၂၀၂၀ ပြည့်နှစ်၊ အောက်တိုဘာလ ၉ ရက်နေ့က ချောင်းဆုံမြို့နယ်ကြက်ခြေနီအသင်းခွဲ ဥက္ကဌဦးတင်လှိုင်ဦး ဦးဆောင်သော ကြက်ခြေနီစေတနာလုပ်အားရှင် (၅) ဦးတို့သည် မွန်ပြည်နယ်၊ ချောင်းဆုံမြို့နယ်၊ ကွမ်သဲကျေးရွာရှိ CBFQ စခန်းတွင် အသွားအလာကန့်သတ်စောင့်ကြည့်မှုခံယူရန်အတွက် ရောက်ရှိလာသူများအား နေရာချထားခြင်းနှင့် COVID-19 ကာကွယ်ရေး လမ်းညွှန်ချက်များအား အသိပညာပေးခြင်းတို့ကို ပြည်သူ့ကျန်းမာရေးဦးစီးဌာန၊ လူမှုရေးအဖွဲ့အစည်းများနှင့် ပူးပေါင်းဆောင်ရွက်လျှက်ရှိကြသည်။

၂၀၂၀ပြည့်နှစ် အောက်တိုဘာလ ၉ရက်နေ့က မိုင်းတုံမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ရှမ်းပြည်နယ်အရှေ့ပိုင်း၊ မိုင်းတုံမြို့နယ် အဝင်စစ်ဆေးရေးဂိတ်မှ ဖြတ်သန်းသွားလာကြသူများအား ကိုယ်အပူချိန်တိုင်းပေးခြင်း၊ လက်သန့်စင်ဆေးရည်များ အသုံးပြုစေခြင်း၊ ခရီးသွားမှတ်တမ်းများရယူခြင်းတို့ကို ဆောင်ရွက်လျက်ရှိကြသည်။ ထို့ပြင် မိုင်းဖြတ်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များကလည်း ရှမ်းပြည်နယ်အရှေ့ပိုင်း၊ မိုင်းဖြတ်မြို့နယ်အဝင်စစ်ဆေးရေးဂိတ်မှ ဖြတ်သန်းသွားလာကြသူများအား ကိုယ်အပူချိန်တိုင်းပေးခြင်း၊ လက်သန့်စင်ဆေးရည်များအသုံးပြုစေခြင်း၊ ခရီးသွားမှတ်တမ်းများရယူခြင်းတို့ကိုလည်းကောင်း၊ Facility Quarantine Center များတွင် အပူချိန်တိုင်းပေးခြင်း၊ စိတ်ပိုင်းဆိုင်ရာအားပေးခြင်းတို့ကိုလည်းကောင်း ဌာနဆိုင်ရာများမှ တာဝန်ရှိသူများနှင့်အတူ ပူးပေါင်းကာ အသီးသီး ဆောင်ရွက်လျက်ရှိကြသည်။  

၂၀၂၀ပြည့်နှစ် အောက်တိုဘာလ ၉ရက်နေ့က ရေစကြိုမြို့နယ်ကြက်ခြေနီတပ်ဖွဲ့မှူး ဦးကျော်ကျော်ခိုင် ဦးဆောင်သော ကြက်ခြေနီစေတနာလုပ်အားရှင်များသည် မကွေးတိုင်းဒေသကြီး၊ ရေစကြိုမြို့အဝင်စစ်ဆေးရေးဂိတ်မှ ဖြတ်သန်းသွားလာသူများအား ကိုဗစ်၁၉ရောဂါကာကွယ်ရေးအသိပညာပေးခြင်း၊ လက်သန့်စင်ဆေးရည်များအသုံးပြုစေခြင်း၊ ကိုယ်အပူချိန်တိုင်းပေးခြင်းတို့ကို လည်းကောင်း၊ မြို့ပေါ်ရပ်ကွက်များတွင် လှည့်လည်ကာ လိုက်နာဆောင်ရွက်ရမည့်အချက်များအား နှိုးဆော်ခြင်းတို့ကို အသီးသီးဆောင်ရွက်ခဲ့ကြသည်။

