ရှေးဦးပြုစုခြင်းနှင့် အန္တရာယ်ကင်းရှင်းရေး လုပ်ငန်းများအကြောင်း ပိုမိုသိရှိလိုပါက ဆက်သွယ်ရန် – ဦးမြတ်မင်းနိုင်၊ ညွှန်ကြားရေးမှူး၊ ရှေးဦးပြုစုခြင်းနှင့် အန္တရာယ်ကင်းရှင်းရေးဌာန
အီးမေးလ် – myatminnaing@redcross.org.mm
မိုဘိုင်းဖုန်း – +၉၅ ၉ ၅၀၉၃၄၁၂
ကြက်ခြေနီစေတနာလုပ်အားရှင်အားလုံးသည် မြန်မာနိုင်ငံကြက်ခြေနီအသင်းသို့ ဝင်ရောက်ချိန်မှစ၍ ၆ လအတွင်း အခြေခံရှေးဦးပြုစုခြင်းသင်တန်းကို တက်ရောက်အောင်မြင်ရန်လိုသည်။ ထို့နောက် သာမာန်သင်တန်း၊ ရှေးဦးပြုစုခြင်း နည်းပြသင်တန်း၊ ရှေးဦးပြုစုခြင်းမွမ်းမံသင်တန်းနှင့် အခြား လိုအပ်သော သင်တန်းများကို တက်ရောက်နိုင်ပြီဖြစ်သည်။
အများပြည်သူအတွက် ဝင်ငွေရရှေးဦးပြုစုခြင်းသင်တန်းများကိုလည်း ဖွင့်လှစ်ပေးလျက်ရှိသည်။ ဝင်ငွေရ ရှေးဦးပြုစုခြင်းသင်တန်းနှင့် ပတ်သက်ပြီး မည်သို့ဆက်သွယ်ဆောင်ရွက်ရမည်ကို ဝင်ငွေရရှေးဦးပြုစုခြင်း အခန်းကဏ္ဍတွင် ဖတ်ရှုနိုင်သည်။
အခြေခံရှေးဦးပြုစုခြင်းသင်တန်းတွင် ခန္ဓာဗေဒ၊ ဇီဝကမ္မဗေဒအကြောင်းနှင့် သာမာန်အရေးပေါ် အခြေအနေ ဖြစ်ပေါ်နိုင်သည့် ထိခိုက်ဒဏ်ရာများအကြောင်းကို သုံးရက်တာ အလေးထားသင်ကြားပေးသည်။ သင်တန်းတက်ရောက်ပြီးပါက သင်တန်းသားများသည် ရေးဖြေ၊ နှုတ်ဖြေနှင့် လက်တွေ့ စာမေးပွဲများကို ဖြေဆိုရမည် ဖြစ်သည်။ အခြေခံရှေးဦးပြုစုခြင်း ၃ ရက်သင်တန်းတွင် ပါဝင်သည့် သင်ခန်းစာများ
ဦးမြတ်မင်းနိုင်၊ ညွှန်ကြားရေးမှူး၊ ရှေးဦးပြုစုခြင်းနှင့် အန္တရာယ်ကင်းရှင်းရေးဌာန
အီးမေးလ် – myatminnaing@redcross.org.mm
မိုဘိုင်းဖုန်း – +၉၅ ၅၀၉၃၄၁၂
ရှေးဦးပြုစုခြင်း နည်းပြသင်တန်းသည် ၈ ရက်တာသင်တန်းဖြစ်ပြီး ခန္ဓာဗေဒ၊ ဇီဝကမ္မဗေဒအကြောင်း နှင့် သာမာန်အရေးပေါ် အခြေအနေ ဖြစ်ပေါ်နိုင်သည့် ထိခိုက်ဒဏ်ရာများအကြောင်းကို အလေးထား သင်ကြား ပေးသည်။ သင်တန်းတက်ရောက်ပြီးပါက သင်တန်းသားများသည် ရေးဖြေ၊ နှုတ်ဖြေနှင့် လက်တွေ့စာမေးပွဲများကို ဖြေဆိုရမည် ဖြစ်သည်။ ရှေးဦးပြုစုခြင်းနည်းပြသင်တန်း ၈ ရက်တာ သင်ခန်းစာများ
