါ်လင်စနှင့်ခြင်ထောင်များကို ပြည်နယ်ကြက်ခြေနီတပ်ဖွဲ့မှူး ဦးမြင့်ထွေး၊ ရခိုင်ပြည်နယ်စီမံချက်များ စီမံခန့်ခွဲရေးယူနစ် ညွှန်ကြားရေးမှူး ဒေါ်အေးအေးငြိမ်းတို့ ဦးဆောင်ပြီး အပြည်ပြည်ဆိုင်ရာကြက်ခြေနီနှင့်လခြမ်းနီအသင်းများဖက်ဒရေးရှင်းမှ တာဝန်ရှိသူများ၊ ကြက်ခြေနီဝန်ထမ်းများနှင့် ဒေသခံကြက်ခြေနီစေတနာလုပ်အားရှင်များသည် မေလ(၂၆)ရက် နေ့ နံနက်ပိုင်းက အဆိုပါကျေးရွာများသို့ သွားရောက်ထောက်ပံ့ပေးခဲ့ပါသည်။

ထိုသို့ ပစ္စည်းများ‌ ထောက်ပံ့ ပေးဝေရာတွင် မြစ်နားကျေးရွာမှ အိမ်ထောင်စု(၁၀၇)စု အတွက် မိသားစုသုံးပစ္စည်း(၃၃)ပုံး၊ တစ်ကိုယ်ရည်သန့်ရှင်းရေးသုံးပစ္စည်း (၁၀၇)အိတ်၊ တစ်ကိုယ်ရည် အမျိုးသမီးသန့်ရှင်းရေးသုံးပစ္စည်း(၁၀၇)အိတ်၊ မီးဖိုချောင်သုံးပစ္စည်း(၇၄)စုံ၊ တာပေါ်လင်(၁၄၈)စ၊ ခြင်ထောင်(၇၄)လုံးတို့ကို ထောက်ပံ့ပေးခဲ့ပြီး၊ ညိုရောင်ချောင်းကျေးရွာမှအိမ်ထောင်စု (၁၃၀)စု အတွက် မိသားစုသုံးပစ္စည်း(၅၄)ပုံး၊တစ်ကိုယ်ရည်သန့်ရှင်းရေးသုံးပစ္စည်း(၁၃၀)အိတ်၊ အမျိုးသမီး တစ်ကိုယ်ရည်သန့်ရှင်းရေးသုံးပစ္စည်း(၁၃၀)အိတ်၊ မီးဖိုချောင်သုံးပစ္စည်း(၇၆)စုံ၊ တာပေါ်လင်(၁၅၂)စ၊ ခြင်

ထောင် (၇၆)လုံးတို့ကို သွားရောက် ကူညီထောက်ပံ့ပေးခဲ့ပါသည်။

မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ဆက်လက်ထောက်ပံ့နိုင်ရန်နှင့် အရေးပေါ်ငွေသားထောက်ပံ့နိုင်ရန်အတွက် ချိတ်ဆက် ဆောင်ရွက်လျက်ရှိပါသည်။

[gallery ids="15226,15227,15228,15229,15230,15231,15232,15233,15234"]

26/ May/ 2023

ပေါက်တောတွင် မုန်တိုင်းကြောင့်ရေအခဲအခက်ရှိသည့်နေရာများအား ကြက်ခြေနီက ကူညီ

ရခိုင်ပြည်နယ်၊ ပေါက်တောမြို့နယ်၊ ငပြီကျွန်းကျေးရွာသို့ မြန်မာနိုင်ငံကြက်ခြေနီအသင်းက စစ်တွေမြို့နယ်မှ တဆင့်ရေလီတာ (၆၀၀၀)ခန့်ကို မေလ(၂၅)ရက်နေ့ နံနက်ပိုင်းက သွားရောက်ပေးဝေခဲ့တာပဲဖြစ်ပါတယ်။ မြန်မာနိုင်ငံကြက်ခြေနီအသင်းဟာ ရခိုင်ပြည်နယ်အတွင်း မုန်တိုင်းကြောင့်ရေအခက်အခဲရှိတဲ့နေရာတွေကို လက်လှမ်းမီသလောက်သွားရောက်ကာ နေ့စဉ်ရေပေးဝေလျက်ရှိသလို၊ သန့်ရှင်းတဲ့ရေအရင်းမြစ်ရရှိအောင် ကူညီပေးနိုင်ဖို့အတွက်လည်း ကြိုးစားဆောင်ရွက်လျက်ရှိပါတယ်။ [gallery display="grid" targetsize="wcstandard" link="file" columns="2" size="wcstandard" ids="15211,15212,15213,15214"]

