ကိုဗစ်၁၉ ကပ်ရောဂါဖြစ်ပွားနေစဉ်ကာလအတွင်းမှာ ကျွန်ုပ်တို့ရဲ့ကြက်ခြေနီစေတနာလုပ်အားရှင်တွေက အသက်အရွယ်ကြီးရင့်သူတွေ၊ ကလေးငယ်လေးတွေနဲ့ မိဘပြည်သူတွေကို ရောဂါကူးစက်မှုမှကာကွယ်ပေးဖို့အတွက် အစွမ်းကုန် ကူညီဆောင်ရွက်ပေးလျက်ရှိပါတယ်။ ၂၀၂၀ပြည့်နှစ် စက်တင်ဘာလ ၂၁ရက်နေ့က ပဲခူးတိုင်းဒေသကြီး၊ သာယာဝတီမြို့ နှင့်မိုးညိုမြို့များမှ ကြက်ခြေနီစေတနာလုပ်အားရှင်တွေက မြန်မာ့စီးပွားရေးဘဏ်ခွဲများမှာ ပင်စင်လစာငွေလာရောက်ထုတ်ယူကြသော နိုင်ငံ့ဝန်ထမ်း(အငြိမ်းစား)များကို ရောဂါကူးစက်မှုမဖြစ်ပွားစေရန်အတွက် 📣📣 တစ်ဦးနှင့်တစ်ဦး အကွာအဝေးသတ်မှတ်၍ နေရာထိုင်ခင်းစီစဉ်ပေးခြင်း 📣📣 နှာခေါင်းစည်းများအခမဲ့ပေးဝေခြင်း 📣📣 လက်သန့်စင်ဆေးရည်များအသုံးပြုစေခြင်း 📣📣 သက်ကြီးရွယ်အိုများကို ကူညီဖေးမပေးခြင်း တို့ကိုလည်း ဆောင်ရွက်ပေးခဲ့ကြပါသည်။ 🎀🎀 မွန်မြတ်သောစိတ်ထားနဲ့ လူမှုကရုဏာလုပ်ငန်းတွေကို ဆောင်ရွက်ပေးနေကြသော ကျွန်ုပ်တို့ရဲ့ ကြက်ခြေနီစေတနာလုပ်အားရှင်တွေကို လက်ခုပ်တီးပြီး အားပေးလိုက်ကြရအောင်နော် ။ 🎀🎀 👏👏👏👏👏👏👏👏👏👏👏👏 #လက်ခုပ်တီးလို့ဆက်လက်အားပေးကြပါစို့ #KeepClapping #RedCrossVolunteer  

၂၀၂၀ပြည့်နှစ်၊ စက်တင်ဘာလ ၂၁ ရက်နေ့က ဘားအံမြို့နယ်ကြက်ခြေနီအသင်းခွဲမှ မြို့နယ်တပ်ဖွဲ့မှူးဦးဇေယျာမိုးမြင့် ဦးဆောင်သော ကြက်ခြေနီစေတနာလုပ်အားရှင် ၁၀ ဦးတို့က ကရင်ပြည်နယ်၊ ဘားအံမြို့နယ်ရှိ မြိုင်ကလေးလမ်းဆုံနှင့် ဝါဘိုးတောလမ်းဆုံတို့တွင် လမ်းသွားလမ်းလာပြန်သူများအား COVID-19 ရောဂါကြိုတင်ကာကွယ်ရေး အသိပညာပေးနိုးဆော်ခြင်း၊ အလှူရှင်များမှလှူဒါန်းသောနှာခေါင်းစည်းများအား ပြန်လည်ဖြန့်ဝေပေးခြင်း၊ ရေမလိုလက်သန့်ဆေးရည်များပေးဝေခြင်းနှင့် စနစ်တကျလက်ဆေးခြင်းတို့အား သရုပ်ပြခြင်းတို့ကို ဆောင်ရွက်ခဲ့ကြပါသည်။

