တောင်ကြီး၊ စက်တင်ဘာ ၂၃ ၂၀၂၀ ပြည့်နှစ်၊ စက်တင်ဘာလ ၂၃ ရက်နေ့က ရှမ်းပြည်နယ် (တောင်ပိုင်း)၊ တောင်ကြီးမြို့နယ်၊ ကျောက်တလုံးမြို့၊ ကျောင်းထိုကျေးရွာတွင် COVID-19 ရောဂါ ကာကွယ်ရေးလမ်းညွှန်ချက်များအား အသိပညာပေးနှိုးဆော်ခြင်းများကို တောင်ကြီးမြို့နယ်ကြက်ခြေနီအသင်းခွဲမှ မြို့နယ်တပ်စုမှူး ဦးကျော်စိုး ဦးဆောင်သော ကြက်ခြေနီစေတနာလုပ်အားရှင် ၃ က ပြည်သူ့ကျန်းမာရေးဦးစီးဌာနနှင့် ပူးပေါင်းဆောင်ရွက်ခဲ့ပါသည်။

မြစ်သား၊ စက်တင်ဘာ ၂၃ မန္တလေးတိုင်းဒေသကြီး၊ မြစ်သားမြို့နယ်တွင် မြို့နယ်ကြက်ခြေနီစေတနာလုပ်အားရှင်များအတွက် ဝတ်စုံနှင့် လူမှုရေးအသင်းအဖွဲ့များအတွက် အလှူငွေများလှူဒါန်းခြင်းအခမ်းအနားကို ၂၀၂၀ပြည့်နှစ်၊ စက်တင်ဘာလ ၂၃ ရက်နေ့က မြို့နယ်အထွေထွေအုပ်ချုပ်ရေးဦးစီးဌာန၌ ကျင်းပခဲ့ရာအမှတ်(၂)တိုင်းဒေသကြီး လွှတ်တော်ကိုယ်စားလှယ်ဒေါ်သင်းမြမြသင်းနှင့် မြို့နယ်အထွေထွေအုပ်ချုပ်ရေးဦးစီးဌာန ဒုတိယမြို့နယ် အုပ်ချုပ်ရေးမှူး ဦးနိုင်မင်းထွန်း တို့က အမှာစကားများ ပြောကြားခဲ့ကြပါသည်။ ထို့နောက် အလှူရှင်များမှ လှူဒါန်းသော ကြက်ခြေနီစေတနာလုပ်အားရှင်များအတွက် ဝတ်စုံများကို အမှတ်(၂)တိုင်းဒေသကြီး လွှတ်တော်ကိုယ်စားလှယ် ၊ ဒုတိယမြို့နယ်အုပ်ချုပ်ရေးမှူးနှင့် လမ်းဦးစီးဌာန ဦးစီးအရာရှိတို့က ပေးအပ်လှူဒါန်းရာ မြို့နယ်ကြက်ခြေနီ အသင်းခွဲ ဥက္ကဌဦးတင့်လွင်ဦး၊ မြို့နယ် ကြက်ခြေနီတပ်ဖွဲ့မှူး ဦးအောင်ရဲကျော်၊ ဒုတိယမြို့နယ်ကြက်ခြေနီတပ်ဖွဲ့မှူး ဦးလှိုင်ဝင်းအောင် တို့ကလက်ခံရယူခဲ့ပြီး မြို့နယ်ကြက်ခြေနီအသင်းခွဲဥက္ကဌက ကျေးဇူးတင်စကားပြန်လည်ပြောကြားခဲ့ပါသည်။ ကြက်ခြေနီစေတနာလုပ်အားရှင်များအတွက် ဝတ်စုံ ၅၅ စုံ အား တစ်စုံလျှင် ငွေကျပ် ၃၀၀၀၀ိ/ နှုန်းဖြင့် စုစုပေါင်းတန်ဖိုးငွေ ကျပ် ၁၆၅၀,၀၀၀ိ/ သိန်းကို မြို့နယ်လမ်းဦးစီးဌာန၊ Creative Seven၊ Rise up၊ Mandalay Crown ကုမ္ပဏီများက လှူဒါန်းခဲ့ခြင်းဖြစ်ပါသည်။ ယင်းနောက် မြို့နယ်ကြက်ခြေနီတပ်ဖွဲ့၊ ကူမဲကြက်ခြေနီတပ်ဖွဲ့၊ မေတ္တာရှင်လူမှုကူညီရေးအသင်း၊ ဗြဟ္မပါလလူမှုကူညီရေးအသင်းတို့အတွက် အလှူငွေကျပ် (၁) သိန်းစီဖြင့် စေတနာ့ဝန်ထမ်းဦးဆောင်အဖွဲ့မှ ငွေကျပ်(၄)သိန်းကို ပေးအပ်လှူဒါန်းခဲ့ရာ တာဝန်ရှိသူများက လက်ခံရယူခဲ့ကြပါသည်။

