Mocha Response | Myanmar Red Cross Society (MRCS)

14/ Jun/ 2023

ရခိုင်ပြည်နယ်ရှိ သောက်သုံးရေလိုအပ်သောနေရာများသို့ ကြက်ခြေနီက သောက်သုံးရေဆက်လက်ဖြန့်ဝေ

စစ်တွေ၊ ၂၀၂၃ ခုနှစ်၊ ဇွန်လ(၁၄)ရက်။

မြန်မာနိုင်ငံကြက်ခြေနီအသင်းသည် ရခိုင်ပြည်နယ်ရှိ သောက်သုံးရေလိုအပ်သောနေရာများသို့ သောက်သုံးရေများ ဆက်လက်ဖြန့်ဝေ ဆောင်ရွက်လျက်ရှိပါသည်။

သောက်သုံးရေဖြန့်ဝေပေးရာတွင် ဇွန်လ(၁၄)ရက်နေ့က စစ်တွေမြို့နယ်အတွင်း သောက်သုံးရေလိုအပ်သော နေရာများသို့ ရေလီတာ(၉,၀၄၀)၊ ပြည်နယ်ကြက်ခြေနီသိုလှောင်ရုံရှေ့ ရေပေးဝေရာတွင် ရေလီတာ(၅၄၀)ဖြင့် စုစုပေါင်းသောက်သုံးရေ လီတာ(၉,၅၈၀)ကို ဖြန့်ဝေပေးခဲ့ပါသည်။

အလားတူ ကျောက်တော်မြို့နယ်အတွင်း သောက်သုံးရေလိုအပ်သည့်နေရာများသို့ ရေလီတာ(၇၈၀)၊ ချမ်းမြေ့နဒီပန်းခြံရှေ့၊ မြန်မာနိုင်ငံကြက်ခြေနီအသင်း ရေပေးဝေရာနေရာတွင်ရေလီတာ(၇၆၀) တို့ကို ဖြန့်ဝေပေးနိုင်ခဲ့ပါသည်။

မြန်မာနိုင်ငံကြက်ခြေနီအသင်းအနေဖြင့် ရခိုင်ပြည်နယ်အတွင်း ရေလိုအပ်သည့်နေရာများသို့ လက်လှမ်းမီသရွေ့သွားရောက်ကာ နေ့စဉ်ရေပေးဝေလျက်ရှိသလို၊ ကောင်းမွန်တဲ့ရေအရင်းမြစ်ရရှိအောင် ကူညီပေးနိုင်ဖို့ အတွက်လည်း ကြိုးစားဆောင်ရွက်လျက်ရှိပါသည်။

12/ Jun/ 2023

ဆိုင်ကလုန်းမုန်တိုင်းမိုခါကြောင့်ရခိုင်ပြည်နယ်ရှိထိခိုက်ခံစားရသူများအားအရေးပေါ်ကယ်ဆယ်ရေး သုံးပစ္စည်းများ ဆက်လက်ထောက်ပံ့နိုင်ရန် စီစဉ်ဆောင်ရွက်လျက်ရှိ

မိုးရာသီရောက်ရှိလာတာနဲ့အမျှ...

ဆိုင်ကလုန်းမုန်တိုင်းမိုခါကြောင့် အိုးအိမ်ပျက်စီးခဲ့ရတဲ့ ရခိုင်ပြည်နယ်က ထိခိုက်ခံစားရသူတွေလိုအပ်တဲ့ အကူအညီတွေကို ထိရောက်စွာကူညီနိုင်ရေးက အရေးကြီးလာပါတယ်။

မြန်မာနိုင်ငံကြက်ခြေနီအသင်းရဲ့ ကွင်းဆင်းဝန်ထမ်းများနဲ့ကြက်ခြေနီစေတနာလုပ်အားရှင်များက ပျက်စီးဆုံးရှုံးခဲ့တဲ့ နေရာဒေသများသို့ ကိုယ်တိုင်သွားရောက်ကာ ထိရောက်သောအကူအညီများပေးအပ်နိုင်ရန် လက်တွေ့ကွင်းဆင်းဆောင်ရွက်လျက်ရှိပါတယ်။

မြန်မာနိုင်ငံကြက်ခြေနီအသင်းမှ ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ပိုမိုလျင်မြန်စွာထောက်ပံ့နိုင်ရေးအတွက် ကြိုးစားလုပ်ဆောင်လျက်ရှိပါတယ်။