၂၀၂၀ပြည့်နှစ်၊ အောက်တိုဘာ ၇ ရက်နေ့ ကရင်ပြည်နယ်၊ ဖာပွန်မြို့နယ်၊ ကမမောင်းမြို့၊ အုန်းတောစက်လှေဂိတ်၊ ကော့ကရက်လမ်းဆုံနှင့် အမှတ် (၁) ရပ်ကွက်တို့တွင် COVID-19 ရောဂါ ကြိုတင်ကာကွယ်ရေးအတွက် အသိပညာပေးနိုးဆော်ခြင်း၊ ပိုစတာများကပ်ပေးခြင်း၊ အလှူရှင်များမှလှူဒါန်းသော နှာခေါင်းစည်းများအား ပြန်လည်ဖြန့်ဝေပေးခြင်း၊ စနစ်တကျတပ်ဆင်ရန်အသိပညာပေးခြင်း၊ ရေမလိုလက်သန့်ဆေးရည်များ ပေးဝေခြင်းနှင့် စနစ်တကျလက်ဆေးခြင်းတို့အား လက်တွေ့သရုပ်ပြခြင်းတို့ကို ဖာပွန်မြို့နယ်ကြက်ခြေနီအသင်းခွဲမှ မြို့နယ်တပ်ဖွဲ့မှူး ဦးသက်စိုးဦး ဦးဆောင်သော ကြက်ခြေနီစေတနာလုပ်အားရှင် ၁၅ ဦးတို့က ဆောင်ရွက်ခဲ့သည်။

၂၀၂၀ပြည့်နှစ် အောက်တိုဘာလ ၇ရက်နေ့က မိုးညှင်းမြို့နယ်ကြက်ခြေနီစေတနာလုပ်အားရှင်များသည် ကချင်ပြည်နယ် မိုးညှင်းမြို့နယ်ရှိ နန်းမား၊ မော်ဟန်၊ လယ်မှီး အသွားအလာကန့်သတ်စောင့်ကြည့်ရေးစခန်းများတွင် ကိုယ်အပူချိန်တိုင်းပေးခြင်း၊ လိုက်နာဆောင်ရွက်ရမည့်အချက်များအားနှိုးဆော်ခြင်း၊ စိတ်ပိုင်းဆိုင်ရာအားပေးကူညီခြင်းတို့ကို ဆောင်ရွက်ခဲ့ကြပြီး ဆယ်မိုင်ကျေးရွာနှင့် အင်ကွယ်ကျေးရွာများတွင် ရောဂါကာကွယ်ရေးအသိပညာပေးခြင်း၊ နှာခေါင်းစည်းများအခမဲ့ပေးဝေခြင်း၊ နေအိမ်အသွားအလာကန့်သတ်စောင့်ကြည့်ခြင်းခံယူသူများအား စိတ်ပိုင်းဆိုင်ရာအားပေးကူညီခြင်းတို့ကို အသီးသီးဆောင်ရွက်ခဲ့ကြသည်။

တနင်္သာရီတိုင်းဒေသကြီး ၊ မြိတ်ခရိုင်၊ မြိတ်မြို့နယ်တွင် ၂၀၂၀ပြည့်နှစ်၊ အောက်တိုဘာလ ၇ ရက်နေ့တွင် မြိတ်မြို့နယ်ကြက်ခြေနီအသင်းခွဲ မြို့နယ်ကြက်ခြေနီတပ်ဖွဲ့မှ ဒုတိယမြို့နယ်ကြက်ခြေနီတပ်ဖွဲ့မှူး ဒေါ်သင်းသင်းအေးနှင့် ကြက်ခြေနီစေတနာလုပ်အားရှင် ၇ ဦးတို့သည် မြိတ်မြို့ ရာပြည့်ရပ်ကွက်တွင်လည်းကောင်း၊ အောက်တိုဘာလ ၈ ရက်နေ့တွင် ဒုတိယကြက်ခြေနီတပ်ခွဲမှူး ဦးဇေယျာမိုးနှင့် ကြက်ခြေနီစေတနာ လုပ်အားရှင် ၆ ဦးတို့သည် မြို့သစ် ၁ ရပ်ကွက်နှင့် ကန်ဘောင်ရိုးရပ်ကွက် တို့တွင်လည်းကောင်း၊ အောက်တိုဘာလ ၉ ရက်နေ့တွင် ဒုတိယမြို့နယ်ကြက်ခြေနီတပ်ဖွဲ့မှူး ဒေါ်သင်းသင်းအေးနှင့် ကြက်ခြေနီ စေတနာလုပ်အားရှင် ၅ဦးတို့သည် ဇေယျာသီရိ ၂ ရပ်ကွက်တွင်လည်းကောင်း COVID 19 အသိပညာပေး ဆော်ဩခြင်း၊ အသိပညာပေး ပိုစတာများ ကပ်ခြင်းတို့ကို ဆက်လက် ဆောင်ရွက်ခဲ့ကြသည်။