စစ်တွေ၊ စက်တင်ဘာ ၂၂ ၂၀၂၀ပြည့်နှစ် စက်တင်ဘာလ ၂၂ရက်နေ့က ရခိုင်ပြည်နယ်ကြက်ခြေနီတပ်ဖွဲ့မှူး ဦးမြင့်ထွေးနှင့် စစ်တွေမြို့နယ်ကြက်ခြေနီတပ်ဖွဲ့မှူး ဦးကျော်နိုင်ဦး ဦးဆောင်သောကြက်ခြေနီစေတနာလုပ်အားရှင်များက စစ်တွေမြို့ပြည်သူ့ဆေးရုံကြီးတွင် ဆေးကုသမှုခံယူကာ ရောဂါပိုးကင်းစင်၍ပြန်လည်ကျန်းမာလာသူ ၄၆ဦးအား ဌာနဆိုင်ရာများမှ တာဝန်ရှိသူများနှင့်အတူပူးပေါင်းကာ နေရပ်အသီးသီးသို့ ပြန်လည်ပို့ဆောင်ကူညီပေးခဲ့ကြပါသည်။

၂၀၂၀ ပြည့်နှစ်၊ စက်တင်ဘာလ ၂၁ ရက်နေ့က စစ်ကိုင်းတိုင်းဒေသကြီး၊ ကလေးဝမြို့နယ်ရှိ မြန်မာ့စီးပွားရေးဘဏ်သို့ ပင်စင်လာရောက်ထုတ်ယူသူများအား COVID-19 ရောဂါကာကွယ်ရေးလမ်းညွှန်ချက်များအား အသိပညာပေးခြင်း၊ ကိုယ်အပူချိန်တိုင်းတာပေးခြင်း၊ ရေမလိုလက်သန့်ဆေးရည်ဖြင့်လက်ဆေးစေခြင်းနှင့် နှာခေါင်းစည်းများအား အခမဲ့ဖြန့်ဝေပေးခြင်းတို့ကို ကလေးဝမြို့နယ်ကြက်ခြေနီအသင်းခွဲမှ ဒုတိယမြို့နယ်တပ်ဖွဲ့မှူး ဒေါ်မိမိစံ ဦးဆောင်သော ကြက်ခြေနီစေတနာလုပ်အားရှင် ၆ ဦးတို့က ဆောင်ရွက်ခဲ့ကြသည်။

၂၀၂၀ ပြည့်နှစ်၊ စက်တင်ဘာလ ၂၁ ရက်နေ့က ပြည်ထောင်စုနယ်မြေ နေပြည်တော်၊ ပျဥ်းမနားမြို့ မြန်မာ့စီးပွားရေးဘဏ်ခွဲတွင် ပင်စင်လစာလာရောက်ထုတ်ယူသော နိုင်ငံဝန်ထမ်း(အငြိမ်းစား)များအား COVID-19 ရောဂါကာကွယ်ရေး အသိပညာပေးခြင်း၊ ကိုယ်အပူချိန်တိုင်းတာခြင်းနှင့် နှာခေါင်းစည်း ပေးဝေခြင်းတို့ကို နေပြည်တော်ကြက်ခြေနီကြီးကြပ်မှုကော်မတီ အတွင်းရေးမှူး ဦးမိုးကျော်၊ ပျဥ်းမနားမြို့နယ်ကြက်ခြေနီအသင်းခွဲ မြို့နယ်ကြက်ခြေနီတပ်ဖွဲ့မှူး ဦးသန်းနိုင် ဦးဆောင်သော ကြက်ခြေနီစေတနာလုပ်အားရှင်(၁၂)ဦးတို့က ကူညီ ဆောင်ရွက်ပေးခဲ့ကြသည်။

၂၀၂၀ပြည့်နှစ်၊ စက်တင်ဘာလ ၂၁ ရက်နေ့က မန္တလေးတိုင်းဒေသကြီး ပျော်ဘွယ်မြို့နယ် ကြက်ခြေနီအသင်းခွဲ မြို့နယ်ကြက်‌ခြေနီ တပ်ဖွဲ့မှူးဦးသန်းဝင်း ဦးဆောင်သော ကြက်ခြေနီစေတနာလုပ်အားရှင် ၂၅ဦး တို့သည် မြို့နယ်အထွေအုပ်ချုပ်ရေးဦးစီးဌာန၊ မြို့နယ်ပြည်သူ့ကျန်မာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်းကာ ပျော်ဘွယ်မြို့နယ်ပြည်သူ့ဈေးအမှတ်(၁)နှင့်(၂)တို့တွင် COVID-19ရောဂါနှင့် ပတ်သက်ပြီး ကျန်းမာ‌ေရးနှင့်အားကစားဝန်ကြီးဌာနမှ ထုတ်ပြန်သောသတင်းစကားများကို အသံချဲ့စက်ဖြင့်လှုံဆော်ခြင်း၊ နှာခေါင်းစည်း (၃၀၀၀)ခုအား ပေးဝေခြင်း၊ အသိပညာပေးခြင်း တို့ကို ပြုလုပ်ခဲ့ကြသည်။

