ဧရာဝတီတိုင်းဒေသကြီး ငပုတောမြို့နယ်ကြက်ခြေနီအသင်းခွဲ ငရုတ်ကောင်းမြို့ကြက်ခြေနီတပ်ဖွဲ့မှ ကြက်ခြေနီစေတနာလုပ်အားရှင် (၁၇) ဦးတို့ဟာ မြို့မိ၊ မြို့ဖများ၊ ကျန်းမာရေးဝန်ထမ်းများနဲ့အတူ မြို့မစျေး နဲ့ မြို့အတွင်း လှည့်လည်ကာ ပြည်သူများအား နှာခေါင်စည်းများ အခမဲ့‌ေပးဝေပေခဲ့ကြပါသည်။

တနင်္သာရီတိုင်း‌ေဒသကြီး မြိတ်မြို့နယ်ကြက်ခြေနီသူနာပြုတပ်ဖွဲ့ ဒုတိယမြို့နယ်ကြက်‌ေခြနီတပ်ဖွဲ့မှူး ဒေါ်သင်းသင်းအေးနဲ့ ကြက်ခြေနီစေတနာလုပ်အားရှင် ၈ဦးတို့ဟာ တုံးဗျောလသာ‌ေကျးရွာ၌ ကျေးရွာနေပြည်သူများ COVID -19‌ေရာဂါကာကွယ်‌ေရး အသိပညာ ရရှိ‌ေစဖို့ ပညာပေးဆော်ဩတာ၊ ပညာပေးပိုစတာကပ်တာ‌ေတွကို ဒီဇင်ဘာလ ၆ ရက်နေ့က ပြုလုပ်ခဲ့ကြပါတယ်။

ရန်ကုန်တိုင်းဒေသကြီး၊ ကိုဗစ်-၁၉ ရောဂါထိန်းချုပ်ကာကွယ်ရေးလုပ်ငန်းများတွင် ကူညီဆောင်ရွက်မည့် ရှမ်းပြည်နယ်(မြောက်ပိုင်း)၊ မြို့နယ်အသီးသီးမှ ကြက်ခြေနီစေတနာလုပ်အားရှင် (၃၁)ဦးတို့သည် လားရှိုးမြို့၊ မန်ဆူ(ရှမ်း)ကျောင်းဆရာတော်ဘုရားထံမှ မေတ္တာဓာတ်ခံယူခဲ့ကြသည်။ ထို့နောက် ပြည်နယ်ကြက်ခြေနီကြီးကြပ်မှုကော်မတီရုံးတွင် ဥက္ကဌ ဦးဇော်ဇော်၏ လမ်းညွှန်မှုခံယူကာ ဒီဇင်ဘာလ ၅ ရက်နေ့ကလားရှိုးမြို့မှ စတင်ထွက်ခွာလာခဲ့ကြသည်။ ကျွန်ုပ်တို့ရဲ့ကြက်ခြေနီစေတနာလုပ်အားရှင် သူရဲကောင်းကြီးများကို လက်ခုပ်တီးပြီးကြိုဆိုလိုက်ရအောင်။

တာချီလိတ်မြို့နယ်ကြက်ခြေနီတပ်ဖွဲ့မှူး ဦးဥာဏ်မြင့်ဦးနှင့် ကြက်ခြေနီစေတနာလုပ်အားရှင်များသည် ရှမ်းပြည်နယ်အရှေ့ပိုင်း တာချီလိတ်မြို့နယ်ရှိ ဆန်ဆိုင်း အခြေခံပညာအထက်တန်းကျောင်း၊ တာလော့ အခြေခံပညာအလယ်တန်းကျောင်းခွဲနှင့် ပုန်းထွန်အခြေခံပညာကျောင်းများတွင်ဖွင့်ထားသော အသွားအလာကန့်သတ်စောင့်ကြည့်ရေးစခန်းများတွင် ကိုဗစ်၁၉ရောဂါကာကွယ်ရေး အသိပညာပေးခြင်း၊ လိုက်နာဆောင်ရွက်ရမည့်အချက်များအားနှိုးဆော်ခြင်း၊ ပိုးတွေ့လူနာများနေထိုင်ခဲ့သော အခန်းများနှင့် ပတ်ဝန်းကျင်၊ အသုံးအဆောင်ပစ္စည်းများအား ပိုးသတ်ဆေးဖြန်းခြင်း၊ စနစ်တကျစွန့်ပစ်ခြင်းတို့ကို ကျန်းမာရေးဝန်ထမ်းများနှင့်အတူ ပူးပေါင်းဆောင်ရွက်ခဲ့ကြသည်။

ဒီဇင်ဘာလ ၅ ရက်နေ့က ကျိုက်မရောမြို့နယ်မှ ကြက်ခြေနီစေတနာလုပ်အားရှင်များနှင့် ဌာနဆိုင်ရာများမှ တာဝန်ရှိသူများက ကျိုက်မရောမြို့နယ်အတွင်း ကိုဗစ်-၁၉ ရောဂါကာကွယ်ရေးအတွက် နှာခေါင်းစည်းများ အခမဲ့ပေးဝေခြင်း၊ ကျန်းမာရေးအသိပညာပေးခြင်းနှင့် ယာဉ်စည်းကမ်း၊ လမ်းစည်းကမ်းများအား အသိပညာပေးခြင်းတို့ကို ပူးပေါင်းဆောင်ရွက်ခဲ့ကြသည်။