၂၀၂၀ ပြည့်နှစ်၊ စက်တင်ဘာလ ၂၁ ရက်နေ့က COVID-19 ရောဂါကာကွယ်ရေးအတွက် ရှမ်းပြည်နယ် (တောင်ပိုင်း)၊ တောင်ကြီးမြို့စီးပွားရေးဇုံကားကွင်းသို့ ရောက်ရှိလာသော နေရပ်ပြန်ပြည်သူ ကျား ၃၀၊ မ ၃၀ ဦးတို့အား ကိုယ်အပူချိန်တိုင်းတာပေးခြင်း၊ စာရင်းများသွင်းခြင်းနှင့် သက်ဆိုင်ရာဒေသများသို့ ပြန်လည်ထွက်ခွာလိုသူများအား စီးနင်းရမည့်ကားများ ညွှန်းပို့ပေးခြင်းတို့ကို ဒုတိယပြည်နယ်ကြက်ခြေနီတပ်ဖွဲ့မှူး ဦးအောင်ကျော်မျိုး ဦးဆောင်သော ကြက်ခြေနီစေတနာလုပ်အားရှင် ၄ ဦးတို့က မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ပြည်သူ့ကျန်းမာရေးဦးစီးဌာန၊ ရပ်ကွက်အုပ်ချုပ်ရေးမှူးများနှင့် ပူးပေါင်းဆောင်ရွက်ခဲ့ကြပါသည်။

စစ်တွေမြို့နယ်ကြက်ခြေနီအသင်းခွဲသို့ စေတနာရှင်များကလာရောက်လှူဒါန်းထားသည့် အခြေခံစားသောက်ကုန်များအား COVID-19 ရောဂါကာကွယ်ရေးလုပ်ငန်းများတွင် စွမ်းစွမ်းတမံပါဝင်ဆောင်ရွက်နေကြသည့် စစ်တွေမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် ၃၈ဦးတို့အား ပြန်လည်ထောက်ပံ့ခြင်းကို ၂၀၂၀ပြည့်နှစ်၊ စက်တင်ဘာလ ၂၀ရက်နေ့က တာဝန်ရှိသူများက ပေးအပ်ခဲ့ကြသည်။

၂၀၂၀ပြည့်နှစ် စက်တင်ဘာလ ၂၀ရက်နေ့က ခရမ်းမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ခရမ်းမြို့နယ်ရှိ အသွားအလာကန့်သတ်စောင့်ကြည့်ရေးစခန်းများတွင် အစားအသောက်ပြင်ဆင်ပေးခြင်း၊ ရောဂါကာကွယ်ရေးအသိပညာပေးခြင်း၊ စိတ်ပိုင်းဆိုင်ရာအားပေးကူညီခြင်းတို့ကို ဌာနဆိုင်ရာများမှ တာဝန်ရှိသူများနှင့်အတူ ပူးပေါင်းဆောင်ရွက်ခဲ့ကြသည်။

ရန်ကုန်တိုင်းဒေသကြီးအတွင်းရှိ ကြက်ခြေနီစေတနာလုပ်အားရှင်များက CBFQ စင်တာတွေနဲ့ ကိုဗစ်ရောဂါကူးစက်လူနာတွေထားရှိတဲ့ ဆေးရုံတွေမှာ ကျန်းမာရေးဆိုင်ရာ စိတ်ပိုင်းလူမှုပိုင်းဆိုင်ရာ အားပေးကူညီပေးလျက်ရှိနေပါတယ်။ 🥰🥰🥰 ဒီနေရာတွေမှာ - 🌺 စိတ်သက်သာစွာ ရောဂါကုသမှုခံယူနိုင်ဖို့ နေရာထိုင်ခင်းနဲ့ အသုံးအဆောင်ပစ္စည်းများ ကြိုတင်ပြင်ဆင်ပေးခြင်း၊ 🌺 စိတ်ပိုင်းလူမှုပိုင်းဆိုင်ရာ အားပေးနှစ်သိမ့်မှုတွေပြုလုပ်ပေးခြင်း၊ 🌺 သင့်ကျန်းမာရေးအတွက်လိုအပ်တဲ့ လေ့ကျင့်ခန်းတွေကူညီဆောင်ရွက်ပေးခြင်း၊ 🌺 ရောဂါပျောက်ကင်းပြီး သာယာပျော်ရွှင်တဲ့နေ့စဉ်လူနေမှုဘဝကို ပြန်လည်ရရှိအောင် ကူညီစောင့်ရှောက်ပေးခြင်း တို့ကို ပြုလုပ်ပေးလျက်ရှိပါတယ်။ ကျွန်ုပ်တို့ရဲ့ ကြက်ခြေနီစေတနာလုပ်အားရှင် သူရဲကောင်းတွေကို လက်ခုပ်တီးပြီး ဆက်လက်အားပေးဂုဏ်ပြုလိုက်ရအောင်နော်။

