၂၀၂၂ ခုနှစ်၊ မတ်လ(၁၇)ရက်နေ့က ပြည်ထောင်စုနယ်မြေ နေပြည်တော် ၊ ပျဉ်းမနား-တောင်ညိုလမ်း ၊ ဇမ္ဗူသီရိအထူးကုဆေးရုံအနီးတွင် ယာဉ်မတော်တဆမှုဖြစ်ပွားခဲ့သဖြင့် ကြက်ခြေနီစေတနာလုပ်အားရှင်များက ထိခိုက်ဒဏ်ရာရရှိသူ(၂၁)ဦးအား အရေးပေါ်ရှေးဦးပြုစုပေးခဲ့ကြပြီး မိုးစေတနာပရဟိတအသင်း၊ ပေးဆပ်သူများလူမှုကူညီရေးအသင်း တို့နှင့်အတူ ပူးပေါင်းကာ လူနာတင်ယာဉ်များဖြင့် နေပြည်တော်ပြည်သူ့ဆေးရုံကြီး ကုတင်(၁၀၀၀)သို့ ပို့ဆောင်ကူညီပေးခဲ့ကြပါသည်။ ထို့ပြင် ဇမ္ဗူသီရိအထူးကုဆေးရုံမှ လွှဲပြောင်းလူနာတစ်ဦးအား အမှတ်(၂)တပ်မတော်ဆေးရုံ ကုတင်(၁၀၀၀)သို့ လူနာတင်ယာဉ်ဖြင့် ကူညီပို့ဆောင်ပေးခဲ့ကြပါသည်။

ထို့ပြင် မတ်လ(၁၇)ရက်နေ့က ဥတ္တရခရိုင်၊ ဇေယျာသီရိမြို့နယ်၊ စည်ပင်ကြီးကျေးရွာအုပ်စု၊ ချောင်းကမ်းကြီးကျေးရွာတွင် မီးလောင်မှုဖြစ်ပွားခဲ့ပြီး အိမ်ထောင်စု(၁)စု ထိခိုက်ခံစားခဲ့ရသဖြင့် မိသားစုသုံးပစ္စည်း(၁)စုံ၊ တစ်ကိုယ်ရည်သန့်ရှင်းရေးသုံးပစ္စည်း(၁)စုံ၊ အိမ်ဆောက်အထောက်အကူပြုပစ္စည်း(၁)စုံ၊ အမျိုးသမီးတစ်ကိုယ်ရည်သန့်ရှင်းရေးသုံးပစ္စည်း(၁)စုံ နှင့် ရေသန့်ပုံး(၁)ပုံး တို့ကို ကြက်ခြေနီက သွားရောက် ထောက်ပံ့ပေးခဲ့ပြီး စိတ်ပိုင်းဆိုင်ရာအားပေးကူညီမှုများ ပြုလုပ်ပေးခဲ့ကြပါသည်။

အလားတူ မတ်လ(၁၈)ရက်နေ့က ပြည်ထောင်စုနယ်မြေ၊နေပြည်တော်၊ဇေယျာသီရိမြို့နယ်၊ ပြည်စံအောင်ရပ်ကွက်မှ ဦးခေါင်းကွဲဒဏ်ရာရရှိသူအမျိုးသမီးတစ်ဦးအား ကရုဏာရှင်လူမှုကူညီရေးပရဟိတအသင်း လူနာတင်ယာဉ်ဖြင့် ပြည်စံအောင်ကျေးလက်ကျန်းမာရေးဆေးခန်းသို့ ပို့ဆောင်ပေးခဲ့ပြီး အရေးပေါ်ရှေးဦးပြုစုပေးခဲ့ကြပါသည်။

မြန်မာနိုင်ငံကြက်ခြေနီအသင်းနှင့် မကွေးတိုင်းဒေသကြီးကြက်ခြေနီကြီးကြပ်မှုကော်မတီတို့ ပူးပေါင်းဖွင့်လှစ်သည့် အသင်းခွဲခေါင်းဆောင်များ စွမ်းဆောင်ရည်မြှင့်သင်တန်း ဖွင့်ပွဲကို ၂၀၂၂ ခုနှစ်၊ မတ်လ (၂၀) ရက်နေ့ နံနက်၉နာရီက မကွေးမြို့တွင် ကျင်းပ ပြုလုပ်ခဲ့ရာ အသင်းဥက္ကဌ ဒေါက်တာမောင်မောင်မြင့် အွန်လိုင်းမှတစ်ဆင့် တက်ရောက်ပြီး အဖွင့်အမှာစကားပြောကြားခဲ့ပါသည်။