12/ Jun/ 2023

ဆိုင်ကလုန်းမုန်တိုင်း မိုခါကြောင့် ထိခိုက်ခံစားရသည့် ရခိုင်ပြည်နယ်ကျောက်တော်တွင်ကြက်ခြေနီက သောက်သုံးရေစတင်ဖြန့်ဝေ

ကျောက်တော်၊ ၂၀၂၃ခုနှစ်၊ ဇွန်လ(၁၂)ရက်။

မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါ တိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်အတွင်း သောက်သုံးရေဖြန့်ဝေခြင်းကို ဝန်ထမ်းများနှင့်ကြက်ခြေနီစေတနာလုပ်အားရှင်များက ဆောင်ရွက်လျက်ရှိပါသည်။

ကျောက်တော်မြို့နယ်တွင် ဆိုင်ကလုန်းမုန်တိုင်းမိုခါကြောင့် သောက်သုံးရေအခက်အခဲဖြင့်ကြုံတွေ့နေ ရသည့် မြို့ပေါ်ရပ်ကွက်များနှင့်ကျေးရွာများသို့ လိုအပ်သောသောက်သုံး‌ရေများဖြန့်ဝေပေးနိုင်ရန် ရေသန့် စက်တပ်ဆင်ခြင်းလုပ်ငန်းကို ဇွန်လ(၁)ရက်နေ့က ဆောင်ရွက်ခဲ့ရာ ဇွန်လ(၁၁)ရက်နေ့တွင် စတင်ဖြန့်ဝေနိုင်ခဲ့ပါသည်။

သောက်သုံးရေဖြန့်ဝေရာတွင် မြို့ပေါ်ရပ်ကွက်များမှ အိမ်ထောင်စု(၇၁)စုအတွက် ရေလီတာ(၁၄၂၀)အား ကနဦး ပေးဝေနိုင်ခဲ့ပါသည်။

မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာ များမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ထောက်ပံ့နိုင်ရေး၊ အရေးပေါ်ငွေသားထောက်ပံ့နိုင်ပေးနိုင်ရေးတို့ကိုလည်း ဆက်လက် ထောက်ပံ့ကူညီနိုင်ရန် ချိတ်ဆက်ဆောင်ရွက်လျက်ရှိပါသည်။

12/ Jun/ 2023

ဆိုင်ကလုန်းမုန်တိုင်းမိုခါကြောင့် ရခိုင်ပြည်နယ်ရှိ ထိခိုက်ခံစားရသူများအား ကြက်ခြေနီက သောက်သုံးရေများဆက်လက်ဖြန့်ဝေ

စစ်တွေ၊ ၂၀၂၃ ခုနှစ်၊ ဇွန်လ(၁၂)ရက်။

မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါတိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်အတွင်း သောက်သုံးရေများဖြန့်ဝေခြင်းကို ဆက်လက် ဆောင်ရွက်လျက်ရှိပါသည်။

သောက်သုံးရေဖြန့်ဝေပေးရာတွင် စစ်တွေမြို့နယ်၊ ကျေးတောပိုက်ဆိပ်/ရွာမကျေးရွာသို့ ရေလီတာ(၄,၅၀၀)၊ ပြည်နယ်ကြက်ခြေနီသိုလှောင်ရုံရှေ့ ရေပေးဝေရာတွင် ရေလီတာ(၃,၅၀၀)ဖြင့် စုစုပေါင်းသောက်သုံးရေ လီတာ(၈,၀၀၀)ကို ဖြန့်ဝေပေးခဲ့ပါသည်။

မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ထောက်ပံ့နိုင်ရေးနှင့် အရေးပေါ်ငွေသားထောက်ပံ့နိုင်ပေးနိုင်ရေးတို့ကိုလည်း ဆက်လက်ထောက်ပံ့ကူညီနိုင်ရန် ချိတ်ဆက်ဆောင်ရွက်လျက်ရှိပါသည်။

09/ Jun/ 2023

ဆိုင်ကလုန်းမုန်တိုင်း မိုခါ တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေး လုပ်ငန်းများအတွက် တစ်ကိုယ်ရည်သန့်ရှင်းရေးသုံးပစ္စည်းများ လှူဒါန်း

