မြန်မာနိုင်ငံကြက်ခြေနီအသင်းမှ နိုင်ငံတစ်ဝန်း ဆောင်ရွက်လျက်ရှိသည့် လူမှုကရုဏာလုပ်ငန်းများတွင် ကြက်ခြေနီစေတနာလုပ်အားရှင်များ အသုံးပြုရန်အတွက် စင်ကာပူနိုင်ငံကြက်ခြေနီအသင်းမှ လှူဒါန်းလာသည့် စင်ကပူဒေါ်လာ ၆၀,၄၅၅ နှင့်ညီမျှသော ထမ်းစင် (၅၀)လက်နှင့် ရှုးဖိနပ်(၂,၀၀၀)ရံ တို့ကို ဇွန်လ (၁၄) ရက်နေ့က အသင်း (ရန်ကုန်ရုံးခွဲ) တွင် မြန်မာနိုင်ငံဆိုင်ရာစင်ကာပူသံအမတ်ကြီး Ms. Vanessa Elisabeth CHAN Yuen Ying နှင့် တာဝန်ရှိသူများက လာရောက် လှူဒါန်းခဲ့ရာ အသင်းဥက္ကဌဒေါက်တာမောင်မောင်မြင့်က လက်ခံခဲ့ပြီး ကျေးဇူးတင်စကား ပြန်လည်ပြောကြားခဲ့ပါသည်။

အများပြည်သူရဲ့ လိုအပ်ချက်နဲ့ သင်တို့ရဲ့ အကူအညီတွေ တသားတည်း ကျခဲ့ပါတယ်။

သွေး လှူဒါန်းပြီး စေတနာအလျောက် သွေးလှူဒါန်းသူအဖြစ် ဂုဏ်ယူလိုက်ပါ။ #WorldBloodDonorDay2021

မင်းတပ်၊ ဇွန်လ (၁၂)ရက် ============

အရေးပေါ် ခွဲစိတ်ကုသတဲ့ ဖြစ်စဉ်များနှင့် ရောဂါကြောင့် သွေးသွင်းရမယ့် အချိန်တွေမှာ သွေးလိုအပ်ပါတယ်။ သွေးအစား အစားထိုးနိုင်တဲ့ ပစ္စည်းမရှိသေးပါဘူး။ ဒါကြောင့် သွေးလိုအပ်သူများအတွက် သွေးအလှူရှင်များလိုအပ်ပြီး သွေး လှူဒါန်းခြင်းသည် အသက်ကယ်ခြင်းပင်ဖြစ်ပါတယ်။ ခွဲစိတ်ကုသမှုများနှင့် သွေးသွင်းရန်လိုသည့်လူနာများ၏ သွေးလိုအပ်မှုများတွင် ကြက်ခြေနီစေတနာလုပ်အားရှင်များဟာ အရေးပေါ်သွေးလိုအပ်မှုများကို တစ်ဖက်တစ်လမ်းမှ ဖြည့်ဆည်းနိုင်ရန် စေတနာအလျောက်အခမဲ့သွေးလှူဒါန်းခြင်းနှင့် သွေးအလှူရှင်များကို ချိတ်ဆက် ရှာဖွေပေးခြင်းအားဖြင့် သွေးလိုအပ်ချက်ကို ဖြည့်ဆည်းဆောင်ရွက်ပေးလျှက်ရှိပါတယ်။ ဘယ်သူတွေက သွေးအလှူရှင် ဖြစ်နိုင်ပါသလဲ ============================= အသက်(၁၈) နှစ်မှ (၅၅) နှစ်အတွင်းရှိသူ ဖြစ်ရမည်။ ကိုယ်အလေးချိန် ပေါင် (၁၃၀) အထက် ရှိရမည်။ အိပ်ရေးဝစွာ အိပ်စက်ထားသူဖြစ်ရပါမည်။ အရက်သေစာသောက်စားထားခြင်းမရှိသူ ဖြစ်ရပါမည်။ လတ်တလော ရောဂါဝေဒနာမရှိသူ ဖြစ်ရပါမည်။ ကူးစက်ရောဂါ ကင်းရှင်းရမည်။ လွန်ခဲ့သော ၆ လအတွင်းက ဆေးမင်ကြောင် ထိုးခြင်း၊ နားဖောက်ခဲ့ခြင်း၊ ဆေးအပ်စိုက်ခဲ့ခြင်းတို့ မရှိသူ ဖြစ်ရပါမည်။ ကိုယ်ဝန်ဆောင်ခြင်း၊ နို့တိုက်ခြင်း၊ လတ်တလော ဓမ္မတာလာခြင်းတို့ မရှိသူဖြစ်ရပါမည်။ အထက်ပါ အချက်အလက်များနှင့် ပြည့်စုံပါက (၄) လ လျှင် တစ်ကြိမ် သွေးလှူဒါန်းနိုင်ပါတယ်။ သွေးအလှူရှင်များကို ကျေးဇူးတင်ပါတယ်…… နီးစပ်ရာ သွေးလှူဘဏ်များနှင့် ဆေးရုံများတွင် စေတနာအလျောက် သွေးလှူဒါန်းခြင်းဖြင့် မိမိမေတ္တာကို မျှဝေပြီး သွေးလှူဒါန်းသူများအဖြစ် ဂုဏ်ယူလိုက်ကြပါစို့ .....

ဇွန်လ (၆) ရက်နေ့က ရှမ်းပြည်နယ် ( မြောက်ပိုင်း) ၊ ကွမ်းလုံမြို့နယ် ဟိုလီကျေးရွာတွင် ဂတ်(စ်) အိုး ပေါက်ကွဲမှုဖြစ်ပွားခဲ့ပြီး ခြေနှစ်ဖက်ဆုံးရှုံးကာ ပြင်းထန်စွာဒဏ်ရာရရှိခဲ့သူ အမျိုးသားတစ်ဦးကို ကွမ်းလုံကြက်ခြေနီ သူနာပြုတပ်ဖွဲ့ ဝင်များမှ ရှေးဦးပြုပေးခဲ့ကြပြီး ကွမ်းလုံပြည်သူ့ဆေးရုံသို့ အသင်းခွဲပိုင် လူနာတင်ယာဉ်ဖြင့် ပို့ဆောင်ပေးခဲ့ပါတယ်။