၂၀၂၀ပြည်နှစ် စက်တင်ဘာလ ၂၁ ရက်နေ့က မိုင်းဖြတ်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ရှမ်းပြည်နယ်အရှေ့ပိုင်း၊ မိုင်းဖြတ်မြို့နယ် စစ်ဆေးရေးဂိတ်မှ ဖြတ်သန်းသွားလာသူများအား COVID-19 ရောဂါကာကွယ်ရေးအသိပညာပေးခြင်း၊ လိုက်နာဆောင်ရွက်ရမည့်အချက်များအားနှိုးဆော်ြခင်း၊ ကိုယ်အပူချိန်တိုင်းပေးခြင်းတို့ကို ဌာနဆိုင်ရာများမှ တာဝန်ရှိသူများနှင့်အတူ ပူးပေါင်းဆောင်ရွက်ခဲ့ကြပါသည်။

၂၀၂၀ပြည့်နှစ် စက်တင်ဘာလ ၂၁ရက်နေ့က မိုးကောင်းမြို့နယ်ကြက်ခြေနီတပ်ဖွဲ့မှူး ဒေါ်ဆွေမာသင်းနှင့် ကြက်ခြေနီစေတနာလုပ်အားရှင်များက ကချင်ပြည်နယ် မိုးကောင်းမြို့မြန်မာ့စီးပွားရေးဘဏ်ခွဲတွင် ပင်စင်လစာလာရောက်ထုတ်ယူကြသော နိုင်ငံ့ဝန်ထမ်း(အငြိမ်းစား)များအား နှာခေါင်းစည်းများအခမဲ့ပေးဝေခြင်း၊ လက်သန့်စင်ဆေးရည်များအသုံးပြုစေခြင်း၊ ကိုယ်အပူချိန်တိုင်းပေးခြင်း၊ နေရာထိုင်ခင်းစီစဉ်ပေးခြင်း၊ ကိုဗစ်၁၉ရောဂါကာကွယ်ရေးအသိပညာပေးခြင်းတို့ကို ဆောင်ရွက်ပေးခဲ့ပြီး လက်ဖက်ရည်နှင့်မုန့်များ လှူဒါန်းပေးခဲ့ကြပါသည်။

၂၀၂၀ပြည့်နှစ် စက်တင်ဘာလ ၂၁ရက်နေ့က ရခိုင်ပြည်နယ်ကြက်ခြေနီတပ်ဖွဲ့မှူးဦးမြင့်ထွေး၊ စစ်တွေမြို့နယ်ကြက်ခြေနီတပ်ဖွဲ့မှူးဦးကျော်နိုင်ဦး နှင့်ကြက်ခြေနီစေတနာလုပ်အားရှင်များက ရခိုင်ပြည်နယ် စစ်တွေမြို့ပြည်သူ့ဆေးရုံကြီးတွင် ရောဂါကုသမှုခံယူခဲ့ကြပြီး ရောဂါပိုးကင်းစင်သဖြင့် နေရပ်အသီးသီးသို့ ပြန်လည်ထွက်ခွာမည့်သူများအား ကူညီပို့ဆောင်ပေးခဲ့ကြသည်။ အဆိုပါအဖွဲ့သည် စစ်တွေမြို့နယ်ရှိ စည်ပင်သာယာကျောင်းတိုက် တိုက်ပွဲရှောင်စခန်း၊ ရွှေပြည်သာကျောင်းတိုက် တိုက်ပွဲရှောင်စခန်းများရှိ လူဦးရေ ၂၇၃ဦးနှင့် ကျောင်းတိုက်များအတွင်း သီတင်းသုံးနေထိုင်သော သံဃာ၂၅ပါးတို့အား အဝတ်နှာခေါင်းစည်း ၅၃၆ခု၊ ကိုဗစ်၁၉ရောဂါကြိုတင်ကာကွယ်ရန်လိုက်နာဆောင်ရွက်ရမည့်အချက်များပါရှိသော လက်ကမ်းစာစောင် ၄၀ခုတို့အား ပေးဝေခဲ့ကြပြီး ရောဂါကာကွယ်ရေးအသိပညာပေးခြင်းတို့ကို ဆောင်ရွက်ခဲ့ကြပါသည်။