သင်တန်းဖွင့်ပွဲသို့ အသင်းဥက္ကဌနှင့်အတူ အချိန်ပြည့်အလုပ်အမှုဆောင် ပါမောက္ခဒေါက်တာဒေါ်မြသူ၊ မကွေးတိုင်းဒေသကြီးကြက်ခြေနီကြီးကြပ်မှုကော်မတီ ဥက္ကဌ ပါမောက္ခ ဒေါက်တာချောခင်၊ အဖွဲ့အစည်းဆိုင်ရာဖွံ့ဖြိုးတိုးတက်ရေးဌာန ညွှန်ကြားရေးမှူး ဒေါက်တာလင်းလင်းသက်၊ တာဝန်ရှိသူများ၊ ဖိတ်ကြားထားသူများ၊ သင်တန်းနည်းပြများနှင့် သင်တန်းသား/သူ (၃၀)ဦး တက်ရောက်ခဲ့ကြပါသည်။

အဆိုပါသင်တန်းကို မတ်လ(၂၀)ရက်နေ့မှ (၂၂)ရက်နေ့အထိ (၃)ရက်တာ ကျင်းပပြုလုပ်သွားမည်ဖြစ်ပါသည်။

ထို့အတူ ကူညီကယ်ဆယ်ရေးလုပ်ငန်းများဆောင်ရွက်ရန် အသင့်အနေအထားဖြင့် ကြိုတင်ပြင်ဆင်ထားလျက်ရှိကြောင်း သိရှိရပါသည်။

၂၀၂၂ခုနှစ် မတ်လ(၁၇)ရက်နေ့က ပဲခူးတိုင်းဒေသကြီး၊ ညောင်လေးပင်မြို့နယ်၊ ပြွန်တန်ဆာမြို့၊ မြို့မ(၃)ရပ်ကွက်၊ ပင်းတလဲကျောင်းကွေ့တွင် ဆီဘောက်ဆာကားတစ်စီးတိမ်းမှောက်မီးလောင်ရာမှ အနီးရှိ အိမ်များအား မီးကူးစက်လောင်ကျွမ်းပြီး အိမ်ထောင်စု(၇)စု ထိခိုက်ခံစားခဲ့ရသဖြင့် မတ်လ(၁၈)ရက်နေ့တွင် ညောင်လေးပင်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသွားရောက်ကာ တစ်အိမ်ထောင်လျှင် မိသားစုသုံးပစ္စည်း(၁)စုံ၊ တစ်ကိုယ်ရည်သန့်ရှင်းရေးသုံးပစ္စည်း(၁)စုံ၊ အိမ်ဆောက်အထောက်အကူပြုပစ္စည်း(၁)စုံ၊ အမျိုးသမီးတစ်ကိုယ်ရည်သန့်ရှင်းရေးသုံးပစ္စည်း(၁)စုံ စီတို့ကို ထောက်ပံ့ပေးအပ်ခဲ့ပြီး စိတ်ပိုင်းဆိုင်ရာအားပေးကူညီမှုများ ပြုလုပ်ပေးခဲ့ကြပါသည်။

မန္တလေး၊ ၂၀၂၂ခုနှစ်၊ မတ်လ(၁၉)ရက်။

မြန်မာနိုင်ငံကြက်ခြေနီအသင်း၊ အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများ ဖက်‌ဒရေးရှင်းနှင့် မန္တလေးတိုင်းဒေသကြီး ကြက်ခြေနီကြီးကြပ်မှုကော်မတီတို့ ပူးပေါင်းဖွင့်လှစ်သည့် ရှေးဦးပြုစုခြင်းနည်းပြသင်

တန်းဖွင့်ပွဲကို မန္တလေးမြို့ရှိ ရတနာသိင်္ဂီဟိုတယ်တွင် မတ်လ(၁၆)ရက်နေ့ နံနက်ပိုင်းက ပြုလုပ်ခဲ့ပါသည်။

သင်တန်းဖွင့်ပွဲတွင် တိုင်းဒေသကြီးကြက်ခြေနီကြီးကြပ်မှုကော်မတီဥက္ကဌ ဒေါက်တာသိန်းထွန်းဆောင်က အမှာစကားပြောကြားခဲ့ပြီး အသင်းဌာနချုပ် ရှေးဦးပြုစုခြင်းနှင့် အန္တရာယ်ကင်းရှင်းရေးဌာန အကြီးတန်းအရာရှိ ဒေါ်မြင့်မြင့်ကြူ က နှုတ်ခွန်းဆက်စကား ပြောကြားခဲ့သည်။

