ဝါးခယ်မ၊ နိုဝင်ဘာလ (၁၅)ရက်။
မြန်မာနိုင်ငံကြက်ခြေနီအသင်း၊ ရှေးဦးပြုစုခြင်းနှင့် အန္တရာယ်ကင်းရှင်းရေးဌာနနှင့် ဧရာဝတီတိုင်းဒေသကြီးကြက်ခြေနီကြီးကြပ်မှုကော်မတီတို့ ပူးပေါင်းဖွင့်လှစ်သည့် ထိခိုက်ဒဏ်ရာရှေးဦးပြုစုခြင်းဆင့်ပွားသင်တန်းကို ၂၀၂၁ခုနှစ် နိုဝင်ဘာလ (၁၃)ရက်နေ့နှင့် (၁၄)ရက်နေ့များတွင် ဝါးခယ်မမြို့နယ်ကြက်ခြေနီအသင်းရုံးခွဲတွင် ဖွင့်လှစ်ခဲ့ကြပါသည်။
သင်တန်းတွင် ထိခိုက်ဒဏ်ရာပြုစုခြင်း၊ လူအများအပြားထိခိုက်ဒဏ်ရာရရှိချိန်တွင် စီမံခန့်ခွဲခြင်း၊ ဦးစားပေးလူနာရွေးချယ်ခြင်း၊ ထိခိုက်ဒဏ်ရာရရှိသူများကို ပြုစုစောင့်ရှောက်ခြင်း၊ မျက်ရည်ယိုဓါတ်ငွေ့ထိခိုက်သူအား ရှေးဦးပြုစုခြင်း၊ စိတ်ဖိစီးမှုကိုကိုင်တွယ်ဖြေရှင်းခြင်း၊ အရေးပေါ်အခြေအနေတွင် ထိခိုက်ဒဏ်ရာရရှိသည့်လူနာကို ပြုစုစောင့်ရှောက်ပေးခြင်း၊ ရှေးဦးပြုစုသူ၏အခန်းကဏ္ဍတာဝန်ဝတ္တရားများ၊ ရှေးဦးပြုစုခြင်းစခန်းနှင့် ရှေးဦးပြုစုခြင်းအဖွဲ့အတွက် ဆောင်ရွက်ရမည့် အချက်အလက်များ၊ ရှေးဦးပြုစုသူများအတွက်ဘေးကင်းလုံခြံမှု စသည့် သင်ခန်းစာများကို ကျွမ်းကျင်သင်တန်းနည်းပြများက ပို့ချသင်ကြားပေးခဲ့ကြပါသည်။
အဆိုပါသင်တန်းကို သင်တန်းသား/သူ (၂၅)ဦး တက်ရောက်သင်ကြားခဲ့ကြပါသည်။