ဒီဇင်ဘာလ ၄ ရက်နေ့က ကရင်ပြည်နယ်၊ ဘုရားသုံးဆူမြို့တွင် ကိုဗစ်-၁၉ ရောဂါကာကွယ်ရေးအတွက် နှာခေါင်းစည်းများ အခမဲ့ဖြန့်ဝေပေးခြင်း၊ ရေမလိုလက်သန့်ဆေးရည်များဖြန့်ဝေပေးပြီး လက်ဆေးစေခြင်းနှင့် ကျန်းမာရေးအသိပညာပေးခြင်းတို့ကို ဘုရားသုံးဆူမြို့မှ ဦးမြင့်နိုင်ဦးဆောင်သော ကြက်ခြေနီစေတနာလုပ်အားရှင်များက ဌာနဆိုင်ရာများမှ တာဝန်ရှိသူများနှင့် ပူးပေါင်းဆောင်ရွက်လျက်ရှိကြသည်။

သူတို့တွေကတော့ ကျွန်ုပ်တို့ရဲ့ ကြက်ခြေနီစေတနာလုပ်အားရှင်တွေဖြစ်ပြီး………. ဆောင်ရွက်ကြတာကတော့ လူမှုကရုဏာလုပ်ငန်းတွေပေါ့……….. အခုလို ကမ္ဘာ့ကပ်ရောဂါဖြစ်ပွားနေချိန်မှာ မိဘပြည်သူတွေကို ရောဂါနဲ့ပတ်သက်ပြီးအသိပညာပေးတာတွေ၊ အခြေအနေတွေကို သတိပေးတာတွေ၊ ဆောင်ရွက်ဖို့လိုအပ်တဲ့အရာတွေကို နှိုးဆော်တိုက်တွန်းတာတွေ ဆောင်ရွက်နေကြတဲ့ သူတို့ကို လမ်းတွေ၊ ဈေးတွေနဲ့ ရုပ်မြင်သံကြားတွေမှာ တွေ့မြင်နိုင်မှာပါ။ ဒါကတော့ ပဲခူးတိုင်းဒေသကြီး၊မိုးညိုမြို့နယ်ကကြက်ခြေနီစေတနာလုပ်အားရှင်တွေပါ... သူတို့လိုပဲ မြန်မာပြည်အနှံ့အပြားမှာရှိနေကြတဲ့ ကျွန်ုပ်တို့ရဲ့ကြက်ခြေနီစေတနာလုပ်အားရှင်တွေက ရောဂါကာကွယ်ရေးအတွက် ပြည်သူလူထုကို နှိုးဆော်နေကြသလို အသွားအလာကန့်သတ်စောင့်ကြည့်ရေးစခန်းတွေနဲ့ ကိုဗစ်ကုသရေးစင်တာတွေမှာလည်း တက်ကြွစွာကူညီနေကြပါတယ်။ လူမှုဝန်ထမ်းစိတ်အပြည့်နဲ့ ရှေ့တန်းကနေ မိဘပြည်သူတွေအတွက် အဆင်သင့်ရှိနေကြတဲ့ ကျွန်ုပ်တို့ရဲ့ သူရဲကောင်းတွေကို လက်ခုပ်တီးပြီး အားပေးဂုဏ်ပြုလိုက်ရအောင်။

ဒီဇင်ဘာလ ၄ရက်နေ့က မိုင်းယောင်းမြို့နယ်ကြက်ခြေနီစေတနာလုပ်အားရှင်တွေက ပိုးတွေ့လူနာ၃ဦးကို မိုင်းယောင်းပြည်သူ့ဆေးရုံကြီးကို ပို့ဆောင်ရာမှာ ကျန်းမာရေးဌာနက တာဝန်ရှိသူတွေနဲ့အတူ ပူးပေါင်းကူညီပေးခဲ့ကြပါတယ်။

၂၀၂၀ပြည့်နှစ် ဒီဇင်ဘာလ ၃ရက်နေ့က ပဲခူးတိုင်းဒေသကြီး ညောင်လေးပင်မြို့နယ်ရှိ အမှတ်(၂) အခြေခံပညာအထက်တန်းကျောင်း၊ တော်ဝိအခြေခံပညာအထက်တန်းကျောင်းနှင့် ပိန်းဇလုပ်အခြေခံပညာအထက်တန်းကျောင်းများသို့ မြန်မာနိုင်ငံကြက်ခြေနီအသင်း ကျန်းမာရေးဌာနမှ ပေးပို့လှူဒါန်းသော ခြေနင်းလက်ဆေးဘေစင်များကို ညောင်လေးပင်မြို့နယ်ကြက်ခြေနီတပ်ဖွဲ့မှူး ဦးစိုးဝင်းနှင့် ကြက်ခြေနီစေတနာလုပ်အားရှင်များက သွားရောက်လွှဲပြောင်းပေးခဲ့ကြရာ သက်ဆိုင်ရာ ကျောင်းအုပ်ဆရာကြီးနှင့် ဆရာမကြီးများက လက်ခံရယူခဲ့ကြသည်။