26/ May/ 2023

မြန်မာနိုင်ငံကြက်ခြေနီအသင်းမိုခါမုန်တိုင်းတုံ့ပြန်ဆောင်ရွက်မှုများ

မြန်မာနိုင်ငံကြက်ခြေနီအသင်းသည် မေလ (၁၄) ရက်နေ့က ဝင်ရောက်တိုက်ခတ်ခဲ့တဲ့ ဆိုင်ကလုံးမုန်တိုင်း မိုခါ (Mocha) ကြောင့် ထိခိုက်ခံစားခဲ့ရတဲ့ ရပ်ရွာလူထုအတွက် ဆင်းရဲဒုက္ခ လျော့နည်းသက်သာစေဖို့ မုန်တိုင်းအန္တရာယ်ကြိုတင်အသိပညာပေးခြင်း၊ ဘေးကင်းရာကို ရွေ့ပြောင်းပေးခြင်း၊ ထိခိုက်ခံစားရသူများကို ကူညီကယ်ဆယ်ခြင်း၊ ရှေးဦးပြုစုပေးခြင်းနှင့် ပဏာမ ကျန်းမာရေးစောင့်ရှောက်မှု‌ပေးခြင်း၊ စိတ်ပိုင်းလူမှုပိုင်းဆိုင်ရာအားပေးကူညီခြင်း၊ အစားအစာများ၊ သောက်သုံးရေ၊ အခြေခံလိုအပ်သော အသုံးအဆောင်ပစ္စည်းများနှင့် အရေးပေါ်ကယ်ဆယ်ရေးပစ္စည်းများ ဖြန့်ဝေခြင်းကို တတ်စွမ်းသရွေ့ကူညီဆောင်ရွက်ပေးခဲ့ပါတယ်။

အဆိုပါကူညီမှုအနေဖြင့် ကြက်ခြေနီစေတနာလုပ်အားရှင် (၉၆၂) ဦးက ထိခိုက်ခံစားရတဲ့ အိမ်ထောင်စု (၁၄,၅၇၃) စု (လူဦးရေ စုစုပေါင်း ၇၅,၅၇၃) ဦးအား လိုအပ်တဲ့အကူညီများကို ထောက်ပံ့ပေးနိုင်ခဲ့ပါတယ်။

လူသားချင်းစာနာထောက်ထားမှုအကူအညီများအဖြစ် -

သုံးရေ - ၁၉,၀၀၀ လီတာ။

သောက်ရေ - ၂၉၁,၀၀၀ လီတာ။

အမျိုးသမီးတစ်ကိုယ်ရည်သန့်ရှင်းရေးသုံးပစ္စည်း - ၁၁၄၄ စုံ မိသားစုသုံးပစ္စည်း - ၅၉၇ စုံ။

တစ်ကိုယ်ရည်သန့်ရှင်းရေးသုံးပစ္စည်းပုံး - ၁၈၅ ပုံး။

တစ်ကိုယ်ရေသန့်ရှင်းရေးပစ္စည်းပါဆယ်ထုပ် - ၉၅၁ ထုပ်။

မီးဖိုချောင်သုံးပစ္စည်း - ၄၃၂ စုံ။

အိမ်ဆောက်အထောက်အကူပြုပစ္စည်း - ၅၇ စုံ။

တာပေါ်လင် - ၇၂၇ ခု။

စောင် - ၂၀ ထည်။

ခြင်ထောင် - ၃၃၂ လုံး။

ကလေးဝတ်အင်္ကျီထုပ် ပေးဝေခဲ့သောအိမ်ထောင်စု - ၁၁၂ စု။

ကြက်ဥများပေးဝေခဲ့သော အိမ်ထောင်စု - ၂၅၃ စု။

ကျန်းမာရေးအသိပညာပေးခဲ့သောရပ်ရွာလူထု - ၁၃၇၃ ဦး။

ရွေ့လျားကျန်းမာရေးဆေးခန်းတွင်ကျန်းမာရေးစောင့်ရှောက်မှုပေးခဲ့သောရပ်ရွာလူထု - ၉၂၅ ဦး။

အသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ဆက်လက်ထောက်ပံ့နိုင်ရန်နှင့် အရေးပေါ်ငွေသားထောက်ပံ့နိုင်ရန်အတွက် ချိတ်ဆက် ဆောင်ရွက်လျက်ရှိပါတယ်။

26/ May/ 2023

ဆင်ဖြူကျွန်းမြို့ ရေဘေးသင့်စခန်းမှအိမ်ထောင်စုများအား ထောက်ပံ့ပစ္စည်းများပေးအပ်ကူညီ

ဆင်ဖြူကျွန်း၊ မေလ (၂၆) ရက်။

မကွေးတိုင်းဒေသကြီး၊ စလင်းမြို့နယ်၊ ဆင်ဖြူကျွန်းမြို့ရှိ ရေဘေးသင့်စခန်းမှ အိမ်ထောင်စုများအား မြို့နယ်မှ ကြက်‌ခြေနီစေတနာလုပ်အားရှင်များက အသင်းမှထောက်ပံ့သော မိသားစုသုံးပစ္စည်းများ၊ တစ်ကိုယ်ရည်သန့်ရှင်းရေးသုံးပစ္စည်းများ၊ မီးဖိုချောင်သုံးပစ္စည်းများနှင့် ရေသန့်ပုံးများကို ၂၀၂၃ ခုနှစ်၊ မေလ (၂၄) ရက်နေ့က ထောက်ပံ့ပေးအပ်ခဲ့ကြသည်။ ထို့အပြင် အလှူရှင်များလှူဒါန်းသော ဆန်၊ ဆီနှင့် ကြက်ဥတို့ကိုလည်း မြို့နယ်မှ ပရဟိတအသင်းများနှင့်အတူ ကူညီပေးဝေခဲ့သည်။

[gallery display="grid" targetsize="wcstandard" size="wcstandard" columns="1" link="file" ids="15223,15222,15220"]

25/ May/ 2023

ဆိုင်ကလုန်းမုန်တိုင်း မိုခါ ကြောင့် နေအိမ် ပျက်စီးခဲ့သူများကို ကြက်ခြေနီက ပစ္စည်းများ ထောက်ပံ့ကူညီ

ပခုက္ကူ၊ ၂၀၂၃ခုနှစ်၊ မေလ(၂၄)ရက်။

ဆိုင်ကလုန်းမုန်တိုင်း မိုခါ တိုက်ခတ်မှုကြောင့် မေလ(၁၄)ရက်နေ့ညပိုင်းက မကွေးတိုင်းဒေသကြီး ပခုက္ကူမြို့နယ်ရှိ ရွှေချောင်း ချောင်းရေ မြင့်တက်ပြီး ချောင်းနဘေးရှိ လူနေအိမ်အချို့ မျောပါ ပျက်စီးခဲ့ရာ ထိခိုက်ခံစားရသော အိမ်ထောင်စု (၆) စုအတွက် မြန်မာနိုင်ငံကြက်ခြေနီအသင်းမှ ထောက်ပံ့သည့် ပစ္စည်းများကိုပခုက္ကူမြို့နယ် ကြက်ခြေနီအသင်းခွဲမှ ကြက်ခြေစေတနာလုပ်အားရှင်များက မေလ(၂၄)ရက်နေ့တွင် သွားရောက် ထောက်ပံ့ ပေးခဲ့ပါသည်။

ထိုသို့ ထောက်ပံ့ရာတွင် အိမ်ထောင်စု(၁)စုလျှင်တစ်ကိုယ်ရည်သန့်ရှင်းရေးသုံးပစ္စည်း(၁)စုံ၊ မီးဖို‌ချောင်

သုံးပစ္စည်း(၁)စုံ၊ အမျိုးသမီးတစ်ကိုယ်ရည်သန့်ရှင်းရေးသုံးပစ္စည်း(၁)စုံ၊ အိမ်ဆောက် အထောက်အကူပြုပစ္စည်း(၁)စုံ၊ တာပေါ်လင်စ(၁)ချပ်၊ စောင်(၂)ထည်၊ ခြင်ထောင်(၁)လုံး၊ ရေပုံး(၁)ပုံး တို့ကို ထိခိုက်ခံစားရသော အိမ်ထောင်စု(၆)စုအတွက် လက်ဝယ်အရောက် ထောက်ပံ့ ပေးခဲ့ပါသည်။

