၂၀၂၁ခုနှစ်၊ ဧပြီလ(၁၈)ရက်နေ့ နံနက်ပိုင်းက တနင်္သာရီတိုင်းဒေသကြီး ထားဝယ်မြို့နယ်ကြက်ခြေနီ အသင်းခွဲမှ ကြက်ခြေနီစေတနာလုပ်အားရှင်များသည် ထားဝယ်မြို့ ဥဿရံရပ် ကမြောကင်းလမ်းမှ သတိလစ်နေသော လူနာတစ်ဦးကို ရှေးဦးပြုစုပေးပြီး မြို့နယ်အသင်းခွဲမှ လူနာတင်ယာဉ်ဖြင့် ထားဝယ်ဆေးရုံသို့ ကူညီပို့ဆောင်ပေးခဲ့ပါသည်။ ထို့အတူ ထားဝယ်မြို့ ညောင်ရမ်းတောင်ရပ်ကွက်မှ အရေးပေါ်ကလေးမွေးဖွားမည့် ကိုယ်ဝန်ဆောင်တစ်ဦးကိုလည်း နေအိမ်မှ ဆေးရုံသို့ ကူညီပို့ဆောင်ပေးခဲ့ကြသည်။
