ရေး၊ ဩဂုတ် ၅

၂၀၂၀ပြည့်နှစ်၊ ဩဂုတ်လ ၅ ရက်နေ့က မွန်ပြည်နယ် ရေးမြို့နယ်ကြက်ခြေနီအသင်းခွဲမှ ကြက်ခြေနီတပ်ခွဲမှူး ဒေါ်သီတာမြင့် ဦးဆောင်သော ကြက်ခြေနီစေတနာ လုပ်အားရှင် ၁၈ ဦးတို့သည် မိုးရာသီ၌ ဖြစ်တတ်သော မိုးရွာသွန်းမှုဒဏ်၊ လေပြင်းတိုက်ခတ်မှုနှင့် လှိုင်းရိုက်ခတ်မှုဒဏ်ခံရနိုင်ခြေရှိသည့် ရေးမြို့နယ် ဇီးဖြူသောင်ကျေးရွာမှ အိမ်ထောင်စု (၂၅) စုအား ဘုန်းတော်ကြီးကျောင်းရှိ ယာယီကယ်ဆယ်ရေးစခန်းသို့ ကြိုတင်ပြောင်းရွှေ့နေရာချထားခြင်း၊ ကျန်းမာရေးစောင့်ရှောက်မှုပေးခြင်းနှင့် အသိပေးနှိုးဆော်ခြင်းလုပ်ငန်းများ ကို ကူညီ ဆောင်ရွက် ပေးခဲ့ပါသည်။