၂၀၂၀ပြည့်နှစ် အောက်တိုဘာလ ၆ရက်နေ့က ကချင်ပြည်နယ်ကြက်ခြေနီကြီးကြပ်မှုကော်မတီ တတိယတန်းဦးစီးမှူး ဦးမောင်ချိုနှင့် မြစ်ကြီးနားမြို့နယ်ကြက်ခြေနီတပ်ဖွဲ့မှူးဦးအောင်မြတ်သူ တို့သည် ကချင်ပြည်နယ်ပြည်သူ့ကျန်းမာရေးဦးစီးဌာနမှ ကျန်းမာရေးမှူးတစ်ဦးနှင့်အတူ မြစ်ကြီးနားမြို့နယ်မှ ဓါတ်ခွဲနမူနာများအား ရန်ကုန်တိုင်းဒေသကြီးရှိ အမျိုးသားဓါတ်ခွဲဌာနသို့ ပို့ဆောင်ကူညီပေးခဲ့ကြသည်။  

၂၀၂၀ ပြည့်နှစ်၊ အောက်တိုဘာလ ၆ ရက်နေ့က ချောင်းဆုံမြို့နယ်ကြက်ခြေနီအသင်းခွဲ ဥက္ကဌဦးတင်လှိုင်ဦး ဦးဆောင်သော ကြက်ခြေနီစေတနာလုပ်အားရှင် (၅) ဦးတို့သည် မွန်ပြည်နယ်၊ ချောင်းဆုံမြို့နယ်၊ ကွမ်သဲကျေးရွာရှိ CBFQ စခန်းမှ အသွားအလာကန့်သတ်စောင့်ကြည့်မှုခံယူမည့်သူများအား COVID-19 ရောဂါ ကာကွယ်ရေးအတွက် ကျန်းမာရေးအသိပညာပေးခြင်းနှင့် နေရာချထားခြင်းတို့ကို ပြည်သူ့ကျန်းမာရေးဦးစီးဌာန၊ လူမှုရေးအဖွဲ့အစည်းများနှင့် ပူးပေါင်းဆောင်ရွက်လျှက်ရှိကြသည်။

၂၀၂၀ပြည့်နှစ် အောက်တိုဘာလ၆ရက်နေ့က ပေါက်တောမြို့နယ်ကြက်ခြေနီတပ်ဖွဲ့မှူး ဦးမောင်ဝင်းစိုးနှင့် ကြက်ခြေနီစေတနာလုပ်အားရှင်များက ရခိုင်ပြည်နယ်၊ ပေါက်တောမြို့နယ် အခြေခံပညာအထက်တန်းကျောင်းတွင် ဖွင့်ထားသော အသွားအလာကန့်သတ်စောင့်ကြည့်ရေးစခန်းတွင် အစားအသောက်စီစဉ်ပေးခြင်း၊ ကိုယ်အပူချိန်တိုင်းပေးခြင်း၊ စိတ်ပိုင်းဆိုင်ရာအားပေးကူညီခြင်းတို့ကို ဆောင်ရွက်ပေးခဲ့ကြပြီး ပေါက်တောမြို့ရှိ ရပ်ကွက်များအတွင်း ရောဂါကာကွယ်ရေးအသိပညာပေးခြင်း၊ လိုက်နာဆောင်ရွက်ရမည့်အချက်များအားနှိုးဆော်ခြင်းတို့ကို ဆောင်ရွက်ခဲ့ကြသည်။