၂၀၂၁ခုနှစ်၊ မေလ(၁၁)ရက်နေ့ နံနက်အစောပိုင်းတွင် ရန်ကုန်တိုင်းဒေသကြီး ကြည်မြင်တိုင်မြို့နယ် တဖက်ကမ်း အလပ်ချောင်းကျေးရွာမှ မွေးလူနာတစ်ဦးအား ကြည်မြင်တိုင်မြို့နယ် ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ဆေးရုံသို့ ပို့ဆောင်ကူညီခဲ့ကြပါတယ်။

ရခိုင်ပြည်နယ် ကျောက်တော်မြို့ ကဝိရတနာယာယီ‌ေနရပ်စွန့်ခွာစခန်းတွင် အရေးပေါ်သောက်ရေ၊ သုံးရေလိုအပ်မှုအတွက် အပြည်ပြည်ဆိုင်ရာကြက်ခြေနီကော်မတီ အကူအညီဖြင့် ကျောက်တော်မြို့နယ်ကြက်ခြေနီအသင်းခွဲက တစ်ရက်ရေလီတာ(၉ဝဝဝ)နူန်းဖြင့် ၂၀၂၁ခုနှစ်၊ မေလ(၁)ရက်နေ့ မှ (၁၆)ရက်နေ့ထိ ပေးဝေလှူဒါန်းသွားမှာဖြစ်ပါတယ်။  

၂၀၂၁ ခုနှစ်၊ မေလ ၁၀ ရက်နေ့က မြန်မာ-ထိုင်း အမှတ် (၂) ချစ်ကြည်ရေးတံတားမှ တစ်ဆင့် ရှမ်းပြည်နယ်အရှေ့ပိုင်း၊ တာချီလိတ်မြို့သို့ ပြန်လည်ဝင်ရောက်လာသော နေရပ်ပြန်ပြည်သူများအား Covid - 19 ရောဂါကာကွယ်ရေးလုပ်ငန်းများ‌ဆောင်ရွက်‌ပေးခြင်း၊ စိတ်ပိုင်း/လူမှုပိုင်းဆိုင်ရာအားပေးကူညီခြင်း၊ အစားအစာများဝေငှခြင်း၊ မြန်မာနိုင်ငံကြက်ခြေနီအသင်း မိသားစုပြန်လည်ဆက်သွယ်ပေးရေးဌာနမှပံ့ပိုးပေးသည့် အမျိုးသမီးတစ်ကိုယ်ရည်သန့်ရှင်းရေးသုံး ပစ္စည်းများအားထောက်ပံ့ပေးခြင်းနှင့် သက်ဆိုင်ရာနေရပ်အသီးသီးသို့ပြန်လည်ထွက်ခွာလိုသူများအား ခရီးလမ်းညွှန်ပေးခြင်းတို့ကို တာချီလိတ်မြို့နယ်မှ ကြက်ခြေနီစေတနာလုပ်အားရှင်များက ကူညီဆောင်ရွက်ခဲ့ကြပါသည်။

၂၀၂၁ခုနှစ်၊ မေလ(၁၀)ရက်နေ့တွင် ရန်ကုန်တိုင်းဒေသကြီး အင်းစိန်မြို့နယ် တညင်းကုန်းရပ်ကွက် စျေးရှေ့၌ နှာခေါင်းသွေးယိုစီးပြီးသတိလစ်လဲကျသွားသည့် အမျိုးသားတစ်ဦးကို မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ရှေးဦးပြုစုပေးပြီး ကြက်ခြေနီလူနာတင်ယာဥ်ဖြင့် ဆေးရုံသို့ပို့ဆောင်ကူညီပေးခဲ့ပါတယ်။