ရန်ကုန်၊ ၂၀၂၃ခုနှစ်၊ ဇွန်လ(၉)ရက်။

ဆိုင်ကလုန်းမုန်တိုင်း မိုခါ တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေး လုပ်ငန်းများ အတွက် LifePlus (Lujee Venture Capital Limited)မှ တစ်ကိုယ်ရည် သန့်ရှင်းရေးသုံးပစ္စည်းများနှင့် ဆေးဝါးများကို လာရောက် လှူဒါန်းရာ လှူဒါန်းပွဲကို ဇွန်လ(၉)ရက်နေ့က အသင်းရန်ကုန်ရုံးခွဲတွင် ပြုလုပ်ခဲ့ပါသည်။

အဆိုပါလှူဒါန်းပွဲတွင် LifePluse မှ Asstistant HR Manager ဒေါ်ဝင့်သိင်္ဂီထွန်း က လှူဒါန်းရခြင်းကို ရှင်းလင်းပြောကြားပြီး ကျပ် ၃၅ သိန်းတန်ဖိုးရှိ တစ်ကိုယ်ရည်သန့်ရှင်းရေးသုံးပစ္စည်းများနှင့် ဆေးဝါးများကို လှူဒါန်းရာ အသင်းအချိန်ပြည့်အလုပ်အမှုဆောင် ပါမောက္ခဒေါက်တာဒေါ်ရီရီတင်က ဂုဏ်ပြုမှတ်တမ်းလွှာပေးအပ်ပြီး ကျေးဇူးတင်စကား ပြောကြားခဲ့ပါသည်။

ထို့အတူ Sri Trang Ayeyar Rubber Industry Co., Ltd. မှလည်း အလှူငွေ ကျပ် ၁ဝ သိန်း ကို ဘဏ်မှ တဆင့် ပေးပို့ လှူဒါန်းခဲ့ပါသည်။

ဆိုင်ကလုန်းမုန်တိုင်း မိုခါ တိုက်ခတ် ခံခဲ့ရသည့် ဒေသများရှိ ပြည်သူများအတွက် လိုအပ်ချက်များကို ဖြည့်ဆည်း ကူညီပေးနိုင်ရန် တစ်ဖက်တစ်လမ်းမှ ပါဝင်ပံ့ပိုး ကူညီပေးကြသော အလှူရှင်များအား မြန်မာနိုင်ငံကြက်

ခြေနီအသင်းအနေဖြင့် အထူးပင် ကျေးဇူးတင်ရှိပါသည်။

06/ Jun/ 2023

ဆိုင်ကလုန်းမုန်တိုင်းမိုခါကြောင့်ရေအခဲအခက်ရှိသည့်နေရာများအား ကြက်ခြေနီကကူညီ

ဆိုင်ကလုန်းမုန်တိုင်းမိုခါ တိုက်ခတ်ပြီးနောက် သန့်စင်တဲ့သောက်သုံးရေရရှိဖို့က အရမ်းကိုအရေးကြီးလှပါတယ်။ မြန်မာနိုင်ငံကြက်ခြေနီအသင်းအနေဖြင့် ရခိုင်ပြည်နယ်အတွင်း မုန်တိုင်းကြောင့် ရေအခက်အခဲရှိတဲ့နေရာတွေကို လက်လှမ်းမီသလောက်သွားရောက်ကာ နေ့စဉ်ရေပေးဝေလျက်ရှိသလို၊ ကောင်းမွန်တဲ့ရေအရင်းမြစ်ရရှိအောင် ကူညီပေးနိုင်ဖို့ အတွက်လည်း ကြိုးစားဆောင်ရွက်လျက်ရှိတယ်။ ကျောက်တော်မြို့နယ်အတွင်း သောက်သုံးရေအခက်အခဲရှိသော မြို့ပေါ်ရပ်ကွက်များနှင့်ကျေးရွာများအတွက်သန့်စင်သောသောက်သုံးရေပေးဝေနိုင်ဖို့ အသင်းဝန်ထမ်းများနှင့်ကြက်ခြေနီစေတနာလုပ်အားရှင်များက ဇွန်လမှစတင်၍ ကွင်းဆင်းလေ့လာခြင်းများ၊ ရေသန့်စက်တပ်ဆင်လုပ်ငန်းများ အရှိန်အဟုန်ဖြင့် ကြိုးပမ်းဆောင်ရွက်နေကြတာပဲဖြစ်ပါတယ်။ [gallery display="grid" targetsize="wcstandard" link="file" columns="2" size="wcstandard" ids="15455,15454,15453,15446,15447,15448,15449,15450,15445,15444"]