[gallery display="grid" link="file" columns="2" ids="15198,15199,15200,15201"]

24/ May/ 2023

ဆိုင်ကလုန်းမုန်တိုင်း မိုခါ (MOCHA) တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် အလှူငွေနှင့် ပစ္စည်းများ လှူဒါန်း

ဆိုင်ကလုန်းမုန်တိုင်း မိုခါ (MOCHA) တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် အလှူငွေနှင့် ပစ္စည်းများ လှူဒါန်း

==============

ရန်ကုန်၊ ၂၀၂၃ခုနှစ်၊ မေလ(၂၄)ရက်။

ဆိုင်ကလုန်းမုန်တိုင်း မိုခါ(MOCHA)တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် အလှူရှင်များက လာရောက် လှူဒါန်းလျက်ရှိရာ ဒေါက်တာမောင်မောင်ခိုင် + အသင်းအချိန်ပိုင်းအလုပ်အမှုဆောင် ဒေါက်တာဒေါ်ခင်လှလှ၊ သား လှမျိုးအောင်နှင့် မိုးမြင့်အောင် မိသားစုက အလှူငွေ ကျပ် ၁၀၀,၀၀ဝိ/ကို မေလ(၂၄)ရက်နေ့က အသင်းရန်ကုန်ရုံးခွဲတွင် လှူဒါန်းရာ အသင်းအချိန်ပြည့်အလုပ်အမှုဆောင် ပါမောက္ခဒေါက်တာဒေါ်မြသူက ဂုဏ်ပြုမှတ်တမ်းလွှာ ပေးအပ်ခဲ့ပါသည်။

ထို့အတူ ဦးစိုးဝင်း+ဒေါ်တင်တင်အုန်း(မဖြူ) မိသားစု ခေတ္တစင်္ကာပူ က ကျပ် ၂၀၀,၀၀ဝိ/၊ ဦးလှမိုး +ဒေါ်မွန်မွန်မြင့် သားကြီး သတိုးဦး၊ သားငယ် အောင်ခန့်ငြားမိုး မိသားစု ခေတ္တစင်္ကာပူက ကျပ် ၃၀၀,၀၀ဝိ/ ၊ ဦးဇော်ဝင်း + ဒေါ်မိုးမိုးသိန်း သား မောင်မင်းသိမ်းကျော် မိသားစု ခေတ္တစင်္ကာပူက ကျပ် ၁၀၀,၀၀ဝိ/၊ နန်းရွှေရင် မိသားစု ခေတ္တစင်္ကာပူ က ကျပ် ၁၀၀,၀၀ဝိ/ စုစုပေါင်း ကျပ် ၇၀၀,၀၀၀ိ/ကို ဦးသက်မွန်နှင့် ဇနီးတို့က လာရောက်လှူဒါန်းရာ အရင်းအမြစ်များစုစည်းအသုံးချရေးဌာန ဌာနမှူး ဒေါ်မေစန္ဒာမျိုးက ဂုဏ်ပြုမှတ်တမ်းလွှာ ပေးအပ်ခဲ့ပါသည်။ အလားတူ အာရှတော်ဝင်ဆေးရုံမှ ခွဲစိတ်ခန်းသုံး ကုတင် ၆ လုံး ကိုလည်း လှူဒါန်းခဲ့ပါသည်။

ဆိုင်ကလုန်းမုန်တိုင်း မိုခါ(MOCHA) တိုက်ခတ်ခံခဲ့ရသည့် ဒေသများရှိ ပြည်သူများအတွက် လိုအပ်ချက်များကို ဖြည့်ဆည်း ကူညီပေးနိုင်ရန် တစ်ဖက်တစ်လမ်းမှ ပါဝင်ပံ့ပိုး ကူညီပေးကြသော အလှူရှင်များအား မြန်မာနိုင်ငံကြက်ခြေနီအသင်းအနေဖြင့် အထူးပင် ကျေးဇူးတင်ရှိပါသည်။

[gallery display="grid" link="file" size="wcstandard" ids="15165,15166,15167"]

