ဆိုင်ကလုန်းမုန်တိုင်းမိုခါ တိုက်ခတ်ပြီးနောက် သန့်စင်တဲ့သောက်သုံးရေရရှိဖို့က အရမ်းကိုအရေးကြီးလှပါတယ်။ မြန်မာနိုင်ငံကြက်ခြေနီအသင်းအနေဖြင့် ရခိုင်ပြည်နယ်အတွင်း မုန်တိုင်းကြောင့် ရေအခက်အခဲရှိတဲ့နေရာတွေကို လက်လှမ်းမီသလောက်သွားရောက်ကာ နေ့စဉ်ရေပေးဝေလျက်ရှိသလို၊ ကောင်းမွန်တဲ့ရေအရင်းမြစ်ရရှိအောင် ကူညီပေးနိုင်ဖို့ အတွက်လည်း ကြိုးစားဆောင်ရွက်လျက်ရှိတယ်။ ကျောက်တော်မြို့နယ်အတွင်း သောက်သုံးရေအခက်အခဲရှိသော မြို့ပေါ်ရပ်ကွက်များနှင့်ကျေးရွာများအတွက်သန့်စင်သောသောက်သုံးရေပေးဝေနိုင်ဖို့ အသင်းဝန်ထမ်းများနှင့်ကြက်ခြေနီစေတနာလုပ်အားရှင်များက ဇွန်လမှစတင်၍ ကွင်းဆင်းလေ့လာခြင်းများ၊ ရေသန့်စက်တပ်ဆင်လုပ်ငန်းများ အရှိန်အဟုန်ဖြင့် ကြိုးပမ်းဆောင်ရွက်နေကြတာပဲဖြစ်ပါတယ်။ [gallery display="grid" targetsize="wcstandard" link="file" columns="2" size="wcstandard" ids="15455,15454,15453,15446,15447,15448,15449,15450,15445,15444"]

ရှမ်းပြည်နယ်(မြောက်ပိုင်း)၊ မူဆယ်မြို့နယ်၊ မိုင်းယု(၁၀၅)မိုင် ကုန်သွယ်ရေးဇုန်ရှေ့ ပြည်ထောင်စုကားလမ်းမကြီးဘေးတွင် ၂၀၂၂ခုနှစ်၊ ဇန်နဝါရီလ (၂၆)ရက်နေ့က ယာဉ်မတော်တဆဖြစ်ကာ အမျိုးသားတစ်ဦးသည် ဦးခေါင်းပိုင်းနှင့်ခါးအောက်ပိုင်းတွင် ပြင်းထန်ဒဏ်ရာများ ရရှိခဲ့သဖြင့် မိုင်းယု(၁၀၅)မိုင် ကြက်ခြေနီအသင်းရုံးအား ဖုန်းဖြင့်ဆက်သွယ်အကူအညီတောင်းခံလာရာ ကြက်ခြေနီစေတနာလုပ်အားရှင်များက ရှေးဦးပြုစုပေးပြီး အချိန်မီဆေးကုသနိုင်ရေးအတွက် မူဆယ်ခရိုင်ပြည်သူ့ဆေးရုံကြီးသို့ ပို့ဆောင်ကူညီပေးခဲ့သည်။

ရပ်ရွာလူထု အကူအညီလိုအပ်တဲ့အခါတိုင်း နိုင်ငံတဝန်းက ကြက်ခြေနီစေတနာလုပ်အားရှင်တွေက လိုအပ်ချက်တွေဖြည့်ဆည်းပေးဖို့အသင့်ရှိနေကြမှာပါ။ မီးဘေး၊ရေဘေး စတဲ့ သဘာဝဘေးအန္တရာယ်အခြေအနေတွေကြောင့် အိုးအိမ်စည်းစိမ်ဆုံးရှုံးရချိန်တွေမှာလည်း အတတ်နိုင်ဆုံးဖြည့်ဆည်းပေးနိုင်ဖို့ ကြိုးပမ်းအားထုတ်ကြပြီး ရောဂါကပ်ဆိုးတွေကြောင့် စောင့်ရှောက်ကူညီမှုလိုအပ်နေတဲ့အခါတွေမှာလည်း ကျွန်ုပ်တို့အမြဲအတူရှိနေကြမှာပါ။

ရန်ကုန်တိုင်း၊ ပန်းဘဲတန်းမြို့နယ် ကုန်ဈေးတန်းလမ်း (အလယ်ဘလောက်) မှာ ဒီကနေ့ မေလ ၁၆ ရက် မနက် ၁၁ နာရီ‌ ကျော်ခန့်က မီးလောင်မှုဖြစ်ပွါးခဲ့ရာ ကြက်ခြေနီစေတနာလုပ်အားရှင်များမှ ထိခိုက်ဒဏ်ရာရသူများကို ရှေးဦးပြစုခြင်းနှင့် ကူညီကယ်ဆယ်ရေးလုပ်ငန်းများတွင် ပူးပေါင်းဆောင်ရွက်လျက်ရှိပါသည်။  

မနေ့က သံဖြူဇရပ်မြို့နယ်မှ အရေးပေါ်ဆေးကုသမှုခံယူမည့် အမျိုးသား (၁) ဦးအား မော်လမြိုင်မြို့ဆေးရုံသို့ သံဖြူဇရပ်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် (၂) ဦးက ကြက်ခြေနီလူနာတင်ယာဉ်ဖြင့် ကူညီပို့ဆောင်ပေးခဲ့ပါတယ်။