ရှမ်းပြည်နယ်(အရှေ့ပိုင်း)၊ တာချီလိတ်မြို့ရှိ ဝမ်ပုံဆိပ်ကမ်းသို့ အကြောင်းအမျိုးမျိုးကြောင့် လာအိုနိုင်ငံမှ ပြန်လည်ဝင်ရောက်လာသည့် ရွှေ့ပြောင်းလုပ်သား နေရပ်ပြန် (၁၈၂)ဦးအား လက်ခံကြိုဆိုကူညီဆောင်ရွက်ခဲ့ပေးခြင်း၊ အဆိုပါနေရပ်ပြန်များအား သီးသန့်ထားရှိစင်တာတွင် (၇)ရက်တာနေထိုင်ရမည်ဖြစ်ပြီး အိုမီခရွန်စစ်ဆေး၍ ရောဂါကင်းစင်သူများအား သက်ဆိုင်ရာပြည်နယ်နှင့် တိုင်းဒေသကြီးသို့ ပြန်လည် ပို့ဆောင်ပေးခြင်းလုပ်ငန်းများကို မြို့နယ်ကြက်ခြေနီစေတနာလုပ်အားရှင်များက ကူညီဆောင်ရွက်လျက်ရှိပါသည်။ ထို့ပြင် ရောဂါတွေ့ရှိသူများကို သီးသန့်ထားရှိကာ အဆိုပါသီးသန့်လူနာဆောင်များတွင်လည်း ကြက်ခြေနီစေတနာလုပ်အားရှင်များက တာဝန်ယူကူညီဆောင်ရွက်ပေးလျက်ရှိပါသည်။