24/ May/ 2023

ဆိုင်ကလုန်းမုန်တိုင်းမိုခါကြောင့် ရခိုင်ပြည်နယ်ရှိ ထိခိုက်ခံစားရသူများအား ကြက်ခြေနီက အရေးပေါ်ကယ်ဆယ်ရေးသုံးပစ္စည်းများ၊ သောက်သုံးရေများဖြန့်ဝေခြင်းနှင့် ပဏာမကျန်းမာရေးစောင့်ရှောက်မှုလုပ်ငန်းများဆက်လက်ဆောင်ရွက်

စစ်တွေ၊ ၂၀၂၃ ခုနှစ်၊ မေလ (၂၄)ရက်။

မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါတိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်ရှိ ပြည်သူများအတွက် အရေးပေါ်သုံးကယ်ဆယ်ရေးပစ္စည်းများနှင့် သောက်သုံးရေများဖြန့်ဝေပေးခြင်း၊ ပြည်သူလူထု ပဏာမကျန်းမာရေးစောင့်ရှောက်မှုအဖြစ် ရွေ့လျားဆေးခန်းဖြင့် ကျန်းမာရေးစစ်ဆေးပေးခြင်း၊ ကျန်းမာရေးအသိပညာပေးခြင်းတို့ကို ဝန်ထမ်းများနှင့် ကြက်ခြေနီစေတနာလုပ်အားရှင်များက ဆောင်ရွက်လျက်ရှိပါသည်။

မေလ(၂၃)ရက်နေ့က ရွေ့လျားဆေးပေးခန်းဖြင့် ပဏာမကျန်းမာရေးစောင့်ရှောက်မှုအဖြစ် စစ်တွေမြို့နယ်၊ ကျောင်းကြီးလမ်းရပ်ကွက်မှ ဆေးခန်းလာရောက်ပြသသည့် ပြည်သူ (၈၀) ဦးအား ကျန်းမာရေးစောင့်ရှောက်ပေးခဲ့ပြီး၊ (၈၂)ဦးကို သန့်လေးသန့်၊ စနစ်တကျလက်ဆေးခြင်းနှင့် ဝမ်းပျက်ဝမ်းလျောရောဂါကာကွယ်ရေးအကြောင်း ကျန်းမာရေးအသိပညာပေးခြင်းများ ပြုလုပ်ခဲ့ပါသည်။

သောက်သုံးရေဖြန့်ဝေပေးရာတွင် စစ်တွေမြို့နယ်၊ EPC ဝန်ထမ်းအိမ်ယာမှ အိမ်ထောင်စု(၈၅)စု အတွက် ရေလီတာ (၂,၅၀၀)၊ အမြင့်ကျွန်းကျေးရွာမှ အိမ်ထောင်စု(၅၀)စုအတွက် ရေလီတာ(၁,၀၀၀)၊ မင်းဂံအကွက်(၂)စလုံးနောက်တန်းရပ်ကွက်မှ အိမ်ထောင်စု(၂၅၀)စုအတွက် ရေလီတာ(၁,၅၀၀)၊ ပုဏ္ဏားကျွန်းမြို့နယ်(ကုလားချောင်ရွာ)မှ အိမ်ထောင်စု(၅၀)စုအတွက်ရေလီတာ(၁,၀၀၀)၊ ပြည်နယ်ကြက်ခြေနီသိုလှောင်ရုံရှေ့ ရေပေးဝေရာနေရာတွင် ရေလီတာ(၂၄,၄၆၀)ဖြင့် စုစုပေါင်းသောက်ရေလီ(၃၀,၄၆၀)ကို ဖြန့်ဝေပေးခဲ့ပါသည်။

အလားတူ အရေးပေါ်ကယ်ဆယ်ရေးသုံးပစ္စည်းများဖြန့်ဝေရာတွင် ဘူးသီးတောင်မြို့နယ် ကကျက်ဘက်ကံပြင်ကျေးရွာရှိ အိမ်ထောင်စု (၃၃)စုအတွက် မိသားစုသုံးပစ္စည်း (၃၃)စုံ၊ တစ်ကိုယ်ရည် အမျိုးသမီးသန့်ရှင်းရေးသုံးပစ္စည်း (၃၀)အိတ်နှင့် ကကျက်ဘက်ကျေးရွာတွင် မိသားစုသုံးပစ္စည်း (၉)စုံ၊ တစ်ကိုယ်ရည်အမျိုးသမီးသန့်ရှင်းရေးသုံးပစ္စည်း(၉)အိတ်တို့ကို ဖြန့်ဝေပေးခဲ့ပါသည်။

မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ထောက်ပံ့နိုင်ရေးနှင့် အရေးပေါ်ငွေသားထောက်ပံ့နိုင်ပေးနိုင်ရေးတို့ကိုလည်း ဆက်လက်ထောက်ပံ့ကူညီနိုင်ရန် ချိတ်ဆက်ဆောင်ရွက်လျက်ရှိပါသည်။

[gallery display="grid" targetsize="wcstandard" columns="4" link="file" ids="15132,15133,15134,15135,15136,15137,15138,15139"]

23/ May/ 2023

ဆိုင်ကလုန်းမုန်တိုင်းမိုခါကြောင့် ရခိုင်ပြည်နယ်ရှိ ထိခိုက်ခံစားရသူများအား ကြက်ခြေနီက သောက်သုံးရေများ ဖြန့်ဝေခြင်းနှင့်ပြည်သူလူထုအတွက်ပဏာမကျန်းမာရေးစောင့်ရှောက်မှုလုပ်ငန်းများ ဆက်လက်ဆောင်ရွက်

စစ်တွေ၊ ၂၀၂၃ ခုနှစ်၊ မေလ (၂၃)ရက်။

မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါတိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်ရှိပြည်သူများအတွက် သောက်သုံးရေများဖြန့်ဝေပေးခြင်း၊ ပြည်သူလူထုပဏာမကျန်းမာရေး စောင့်ရှောက်မှုအဖြစ်ရွေ့လျားဆေးခန်းဖြင့် ကျန်းမာရေးစစ်ဆေးပေးခြင်း၊ ကျန်းမာရေးအသိပညာပေးခြင်းတို့ကို ဝန်ထမ်းများနှင့်ကြက်ခြေနီစေတနာလုပ်အားရှင်များက ဆောင်ရွက်လျက်ရှိပါသည်။

မေလ(၂၂)ရက်နေ့က ရွေ့လျားဆေးပေးခန်းဖြင့် ပဏာမကျန်းမာရေးစောင့်ရှောက်မှုအဖြစ် စစ်တွေမြို့နယ်၊ အနောက်စံပြ(မူစလင်)စခန်းမှ ဆေးခန်းပြသသူ(၉၅) ဦးအား ကျန်းမာရေးစောင့်ရှောက်ပေးခဲ့ပြီး၊ (၆၈)ဦးကို သန့်လေးသန့်၊စနစ်တကျလက်ဆေးခြင်းနှင့်ဝမ်းပျက်ဝမ်းလျောရောဂါကာကွယ်ရေးအကြောင်း ကျန်းမာရေးအသိ ပညာပေးခြင်းများ ပြုလုပ်ခဲ့ပါသည်။

သောက်သုံးရေဖြန့်ဝေပေးရာတွင် စစ်တွေမြို့နယ်၊ ကျေးတော cyclone shelter မှ အိမ်ထောင်စု(၁၇၅)စုအတွက် ရေလီတာ(၃,၅၀၀)၊ ရွှေပြည်သာကျေးရွာမှ အိမ်ထောင်စု (၂၀၀)စုအတွက် ရေလီတာ(၆,၀၀၀)၊ အစိုးရနည်းပညာ အထက်တန်းကျောင်းမှ အိမ်ထောင်စု(၁၂၅)စုအတွက် ရေလီတာ (၂,၅၀၀)၊ အုန်းတစ်ပင်ရပ်ကွက်မှ အိမ်ထောင်စု (၁၇၅)စု အတွက် ရေလီတာ (၃,၅၀၀)၊ နှင့် ပြည်နယ်ကြက်ခြေနီသိုလှောင်ရုံရှေ့ ရေပေးဝေရာနေရာတွင် အိမ်ထောင်စု(၁၈၁)စုအတွက် ရေလီတာ(၃၄,၅၀၀)ဖြင့် အိမ်ထောင်စုပေါင်း (၈၅၆)စုအတွက် စုစုပေါင်းရေလီတာ (၅၀,၀၀၀)ကို ဖြန့်ဝေပေးခဲ့ပါသည်။

မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ထောက်ပံ့နိုင်ရေးနှင့် အရေးပေါ်ငွေသားထောက်ပံ့နိုင်ပေးနိုင်ရေးတို့ကိုလည်း ဆက်လက်ထောက်ပံ့ကူညီနိုင်ရန် ချိတ်ဆက်ဆောင်ရွက်လျက်ရှိပါသည်။