အခြားအရေးပါသော သင်ခန်းစာများဖြစ်သည့် သင်ခန်းစာရေးဆွဲခြင်း၊ လူထုအား စည်းရုံးခြင်း၊ အဖွဲ့လိုက် လှုပ်ရှားဆောင်ရွက်ခြင်း၊ သင်တန်းအား စီမံခန့်ခွဲခြင်း၊ သင်ထောက်ကူပစ္စည်းများ၊ သင်ကြားမှုစွမ်းရည်၊ အစီရင်ခံတင်ပြခြင်း၊ အကဲဖြတ်သုံးသပ်ခြင်း စသည်တို့ကို သင်ရိုးညွှန်းတမ်းတွင် ထည့်သွင်းထားပြီး သင်တန်းများကို နည်းပြတစ်ဦးအဖြစ် လုံးလုံးလျားလျား တာဝန်ယူဆောင်ရွက် နိုင်စေရန် သင်ကြားပေးသည်။
မြန်မာနိုင်ငံကြက်ခြေနီအသင်းသည် အများပြည်သူအတွက် ရှေးဦးပြုစုခြင်းသင်တန်းများ ပို့ချလျက် ရှိသည့် အနည်းငယ်သော အဖွဲ့အစည်းများတွင် တစ်ခုဖြစ်သည်။ လေကြောင်းလိုင်းမှ ဝန်ထမ်းများ၊ ဟိုတယ်၊ အပန်းဖြေစခန်းများ၊ နိုင်ငံတကာကျောင်းများ၊ သံရုံးဝန်ထမ်းများနှင့် အခြား အစိုးရမဟုတ် သော အဖွဲ့အစည်းများမှ ဝန်ထမ်းများကို ဝင်ငွေရရှေးဦးပြုစုခြင်းသင်တန်းများ ပို့ချပေးလျက်ရှိသည်။ ဝင်ငွေရရှေးဦးပြုစုခြင်းသင်တန်းများအနေဖြင့် –
သင်တန်းပြီးမြောက်ကြောင်းထောက်ခံစာ သင်ရိုးလမ်းညွှန်နှင့် လက်စွဲစာအုပ် ၃ ရက် – ၅ ရက် သင်တန်း
သင်တန်းပြီးမြောက်ကြောင်းထောက်ခံစာ သင်ရိုးလမ်းညွှန်နှင့် လက်စွဲစာအုပ် ၂ရက် သင်တန်း
သင်တန်းကြေးမှာ မြန်မာနိုင်ငံသားတစ်ဦးလျင်ကျပ် ၃၄,၀၀၀ ဖြစ်ပြီး နိုင်ငံခြားသားများအတွက် တစ်ဦးလျင် ၄၅,၀၀၀ ကျပ်ဖြစ်ပြီး သင်ထောက်ကူပစ္စည်းများအနေဖြင့် ရှေးဦးပြုစုခြင်းစာအုပ်၊ သုံးထောင့်ပတ်တီး၊ CPR Mask နှင့် သင်တန်းဆင်းလက်မှတ် တို့ ပါဝင်ပါသည်။ သင်တန်းကြေးမှ ရရှိလာသည့် ဝင်ငွေများကို ကျန်းမာရေးစီမံကိန်းများတွင် ထည့်ဝင်အသုံးပြုလျက်ရှိသည်။
မြန်မာနိုင်ငံကြက်ခြေနီအသင်းရုံးများတွင် သင်တန်းဖွင့်လှစ်ပေးနိုင်ပြီး အကယ်၍ လုပ်ငန်းခွင်တွင်သာ သင်တန်းပို့ချစေလိုပါက သင်တန်းကြေးအပြင် သယ်ယူပို့ဆောင်ရေးနှင့် သင်တန်းအတွက် လိုအပ်သည့် ပစ္စည်းများအတွက် တာဝန်ယူပေးရမည်ဖြစ်သည်။
မြန်မာနိုင်ငံကြက်ခြေနီအသင်းအနေဖြင့် မြန်မာဘာသာဖြင့်လည်းကောင်း၊ အင်္ဂလိပ်ဘာသာဖြင့် လည်းကောင်း သင်ကြားပို့ချပေးသည်။ ဘာသာပြန်အား မိမိအစီအစဉ်ဖြင့် ခေါ်ယူလိုပါကလည်း ညှိနှိုင်းနိုင်သည်။
မိသားစုဝင်များ၊ ကုမ္ပဏီနှင့် အဖွဲ့အစည်းမှ ဝန်ထမ်းများအတွက် ရှေးဦးပြုစုခြင်းသင်တန်း ဖွင့်လှစ်ပေးလိုပါက –
ဦးမြတ်မင်းနိုင်၊ ညွှန်ကြားရေးမှူး၊ ရှေးဦးပြုစုခြင်းနှင့် အန္တရာယ်ကင်းရှင်းရေးဌာန
အီးမေးလ် – myatminnaing@redcross.org.mm
မိုဘိုင်းဖုန်း – +၉၅ ၅၀၉၃၄၁၂
