“ရှေးဦးပြုစုခြင်း” ဆိုတာ ဒဏ်ရာရရှိသူ သို့မဟုတ် နာမကျန်းဖြစ်နေသူကို ဆေးရုံ/ဆေးခန်းသို့ မရောက်မီ ခံစားနေရသော ဝေဒနာသက်သာအောင် ရှေးဦးစွာပြုစုကူညီပေးခြင်းသာမက ဝေဒနာခံစားနေရ၍သော်လည်းကောင်း၊ ဒဏ်ရာအခြေအနေကို ကိုယ်တိုင်မြင်တွေ့ရ၍သော်လည်းကောင်း ဖြစ်ပေါ်လာသည့် စိတ်လှုပ်ရှားဖိစီးမှုအတွက် စိတ်ပိုင်းဆိုင်ရာကိုလည်း အားပေးကူညီနိုင်ပါတယ်။ ရှေးဦးပြုစုခြင်းပညာရပ် တတ်မြောက်ထားလျှင် မိမိကိုယ်တိုင်၊ မိမိမိသားစုနှင့် မိမိပတ်ဝန်းကျင်မှ ထိခိုက်ဒဏ်ရာရရှိသူများကို ရှေးဦးပြုစုခြင်းနည်းလမ်းများဖြင့် ကူညီနိုင်ပါတယ်။
ဒါကြောင့် ကျောင်းနှင့်ရပ်ရွာတွေမှာ ရှေးဦးပြုစုခြင်းပညာရပ်များကို ဆွေးနွေးပို့ချကာ ရှေးဦးပြုစုသူရဲကောင်းများ မွေးထုတ်ကြပါစို့။