သင်တန်းသို့ မန္တလေးခရိုင်မှ မြို့နယ်ကြက်ခြေနီတပ်ဖွဲ့မှူးများနှင့် တိုင်းဒေသကြီးအတွင်းရှိ မြို့နယ်များမှ ကြက်

ခြေနီစေတနာလုပ်အားရှင်(၃၀)ဦးတို့ တက်ရောက်မည်ဖြစ်ပြီး သင်တန်းကို မတ်လ(၁၆)ရက်နေ့မှ မတ်လ

(၂၃)ရက်နေ့အထိ (၈)ရက်ကြာ ပြုလုပ်သွားမည်ဖြစ်ပါသည်။

မတ်လ(၁၆)ရက်နေ့က မြို့သစ်(က+ခ)ရပ်ကွက်မှ အာရုံကြောအားနည်းသူလူနာအမျိုးသမီးတစ်ဦးအား လူနာတင်ယာဉ်ဖြင့် အင်းစိန်ဆေးရုံသို့လည်းကောင်း၊ မတ်လ(၁၅)ရက်နေ့က တောင်သူကုန်းရပ်ကွက်မှ ဒူးခေါင်းရိုးကျိုးလူနာတစ်ဦးအား သီရိစန္ဒာဆေးရုံသို့လည်းကောင်း၊ အင်းစိန်ဆေးရုံမှ အစာအိမ်ကင်ဆာလူနာတစ်ဦးအား ဗဟိုအမျိုးသမီးဆေးရုံသို့လည်းကောင်း ထိုမှတစ်ဆင့် နေအိမ်သို့လည်းကောင်း၊ မတ်လ (၁၄)ရက်နေ့က စော်ဘွားကြီးကုန်းရပ်ကွက်မှ သွေးဝမ်းသွားလူနာတစ်ဦးအား အင်းစိန်ဆေးရုံသို့လည်းကောင်း ထိုမှတစ်ဆင့် မြောက်ဥက္ကလာဆေးရုံသို့လည်းကောင်း၊ ပန်းလှိုင်ဆေးရုံမှ ဆေးရုံဆင်းလူနာတစ်ဦးအား တာမွေနေအိမ်သို့လည်းကောင်း၊ မတ်လ(၁၃)ရက်နေ့က မြို့သစ် (က+ခ)ရပ်ကွက်မှ အစာအိမ်ကင်ဆာအမျိုးသမီးတစ်ဦးအား အင်းစိန်ဆေးရုံသို့လည်းကောင်း၊ မတ်လ(၁၁)ရက်နေ့က မြောက်ဥက္ကလာဆေးရုံမှ ဦးနှောက်သွေးကြောပေါက်သူအမျိုးသမီးတစ်ဦးအား ရွှေပြည်သာကောင်းစုအောင်ဆေးရုံသို့လည်းကောင်း၊ မတ်လ(၁၀)ရက်နေ့က ဈေးကုန်းအရှေ့ရပ်ကွက်မှ ဆီးချိုရောဂါသည်အမျိုးသားတစ်ဦးအား အင်းစိန်ဆေးရုံသို့လည်းကောင်း၊ မတ်လ(၈)ရက်နေ့က တောင်သူကုန်းရပ်ကွက်မှ ချော်လဲ၍ဒူးခေါင်းထိခိုက်သူလူနာတစ်ဦးအား သီရိစန္ဒာဆေးရုံသို့လည်းကောင်း၊ မတ်လ(၇)ရက်နေ့က ပေါက်တောရပ်ကွက်၊ ဘုရင့်နောင်လမ်းမပေါ်တွင် ဆိုင်ကယ်မတော်တဆဖြစ်ပွားမှုကြောင့် ထိခိုက်ဒဏ်ရာရရှိသူအား အရေးပေါ်ရှေးဦးပြုစုပေးပြီး အင်းစိန်ဆေးရုံသို့လည်းကောင်း၊ မတ်လ(၇)ရက်နေ့က မြို့သစ်(က+ခ)ရပ်ကွက် ပိတောက်လမ်းမှ အစာအိမ်ကင်ဆာရောဂါသည် အမျိုးသမီးတစ်ဦးအား ရန်ကုန်ဆေးရုံကြီးသို့လည်းကောင်း၊ မတ်လ(၇)ရက်နေ့က စော်ဘွားကြီးကုန်းရပ်ကွက်မှ ဗိုက်အောင့်လူနာအမျိုးသမီးတစ်ဦးအား ဖြူစင်သုခဆေးခန်းသို့လည်းကောင်း၊ မတ်လ(၃)ရက်နေ့က အောင်ဆန်းရပ်ကွက်မှ အဖျားကြီးလူနာအမျိုးသမီးတစ်ဦးအား အင်းစိန်ဆေးရုံသို့လည်းကောင်း၊ မတ်လ(၁)ရက်နေ့က ကမ်းနားအနောက်ရပ်ကွက်မှ အဖျားတက် ကလေးတစ်ဦးအား ရန်ကင်းကလေးဆေးရုံသို့လည်းကောင်း၊ အောင်ဆန်းရပ်ကွက်မှ မတော်တဆဖြစ်ပွား၍ ထိခိုက်ဒဏ်ရာရရှိသူအမျိုးသမီးတစ်ဦးအား အင်းစိန်ဆေးရုံသို့လည်းကောင်း၊ ရွာမအနောက်ရပ်ကွက်မှ ထိခိုက်ဒဏ်ရာရရှိသူအမျိုးသားတစ်ဦးအား အရေးပေါ်ရှေးဦးပြုစုပေးပြီး အင်းစိန်ဆေးရုံသို့လည်းကောင်း အသီးသီးပို့ဆောင်ကူညီပေးခဲ့ကြပါတယ်။

