၂၀၂၁ခုနှစ်၊ စက်တင်ဘာလ(၁၈)ရက်နေ့ကပြည်ထောင်စုနယ်မြေ၊ နေပြည်တော်မှ ကြက်ခြေနီစေတနာလုပ်အားရှင်များသည် နေပြည်တော်ပြည်သူ့ဆေးရုံ ကုတင်(၁၀၀၀)တွင် ဆေးကုသမှုခံယူပြီးပြန်လည်သက်သာလာသော အမျိုးသား(၁)ဦးကို ဒက္ခိဏသီရိမြို့နယ်၊ ဒက္ခိဏသီရိရပ်ကွက်သို့ ကြက်ခြေနီလူနာတင်ယာဉ်ဖြင့် ကူညီပို့ဆောင်ပေးခဲ့ပါသည်။
ထို့အတူ ဇေယျာသီရိမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသည် ဇေယျာသီရိမြို့နယ်ပြည်သူ့ဆေးရုံကုတင် (၅၀)မှ အမျိုးသမီး(၁)ဦးကို နေပြည်တော်စည်ပင်ဧည့်ရိပ်သာ(၂) အသွားအလာကန့်သတ်စောင့်ကြည့်စခန်းသို့ ကရုဏာရှင်လူမှုကူညီရေးအသင်းမှလူနာတင်ယာဉ်ဖြင့် ကူညီပို့ဆောင်ပေးခဲ့ပါသည်။
ထို့အပြင် ပျဥ်းမနားမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်(၂)ဦးတို့သည် ပျဥ်းမနားမြို့နယ် ၊ ဘောဂသီရိကား၀န်းအနီး မြို့ရှောင်လမ်းပေါ်၌ ဆိုင်ကယ်မတော်တဆမှုဖြစ်ပွားရာမှ ထိခိုက်ဒဏ်ရာရရှိသူ အမျိုးသား(၁)ဦးအား ရှေးဦးပြုစုပေးပြီး ပျဥ်းမနားမြို့နယ်ပြည်သူ့ဆေးရုံကုတင်(၂၀၀)သို့ မြို့နယ်ကြက်ခြေနီအသင်းခွဲမှ လူနာတင်ယာဥ်ဖြင့် ပို့ဆောင်ကူညီပေးခဲ့ကြပါသည်။
ဥတ္တရခရိုင်ကြက်ခြေနီကြီးကြပ်မှုကော်မတီ၊ ခရိုင်ကြက်ခြေနီတပ်ဖွဲ့အုပ်ချုပ်ရေးအဖွဲ့မှ ကြီးမှူး၍ တပ်ကုန်း၊ ဥတ္တရသီရိ၊ ပုဗ္ဗသီရိနှင့် ဇေယျာသီရိမြို့နယ်ကြက်ခြေနီအသင်းခွဲများ၊ မြို့နယ်ကြက်ခြေနီတပ်ဖွဲ့များ ပူးပေါင်းပြုလုပ်သော ထိခိုက်ဒဏ်ရာ ရှေးဦးပြုစုခြင်း(ဆင့်ပွား) သင်တန်း အမှတ်စဉ်(၁-၂/၂၀၂၁) ကို ခရိုင်ကြက်ခြေနီကြီးကြပ်မှုကော်မတီရုံး၌ ဖွင့်လှစ်ရာ မြို့နယ်များမှ သင်တန်းသား/သူ စုစုပေါင်း(၅၀)ဦး တက်ရောက်လျက်ရှိပြီး သင်တန်းကို စက်တင်ဘာလ(၁၈)ရက်နေ့မှ စက်တင်ဘာလ(၁၉)ရက်နေ့အထိ (၂)ရက်ကြာ ပြုလုပ်မည်ဖြစ်ပါသည်။
