၂၀၂၁ခုနှစ်၊ ဧပြီလ(၁၆)ရက်နေ့က ရန်ကုန်တိုင်းဒေသကြီး အင်းစိန်မြို့နယ် အောင်ဆန်းရပ်ကွက်မှ နှလုံးရောဂါခံစားနေရသော အဖွားအိုတစ်ဦးကို ကြက်ခြေနီ‌ေစတနာလုပ်အားရှင်(၄)ဦးတို့က မြို့နယ်အသင်းခွဲပိုင်လူနာတင်ယာဉ်ဖြင့် မြောက်ဥက္ကလာဆေးရုံသို့ကူညီပို့ဆောင်ပေးခဲ့ကြသည်။  

၂၀၂၁ခုနှစ်၊ ဧပြီလ(၁၅)ရက်နေ့က မွန်ပြည်နယ်မုဒုံမြို့နယ်ကြက်‌ေခြနီအသင်းခွဲမှ ကြက်ခြေနီစေတနာလုပ်အားရှင်(၂)ဦးသည် မြို့မ(၁)ရပ်ကွက် မှ မြွေကိုက်ခံရသည့်လူနာတစ်ဦးကို ရှေးဦးပြုစုနည်းဖြင့် ပြုစု‌ေပးပြီး မြို့နယ်အသင်းခွဲပိုင် လူနာတင်ယာဥ်ဖြင့် ဆေးရုံသို့ ကူညီပို့ဆောင်ပေးခဲ့ကြသည်။

၂၀၂၁ခုနှစ်၊ ဧပြီလ ၁၅ရက် နံနက်၁၀နာရီခွဲခန့်က ရန်ကုန်တိုင်းဒေသကြီး၊ လှိုင်မြို့နယ်တွင်နေထိုင်သူ အဖိုးတစ်ဦး သတိလစ်မေ့မျောသွားသဖြင့် လှိုင်မြို့နယ်ကြက်ခြေနီစေတနာလုပ်အားရှင်များက အချိန်မီသွားရောက်ကာ အရေးပေါ်ရှေးဦးပြုစုပေးခဲ့ပြီး လူနာတင်ယာဥ်ဖြင့် အင်းစိန်မြို့နယ်ရှိကွယ်ကဘောဆေးရုံသို့လည်းကောင်း၊ ထိုမှတစ်ဆင့် သက်ဆိုင်ရာလွှဲပြောင်းမှုများဖြင့်ဝိတိုရိယဆေးရုံသို့လည်းကောင်း၊ ပန်းလှိုင်ဆေးရုံသို့လည်းကောင်း အဆင့်ဆင့်ပို့ဆောင်ပေးခဲ့ကြပြီး လိုအပ်သည်များကူညီဆောင်ရွက်ပေးခဲ့ကြသည်။

၂၀၂၁ခုနှစ်၊ ဧပြီလ(၁၅)ရက်နေ့ နံနက်အ‌စောပိုင်းအချိန်က ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ ဈေးကြီးလမ်း၊ ကြည့်မြင်တိုင်​လေဟာပြင်ည​ဈေးရှိ စိန်ရတနာရုပ်ရှင်ရုံ မီး​လောင်မှုဖြစ်ပွားခဲ့ရာ ကြည့်မြင်တိုင် ၊ စမ်း​ချောင်း၊ လမ်းမ​တော်၊ အလုံ၊ မရမ်းကုန်း၊ လှိုင်မြို့နယ်များမှ ကြက်​ခြေနီသူနာပြုတပ်ဖွဲ့ ဝင် စေတနာလုပ်အားရှင်များ သည်အကူအ‌ညီ‌ေပးနိုင်ရန်သွား‌ေရာက်ခဲ့ကြပြီး ထိခိုက်ဒဏ်ရာရသူများကို ရှေးဦးပြုစုစောင့်ရှောက်မှုပေးခဲ့ကြသည်။