[gallery display="grid" link="file" columns="6" ids="15151,15152,15153,15154,15155,15156,15157,15158,15159,15160,15161,15162"]

23/ May/ 2023

ဆိုင်ကလုန်းမုန်တိုင်းမိုခါ (MOCHA) ကြောင့်ထိခိုက်ခံစားရသည့် ရခိုင်ပြည်နယ်နှင့် အခြား မုန်တိုင်းဒဏ်ခံစားရသည့် ပြည်သူများအတွက် မြန်မာနိုင်ငံကြက်ခြေနီအသင်းမှ ထောက်ပံ့သည့် ပစ္စည်းများနှင့် အလှူရှင်များ လှူဒါန်းထားသည့် ပစ္စည်းများ ဆက်လက် ပို့ဆောင်

ရန်ကုန်၊ ၂၀၂၃ခုနှစ်၊ မေလ (၂၃) ရက်။

ဆိုင်ကလုန်းမုန်တိုင်းမိုခါ(MOCHA)တိုက်ခတ်မှုကြောင့်ထိခိုက်ခံစားရသော ရခိုင်ပြည်နယ်နှင့် အခြား မုန်တိုင်းဒဏ်ခံစားရသည့် ပြည်သူများအတွက် မြန်မာနိုင်ငံကြက်ခြေနီအသင်းက ထောက်ပံ့ပစ္စည်းများနှင့် အလှူရှင်များ လှူဒါန်းထားသည့် ပစ္စည်းများကို ထောက်ပံ့နိုင်ရန် အစီအစဉ်တကျ ပို့ဆောင်လျက်ရှိပါသည်။

မေလ(၂၃)ရက်နေ့တွင် နေပြည်တော်နှင့် ရန်ကုန် ရှိ ကြက်ခြေနီသိုလှောင်ရုံများမှ ထောက်ပံ့ရေးပစ္စည်းများကို မုန်တိုင်းသင့် ဒေသများသို့ ပို့ဆောင်ရန် စီစဉ်ဆောင်ရွက်လျက်ရှိရာ သန်လျင်မြို့နယ်ရှိ မြန်မာနိုင်ငံကြက်ခြေနီအသင်း သိုလှောင်ရုံသို့ အသင်းအချိန်ပြည့်အလုပ်အမှုဆောင် ပါမောက္ခဒေါက်တာဒေါ်ရီရီတင်သည် ထောက်ပံ့ပို့ဆောင်ရေးနှင့် ဝယ်ယူဖြည့်တင်းရေးဆိုင်ရာ စီမံခန့်ခွဲမှုဌာန ညွှန်ကြားရေးမှူး၊ ဒုတိယညွှန်ကြားရေးမှူး တို့နှင့်အတူ သွားရောက်ကာ ထောက်ပံ့ရေးပစ္စည်းများနှင့် အလှူရှင်များပေးပို့ လှူဒါန်းထားသော ပစ္စည်းများ ပို့ဆောင်ရန် ဆောင်ရွက်နေမှု အခြေအနေတို့ကို သွားရောက် ကြည့်ရှုပြီး လိုအပ်သည့် လမ်းညွှန်မှုများ ပေးခဲ့ပါသည်။

အဆိုပါ ထောက်ပံ့ပစ္စည်းများမှာ တစ်ကိုယ်ရည်သန့်ရှင်းရေးသုံးပစ္စည်းများ၊ ခြင်ထောင်၊ စောင်၊ တာပေါ်လင်စ၊ မိသားစုသုံးပစ္စည်းများ၊ မီးဖိုချောင်သုံးပစ္စည်းများ၊ အိမ်ဆောက်အထောက်အကူပြုပစ္စည်းများ၊ ရေပုံး၊ ကျန်းမာရေးသုံးပစ္စည်းများနှင့် အလှူရှင်များ လှူဒါန်းထားသည့် ရေသန့် နှင့် အစားအစာ စသည့် ပစ္စည်းများဖြစ်ပြီး ထိခိုက်ခံစားရသူများ လက်ဝယ်အရောက် ထောက်ပံ့ ပေးဝေနိုင်ရန် စီစဉ်ဆောင်ရွက်လျက်ရှိပါသည်။

[gallery display="grid" targetsize="wcstandard" link="file" columns="4" ids="15145,15146,15147,15148"]