05/ Jun/ 2023

ဆိုင်ကလုန်းမုန်တိုင်း မိုခါ (MOCHA) တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် Myanma International Radio နှင့် JPR Family International Co., Ltd တို့က ခေါင်းအုံးနှင့် အလှူငွေများ လှူဒါန်း

ရန်ကုန်၊ ၂၀၂၃ ခုနှစ်၊ ဇွန်လ (၅)ရက်။

ဆိုင်ကလုန်းမုန်တိုင်း မိုခါ (MOCHA) တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် Myanmar International Radio နှင့် JPR Family International Co., Ltd တို့က ခေါင်းအုံးနှင့် အလှူငွေများ လာရောက် လှူဒါန်းရာ လှူဒါန်းပွဲ အခမ်းအနားကို ဇွန်လ(၅)ရက်နေ့ နေ့လယ်ပိုင်းက အသင်းရန်ကုန်ရုံးခွဲတွင် ကျင်းပခဲ့ပါသည်။

အခမ်းအနားတွင် မြန်မာနိုင်ငံကြက်ခြေနီအသင်းဥက္ကဌ ပါမောက္ခဒေါက်တာမျိုးညွန့်က နှုတ်ခွန်းဆက်စကား ပြောကြားခဲ့ပြီး MyanmarInternational Radio မှ ဒေါ်ယဉ်မျိုးအေး က လှူဒါန်းရခြင်း အကြောင်းကို ပြောကြားကာ ငွေသား ကျပ် ၄၈၀,၀၀၀ိ/နှင့် ကျပ် ၅၂၀,၀၀ဝိ/ တန်ဖိုးရှိ ခေါင်းအုံး(၁၀၀)လုံးတို့ကို လှူဒါန်းရာ အသင်းဥက္ကဌက ဂုဏ်ပြုမှတ်တမ်းလွှာ ပေးအပ်ပြီး ကျေးဇူးတင်စကား ပြောကြားခဲ့ပါသည်။

ထို့အတူ JPR Family International Co., Ltdမှဦးဇော်လတ်မြင့်က အလှူငွေ လှူဒါန်းရခြင်းကို ရှင်းလင်း

ပြောကြားခဲ့ပြီး အလှူငွေ ကျပ်၂,၀၀၀,၀၀ဝိ/ကို လှူဒါန်းရာ အသင်းဥက္ကဌက ဂုဏ်ပြုမှတ်တမ်းလွှာ ပေးအပ်ပြီး ကျေးဇူးတင်စကား ပြောကြားခဲ့ပါသည်။

အဆိုပါအခမ်းအနားသို့ အသင်းအချိန်ပြည့်အလုပ်အမှုဆောင်များဖြစ်ကြသော ပါမောက္ခဒေါက်တာဒေါ်မြသူ

နှင့် ပါမောက္ခဒေါက်တာဒေါ်ရီရီတင်၊ အရင်အမြစ်များစုစည်းအသုံးချရေးဌာန ဌာနမှူး ဒေါ်မေစန္ဒာမျိုး၊ MyanmarInternational Radio တာဝန်ရှိသူများနှင့် JPR Family International Co., Ltdမှ ဦးဇော်လတ်မြင့်၏ မိသားစု တက်ရောက်ခဲ့ကြပါသည်။

ဆိုင်ကလုန်းမုန်တိုင်း မိုခါ(MOCHA) တိုက်ခတ်ခံခဲ့ရသည့် ဒေသများရှိ ပြည်သူများအတွက် လိုအပ်ချက်များကို ဖြည့်ဆည်း ကူညီပေးနိုင်ရန် တစ်ဖက်တစ်လမ်းမှ ပါဝင်ပံ့ပိုး ကူညီပေးကြသော အလှူရှင်များအား မြန်မာနိုင်ငံကြက်ခြေနီအသင်းအနေဖြင့် အထူးပင် ကျေးဇူးတင်ရှိပါသည်။

03/ Jun/ 2023

ဆိုင်ကလုန်းမုန်တိုင်းမိုခါကြောင့်ထိခိုက်ခံစားရသည့် ရခိုင်ပြည်နယ်အတွင်း ကြက်ခြေနီက ပြည်သူလူထု ပဏာမကျန်းမာရေးစောင့်ရှောက်မှုလုပ်ငန်းများ ဆက်လက်ဆောင်ရွက်

