လှိုင်သာယာမြို့နယ်မှ အရေးပေါ်နှလုံးရောဂါ ဝေဒနာရှင်တစ်ဦးကို လှိုင်သာယာမြို့နယ် ကြက်ခြေနီအသင်းခွဲက အသင်းပိုင်လူနာတင်ယာဉ်ဖြင့် မတ်လ (၂၆) ရက်နေ့ နံနက်ပိုင်းက လှိုင်သာယာမြို့နယ် ကုတင် (၅၀၀) ပြည်သူ့ဆေးရုံကြီးသို့ ပို့ဆောင်ပေးခဲ့ကြသည်။

ဆို့နင့်ကာ နှလုံးခုန်နှုန်းမမှန်တော့သည့် အသက် (၉) နှစ်အရွယ် ကလေးငယ်အား ကြက်ခြေနီက ရှေးဦးပြုစုခြင်းနည်းစနစ်ဖြင့် အသက်ကယ်နိုင်ခဲ့ကြောင်း သိရပါသည်။ ဖြစ်စဉ်မှာ ယ‌နေ့ မတ်လ ၂၆ ရက်နေ့ နံနက်ပိုင်းအချိန်က မြစ်ကြီးနားမြို့ရှိ (၉) နှစ် အရွယ် ကလေးငယ်တစ်ဦးသည် ဆို့နင့်ကာ အသက်ရှူရပ်၍ နှလုံးခုန် မမှန်ခြင်းနှင့် သတိလစ်ခြင်းတို့ ဖြစ်ပွားခဲ့သဖြင့် ကချင်ပြည်နယ်၊ ပြည်နယ်ကြက်ခြေနီသူနာပြုတပ်ဖွဲ့မှ ဒုတိယတပ်ဖွဲ့မှူး ဦးအောင်ကျော်လင်းနှင့် တပ်ဖွဲ့မှူး ဦးတန်ရှန်တို့က ကလေးငယ်အား နှလုံးနှိုးဆွခြင်း (CPR) ကို မိနစ်ပိုင်းအကြာပြုလုပ်ခဲ့ရာ က‌လေးငယ်မှာ သတိပြန်လည်လာပြီး စိတ်ချရသည့်အနေအထားထိ ရှေးဦးပြုစုပေးခဲ့ကြပြီးမြစ်ကြီးနားမြို့ မလိဇွပ်ဆေးရုံသို့ ကြက်ခြေနီသူနာတင်ယာဉ်ဖြင့် ပို့ဆောင်ပေးခဲ့ပါသည်။ နိုင်ငံတစ်ဝှမ်းရှိ ကြက်ခြေနီစေတနာလုပ်အားရှင်များသည် ရှေးဦးပြုစုခြင်း နည်းပညာဖြင့် ပြည်သူများ၏အသက်နှင့် ကျန်းမာရေးကို အခြေခံမူများနှင့်အညီ ကူညီစောင့်ရှောက်ပေးလျက်ရှိနေပါသည်။

ကြက်ခြေနီ စေတနာလုပ်အားရှင်များဟာ လူသားချင်းစာနာထောက်ထားသောစိတ်ဓါတ်အရင်းခံကာ အကူအညီလိုအပ်သူ မည်သူကိုမဆို တတ်နိုင်သမျှ ကြိုးပမ်းဆောင်ရွက်ပြီး လူမှုကရုဏာ အကူအညီများ ဆောင်ရွက်ပေးနေတဲ့အတွက် ကျေးဇူးတင်ဂုဏ်ယူပါတယ်။

"တာမွေမြို့နယ်ကြက်ခြေနီအသင်းခွဲ အနေနဲ့ ရှေးဦးပြုစုခြင်းစခန်း (၄) ခု ဖွင့်ပြီး ကြက်ခြေနီ တပ်ဖွဲ့ဝင်နဲ့ ကြက်ခြေနီ အသင်းဝင် ဆရာဝန်တွေအပါအဝင် ကျွန်တော်တို့ စုစုပေါင်း (၂၆) ဦးနဲ့ နေ့စဉ် ကူညီပေးနေပါတယ်။ လက်တလောမှာတော့ ပေါက်ပြဲရှနာတွေ၊ ကျည်/ မီးခိုးဗုံးအစ ထိမှန်တာတွေ၊ ပြေးရင်း လွှားရင် ထိခိုက်မိတာတွေကို ရှေးဦးပြုစုပေးပါတယ်။ လိုအပ်ပါက ဆရာဝန်အဖွဲ့က တိုင်ပင်ပြီး ချုပ်ပေးတာမျိုးတွေရှိတယ်။ ကြီးမားတဲ့ ဒဏ်ရာတွေဆိုရင် ကြက်ခြေနီ လူနာတင်ယာဉ်နဲ့ ဆေးရုံး၊ဆေးခန်းကို ပို့ဆောင်ပေးတာတွေကို ကူညီဆောင်ရွက်လျှက်ရှိပါတယ်" ဟု တာမွေကြက်ခြေနီအသင်းခွဲ ဥက္ကဌ ဦးအောင်မျိုးဦးက ပြောပါသည်။