၂၀၂၁ ခုနှစ်၊ မေလ ၅ ရက်နေ့က ပြည်ထောင်စုနယ်မြေ နေပြည်တော်၊ ပျဉ်းမနားမြို့နယ်၊ ရွာကောက်ရပ်ကွက်ရှိ ပါဋိကွေ့မီးပွိုင့်အနီးတွင် ၁၀ဘီးကား ၁စီး မတော်တဆတိမ်းမှောက်မှုကြောင့် ပြင်းထန်စွာထိခိုက်ဒဏ်ရာရရှိခဲ့သည့်အမျိုးသား (၁) ဦးအား ပျဉ်းမနားမြို့နယ်ကြက်ခြေနီအသင်းခွဲမှ မြို့နယ်ကြက်ခြေနီတပ်ဖွဲ့မှူး ဦးသန်းနိုင်နှင့် ကြက်ခြေနီစေတနာလုပ်အားရှင် (၄) ဦးတို့က ရှေးဦးပြုစုပေးကာ ပြည်သူ့ဆေးရုံ(ကုတင်-၁၀၀၀) သို့ ပို့ဆောင်ပေးခဲ့ကြပါသည်။

၂၀၂၁ခုနှစ်၊ မေလ(၄)ရက်နေ့ နေ့လည်ပိုင်းတွင်အင်းစိန်မြို့နယ် ဖော့ကန်ရပ်ကွက်မှ ပေါင်ရိုးကျိုး အဖွားအိုတစ်ဦးနှင့် အောင်ဆန်းရပ်ကွက်မှ ဆေးရုံရက်ချိန်းပြမည့် လေဖြန်း အမျိုးသားလူနာတစ်ဦးတို့အား အင်းစိန်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ကြက်ခြေနီလူနာတင်ယာဥ်ဖြင့် ဆေးရုံသို့ ကူညီပို့‌ဆောင်ပေးခဲ့ကြပါတယ်။

၂၀၂၁ခုနှစ်၊ မေလ(၃)ရက်နေ့ ညပိုင်းကရန်ကုန်တိုင်းဒေသကြီး ကြည့်မြင်တိုင်မြို့နယ်််ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် ကိုစည်သူနှင့် ကိုလွင်မောင် တို့သည် အာရှတော်ဝင်ဆေးရုံတွင် ဆေးကုသမှုခံယူလျက်ရှိသော ဆီးကျိတ်ခွဲစိတ်လူနာတစ်ဦးနှင့် ကျောက်ကပ်ခွဲစိတ်လူနာတစ်ဦး တို့အတွက် အရေးပေါ်လိုအပ်လျှက်ရှိသော (AB)သွေး နှင့် (O) အမျိုးအစား သွေးတို့ကို လှူဒါန်းခဲ့ကြပါတယ်။