ထိုသို့ လူနာတင်ယာဉ်ဝန်ဆောင်မှုမှာ ၂၄နာရီ ကူညီပေးခြင်းဖြစ်ပြီး ကြက်ခြေနီစေတနာလုပ်အားရှင်များအနေဖြင့် အခကြေးငွေမယူဘဲ လူမှုကရုဏာလုပ်ငန်းအား တတ်စွမ်းသရွေ့ဆောင်ရွက်ပေးနေကြခြင်းဖြစ်ပါတယ်။

ရန်ကုန်၊ ၂၀၂၂ခုနှစ်၊ မတ်လ(၁၈)ရက်။

မြန်မာနိုင်ငံကြက်ခြေနီအသင်း မိသားစုပြန်လည်ဆက်သွယ်ပေးရေး‌ဌာနမှ ဖွင့်လှစ်သော စေတနာလုပ်အားရှင်များအတွက် စွမ်းရည်မြှင့်တင်ခြင်းသင်တန်းဖွင့်ပွဲကို ၂၀၂၂ခုနှစ်၊ မတ်လ(၁၈)ရက်နေ့ နံနက်ပိုင်းက online ဖြင့် ပြုလုပ်ခဲ့ပါသည်။

သင်တန်းဖွင့်ပွဲတွင် အသင်းအချိန်ပြည့် အလုပ်အမှုဆောင် ပါမောက္ခဒေါက်တာဒေါ်မြသူက အမှာစကား

ပြောကြားခဲ့ပြီး ဒုတိယအထွေထွေအတွင်းရေးမှူး ဒေါက်တာဒေါ်ညိုညိုဝင့်နှင့် ဘေးအန္တရာယ်ဆိုင်ရာစီမံခန့်ခွဲမှုဌာန ဒုတိယညွှန်ကြားရေးမှူး ဒေါ်မိုးသီတာဝင်းတို့က နှုတ်ခွန်းဆက်စကားများ ပြောကြားခဲ့ပါသည်။

သင်တန်းဖွင့်ပွဲသို့ အချိန်ပြည့်အလုပ်အမှုဆောင်ဒေါက်တာတင်ညွန့်၊ မိသားစုပြန်လည်ဆက်သွယ်ပေးရေး‌

ဌာနမှ တာဝန်ရှိသူများနှင့် သင်တန်းသား/သူများ တက်ရောက်ခဲ့ကြပါသည်။

အဆိုပါသင်တန်းသို့ တိုင်းဒေသကြီး/ပြည်နယ်များမှ ကြက်ခြေနီစေတနာလုပ်အားရှင်(၁၄၂)ဦး တက်ရောက်ကြမည်ဖြစ်ပြီး သင်တန်းကို မတ်လ(၁၈)ရက်နေ့မှစတင်ကာ (၆)ရက်ကြာပြုလုပ်သွားမည် ဖြစ်ပါသည်။