၂၀၂၁ခုနှစ်၊ ဧပြီလ(၁၁)ရက်နေ့က ရန်ကုန်တိုင်းဒေသကြီး လှိုင်သာယာမြို့နယ်ကြက်‌ေခြနီအသင်းခွဲမှ ကြက်ခြေနီ‌ေစတနာလုပ်အားရှင်များသည် ကျောက်ကပ်လူနာအမျိုးသမီး(၁)ဦး ကို ဆေးရုံပို့ပေးပြီး လေဖြတ်လူနာအမျိုးသား(၁)ဦးကို လှိုင်သာယာဆေးရုံမှ အင်းစိန်နေအိမ်သို့ အသင်းခွဲမှလူနာတင်ယာဉ်ဖြင့် ကူညီပို့ဆောင်ပေးခဲ့ပါသည်။  

၂၀၂၁ခုနှစ်၊ ဧပြီလ၁၀ရက်နေ့ နံနက်၁နာရီခန့်က လှိုင်မြို့နယ်ကြက်ခြေနီစေတနာလုပ်အားရှင်များသည် အသက်ရှုကြပ်၍ အရေးပေါ်ဆေးကုသမှုခံယူရန်လိုအပ်နေသည့် လူနာတစ်ဦးအား အရေးပေါ် ရှေးဦးပြုစုပေးခဲ့ကြပြီး လူနာတင်ယာဥ်ဖြင့် အာယုဆေးရုံသို့ ပို့ဆောင်ပေးခဲ့ကြသည်။

၂၀၂၁ ခုနှစ်၊ ဧပြီလ (၉)ရက်နေ့က လတ်တလောဖြစ်ပေါ်နေသည့် အခက်အခဲများကြောင့် မွန်ပြည်နယ် ရေးမြို့နယ်၊ ချောင်းတောင်ကျေးရွာရှိ တပ္ပလင် နှစ်ဆူ ဓမ္မာရုံနှင့်နန်းတော်ဦးဘုန်းတော်ကြီးကျောင်းသို့ ရောက်ရှိလာသည့် ယာယီနေရပ်စွန့်ခွာအိမ်ထောင်စု (၄၉) စု လူဦးရေ (၁၅၄) ဦးအတွက် အရေးပေါ်လိုအပ်နေသည့် စောင်၊ ခြင်ထောင် ၊ တစ်ကိုယ်ရည်သန့်ရှင်းရေးသုံးပစ္စည်းတို့အား ရေးမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက သွားရောက် ထောက်ပံ့ ပေးအပ်ခဲ့ကြသည်။