၂၀၂၁ခုနှစ်၊ မေလ(၈)ရက်နေ့က တနင်္သာရီတိုင်းဒေသကြီး မြိတ်မြို့နယ်ကြက်ခြေနီသူနာပြုတပ်ဖွဲ့မှ ကမ္ဘာ့ကြက်ခြေနီနေ့အထိမ်းအမှတ် ရှေးဦးပြုစုခြင်းစွမ်းရည်ပြိုင်ပွဲကို မြို့နယ်ကြက်ခြေနီအသင်းခွဲရုံးမှာ ပြုလုပ်ခဲ့ပါတယ်။

၂၀၂၁ခုနှစ်၊ မေလ(၈)ရက်နေ့က ရခိုင်ပြည်နယ်၊ ကျောက်တော်မြို့နယ်ကြက်ခြေနီသူနာပြုတပ်ဖွဲ့မှ တပ်စုမှူး ဦးခိုင်စိုးမင်းသည် မြို့နယ်ပြည်သူ့ဆေးရုံ၌ အရေးပေါ်လိုအပ်နေသော (B)သွေးတစ်လုံးကို ကမ္ဘာ့ကြက်ခြေနီနေ့အထိမ်းအမှတ်အဖြစ် သွားရောက်လှူဒါန်းခဲ့ပါတယ်။

၂၀၂၁ခုနှစ်၊ မေလ (၇)ရက်နေ့ ညပိုင်းတွင် ရန်ကုန်တိုင်းဒေသကြီး အင်းစိန်မြို့နယ် လှိုင်မြစ်လမ်း၌ ဆိုင်ကယ်တိုက်မှုဖြစ်ပွားခဲ့ပြီး ဦး‌ခေါင်းထိခိုက်ဒဏ်ရာရသူတစ်ဦးအား မြို့နယ်ကြက်ခြေနီအသင်းခွဲမှကြက်ခြေနီစေတနာလုပ်အားရှင်များက ရှေးဦးပြုစုပေးပြီး အသင်းခွဲမှကြက်ခြေနီလူနာတင်ယာဉ်ဖြင့်ဆေးရုံသို့ ကူညီပို့ဆောင်ပေးခဲ့ပါတယ်။