တနင်္သာရီတိုင်းဒေသကြီး၊ ထားဝယ်ခရိုင်၊ ထားဝယ်မြို့နယ် ကြက်ခြေနီတပ်ဖွဲ့မှူး ဦးကိုကိုနိုင် ဦးဆောင်သော ကြက်ခြေနီစေတနာလုပ်အားရှင် ၁၂ ဦးတို့သည် ထားဝယ်မြို့တဂူသိမ်စျေး၊ စည်ပင်သာယာစျေးနှင့် ကမ်းနားစျေးတို့တွင် COVID-19ရောဂါကာကွယ်ရေးအတွက် စျေးသူ/စျေးသားများကို နှာခေါင်းစည်းတပ်စေခြင်း၊ စျေးအတွင်း ဝင်ရောက်သူများကို ကိုယ်အပူချိန်တိုင်းတာခြင်း၊ နှာခေါင်းစည်း တပ်ဆင် လက်ဆေးပြီးမှစျေးအတွင်း ဝင်ရောက်စေခြင်းနှင့် ဗမာ/ထားဝယ်စကား ၂ မျိုးဖြင့် အသံသွင်းထားသော အသိပညာပေးအချက်အလက်များကို အသံချဲ့စက်ဖြင့်နှိုးဆော်ခြင်းတို့ကို မြို့နယ်စည်ပင်သာယာရေးအဖွဲ့၊ စည်ပင်ကော်မတီ၊ Clean Dawei ၊ စေတနာ့ဝန်ထမ်းများ၊ ထားဝယ်ဒေသ COVID-19ထိန်းချုပ်ကာကွယ်ရေး လူထုအခြေပြုအထောက်အကူပြုအဖွဲ့ တို့ နှင့်ပူးပေါင်းကာ ၂၀၂၀ပြည့်နှစ်၊ စက်တင်ဘာလ ၁၈ ရက်နေ့က ဆောင်ရွက်ခဲ့ကြသည်။

၂၀၂၀ပြည့်နှစ် စက်တင်ဘာလ ၁၇ရက်နေ့က ပေါက်တောမြို့နယ်ကြက်ခြေနီတပ်ဖွဲ့မှူး ဦးမောင်ဝင်းစိုးနှင့်ကြက်ခြေနီစေတနာလုပ်အားရှင် ၄ဦးတို့က ရခိုင်ပြည်နယ်၊ ပေါက်တောမြို့နယ်မီးသတ်ဦးစီးဌာနသို့ COVID-19 ရောဂါကာကွယ်ရေးအတွက် နှာခေါင်းစည်းများ၊ လက်သန့်စင်ဆေးရည်များ၊ မျက်နှာအကာများ၊ လက်အိတ်များအား သွားရောက်လှူဒါန်းခဲ့ကြသည်။  

၂၀၂၀ပြည့်နှစ်၊ စက်တင်ဘာလ ၁၇ ရက်နေ့က ပြည်ပမှပြန်လည်ဝင်ရောက်လာသော နေရပ်ပြန်ပြည်သူများသည် ကရင်ပြည်နယ်၊ ဘားအံမြို့နယ်အတွင်းရှိ အသွားအလာကန့်သတ်စောင့်ကြည့်ရေးစခန်းသို့ ရောက်ရှိလာရာ လှိုင်းဘွဲမြို့နယ် ကြက်ခြေနီအသင်းခွဲမှ မြို့နယ်တပ်ဖွဲ့မှူး ဦးဝင်းဇော် ဦးဆောင်သော ကြက်ခြေနီစေတနာလုပ်အားရှင် ၄ ဦးက COVID-19 ရောဂါကာကာကွယ်ရေး လမ်းညွှန်ချက်များအား အသိပညာပေးခြင်း၊ ကိုယ်အပူချိန်တိုင်းတာပေးခြင်း၊ စာရင်းများသွင်းခြင်းနှင့် လိုအပ်သောကျန်းမာရေးစောင့်ရှောက်မှုပေးခြင်းတို့ကို ဌာနဆိုင်ရာများမှ တာဝန်ရှိသူများ၊ လူမှုရေးအဖွဲ့အစည်းများနှင် ပူးပေါင်းဆောင်ရွက်ခဲ့ကြောင်း သတင်းရရှိပါသည်။