စစ်တွေ၊ ၂၀၂၃ ခုနှစ်၊ ဇွန်လ (၃)ရက်။

မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါတိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်ရှိပြည်သူများအတွက် ပြည်သူလူထုပဏာမကျန်းမာရေး စောင့်ရှောက်မှုအဖြစ်ရွေ့လျား ဆေးခန်းဖြင့် ကျန်းမာရေးစစ်ဆေးပေးခြင်း၊ ကျန်းမာရေးအသိပညာပေးခြင်းတို့ကို ဝန်ထမ်းများနှင့် ကြက်ခြေနီစေတနာလုပ်အားရှင်များက ဆောင်ရွက်လျက်ရှိပါသည်။

ဇွန်းလ(၃)ရက်နေ့က ရွေ့လျားဆေးပေးခန်းဖြင့် ပဏာမကျန်းမာရေးစောင့်ရှောက်မှုအဖြစ် စစ်တွေ မြို့နယ်၊ အောင်မင်္ဂလာရပ်ကွက်မှ ဆေးခန်းလာရောက်ပြသသူ (၈၆) ဦးအား ကျန်းမာရေးစောင့်ရှောက်ပေးခဲ့ပြီး၊ (၂၀)ဦးကို သန့်လေးသန့်၊ စနစ်တကျလက်ဆေးခြင်းနှင့် ဝမ်းပျက် ဝမ်းလျောရောဂါကာကွယ်ရေး အကြောင်း ကျန်းမာရေးအသိ ပညာပေးခြင်းများ ပြုလုပ်ခဲ့ပါသည်။

[gallery display="grid" targetsize="wcstandard" link="file" size="wcstandard" ids="15373,15374,15375,15376,15377"]

02/ Jun/ 2023

ဆိုင်ကလုန်းမုန်တိုင်းမိုခါကြောင့် ထိခိုက်ခံစားရသည့် ရခိုင်ပြည်နယ်ရှိ ဒေသခံပြည်သူများအား သောက်သုံးရေများ ဆက်လက်ဖြန့်ဝေ

စစ်တွေ၊ ၂၀၂၃ ခုနှစ်၊ ဇွန်လ (၂)ရက်။

ဆိုင်ကလုန်းမုန်တိုင်းမိုခါ တိုက်ခတ်မှုကြောင့်ထိခိုက်ခံစားရသည့် ရခိုင်ပြည်နယ်ရှိ ဒေသခံပြည်သူများအတွက် သောက်သုံးရေ ဖြန့်ဝေခြင်းကို မြန်မာနိုင်ငံကြက်ခြေနီအသင်းမှ ဆက်လက်ဆောင်ရွက်လျက်ရှိရာ ဇွန်လ(၁)ရက်နေ့ နံနက်ပိုင်းက စစ်တွေမြို့နယ် ကြွီတဲကျေးရွာ၌ သောက်သုံးရေ ဖြန့်ဝေနေမှုကို အသင်း ဒုတိယအထွေထွေအတွင်းရေးမှူး ဒေါက်တာညိုညိုဝင့် သွားရောက် ကြည့်ရှုခဲ့ပါသည်။

‌အသင်းဒုတိယအထွေထွေအတွင်းရေးမှူးသည် ရခိုင်ပြည်နယ်ကြက်ခြေနီကြီးကြပ်မှုကော်မတီဥက္ကဌ ဦးထွန်းရွှေ၊ ပြည်နယ်ကြက်ခြေနီတပ်ဖွဲ့မှူးဦးမြင့်ထွေး၊ ရခိုင်ပြည်နယ်စီမံချက်များစီမံခန့်ခွဲမှုယူနစ်ညွှန်ကြားရေးမှူးဒေါ်အေးအေးငြိမ်းတို့နှင့်အတူ အဆိုပါကျေးရွာသို့ သွားရောက်ခဲ့ပြီး ကြက်ခြေနီစေတနာလုပ်အားရှင်များက သောက်သုံးရေဖြန့်ဝေရာ၌ ကူညီဆောင်ရွက်ပေးနေမှုများ၊ ဒေသတွင်းရေအရင်းမြစ်သုံးရယူသုံးစွဲနိုင်မှုများကို ကြည့်ရှုကာ လိုအပ်ချက်များကိုဆောင်ရွက်‌ပေးခဲ့ပြီး ဒေသခံပြည်သူများကို အားပေးစကား ပြောကြားခဲ့ပါသည်။

[gallery display="grid" targetsize="wcstandard" link="file" columns="2" size="wcstandard" ids="15364,15365,15366,15367,15368,15369,15370"]