လွိုင်ကော်၊ ဧပြီ ၁၂ ကယားပြည်နယ်ကြက်ခြေနီတပ်ဖွဲ့မှူး ဦးမျိုးတင့်ဦးဆောင်သော ကြက်ခြေနီစေတနာလုပ်အားရှင်များသည် ကယားပြည်နယ်၊ လွိုင်ကော်မြို့ရှိ အသွားအလာကန့်သတ်စောင့်ကြည့်ရေးစခန်းများတွင် ပိုးသတ်ဆေးဖျန်းခြင်းတို့ကို မြို့နယ်ပြည်သူ့ကျန်းမာရေးဦးစီးဌာနမှ တာဝန်ရှိသူများနှင့် အတူ ၂၀၂၀ပြည့်နှစ် ဧပြီလ ၁၀ရက်နေ့က ဆောင်ရွက်ခဲ့ကြပါသည်။

ပဲခူး၊ မတ်လ ၃၀ ကြက်ခြေနီမှ ပဲခူးတိုင်းဒေသကြီးတွင် COVID-19ကိုရိုနာဗိုင်းရပ်အဆုတ်ရောင်ရောဂါ ကာကွယ်ရေးအတွက် အသိပညာပေးဆောင်ရွက်လျက်ရှိရာ ၂၀၂၀ပြည့်နှစ် မတ်လ ၃၀ရက်နေ့က ပန်းတောင်းမြို့နယ်ကြက်ခြေနီအသင်းခွဲတပ်ဖွဲ့မှူးဦးမြင့်သိန်းဦး ဦးဆောင်သော ကြက်ခြေနီစေတနာလုပ်အားရှင် (၁၀)ဦးသည် ပြည်တွင်းသို့ ပြန်လည်ဝင်ရောက်လာသူများကို ပန်းတောင်းမြို့နယ်တွင်ထားရှိသွားမည့် အသွားအလာကန့်သတ်သွားမည့် စခန်းဖွင့်လှစ်နိုင်ရန်အတွက် ဌာနဆိုင်ရာများနှင့် ပူးပေါင်းကာ နေရာထိုင်ခင်းစီစဉ်ပေးခြင်းများကို ဆောင်ရွက်ခဲ့သည်။ ထို့အပြင် ပေါင်းတည်မြို့နယ်ကြက်ခြေနီတပ်ဖွဲ့မှူးဦးကြည်ထွန်းဦးဆောင်သော ကြက်ခြေနီစေတနာလုပ်အားရှင်(၁၀)ဦးသည် ပေါင်းတည်ဘူတာရုံတွင် ခရီးသွားပြည်သူများအား ကိုယ်အပူချိန်စစ်ဆေးပေးခြင်းကို မြို့နယ်အုပ်ချုပ်ရေးမှူး၊မြို့နယ်ပြည်သူ့ကျန်းမာရေးဦးစီးဌာန၊ မြို့နယ်ရဲတပ်ဖွဲ့တို့နှင့် ပူးပေါင်း ဆောင်ရွက်ခဲ့ပါသည်။

ကယား၊ မတ်လ ၃၀

ကြက်ခြေနီမှ ကယားပြည်နယ်တွင် COVID-19ကိုရိုနာဗိုင်းရပ်အဆုတ်ရောင်ရောဂါ ကာကွယ်ရေးအတွက် အသိပညာပေးဆောင်ရွက်လျက်ရှိရာ ၂၀၂၀ပြည့်နှစ် မတ်လ ၂၉ရက်နေ့က ရှားတောမြို့နယ်တွင် မြို့နယ်ကြက်ခြေနီတပ်ဖွဲ့မှူး ဒေါ်သီတာလှိုင်ဦးဆောင်သော ကြက်ခြေနီစေတနာလုပ်အားရှင်များမှ နယ်စပ်ဝင်ထွက်ဂိတ်တွင် မြို့နယ်ပြည်သူ့ကျန်းမာရေးဦးစီးဌာန၊ မြို့နယ်ရဲတပ်ဖွဲ့၊ မြို့နယ်မီးသတ်တပ်ဖွဲ့တို့နှင့် ပူးပေါင်းကာ ကိုယ်အပူချိန်တိုင်းတာခြင်း၊ မှတ်သားခြင်းများတွင် ပူးပေါင်းဆောင်ရွက်ခဲ့သည်။
အလားတူ မယ်စဲ့မြို့နယ်တွင် မြို့နယ်ကြက်ခြေနီတပ်ဖွဲ့မှူး ဒေါ်နန်းစောတင်ဦးဆောင်သော ကြက်ခြေနီစေတနာလုပ်အားရှင်များမှပညာပေးပိုစတာနှင့် စတစ်ကာကပ်ခြင်း၊ လက်ဆေးခြင်းအသိပညာပေးခြင်းများပြုလုပ်ခဲ့ပါသည်။
လွိုင်ကော်မြို့နယ်တွင်လည်း မြို့အဝင်/အထွက်ဂိတ်များတွင် လွိုင်ကော်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များမှ မြို့နယ်ပြည်သူ့ကျန်းမာရေးဦးစီးဌာနနှင့် ပူးပေါင်း၍ကိုယ်အပူချိန်တိုင်းတာခြင်း၊ မှတ်သားခြင်းများပြုလုပ်ခဲ့သည်။ ထို့အပြင်COVID-19 ကိုရိုနာဗိုင်းရပ်စ်အဆုတ်ရောင်ရောဂါကာကွယ်ရေး အသိပညာပေးဟောပြောခြင်း၊ ပိုစတာများကပ်ခြင်း၊ စနစ်တကျလက်ဆေးနည်းသရုပ်ပြခြင်းတို့ကို ကျေးရွာများ၊ ဈေးများ၊ လူစည်ကားရာနေရာများတွင် ဆောင်ရွက်ခဲ့ကြပါသည်။

နေပြည်တော်၊ မတ် ၃၀

နေပြည်တော်ကောင်စီနယ်မြေကြက်ခြေနီကြီးကြပ်မှုကော်မတီ ဥက္ကဌ ဦးအောင်ချို ၊ ဒက္ခိဏခရိုင် ကြက်ခြေနီတပ်ဖွဲ့မှူး ဒေါ်ခင်မိုးမိုးနှင့် ဇမ္ဗူသီရိမြို့နယ်ကြက်ခြေနီတပ်ဖွဲ့မှူးဦးကျော်ကျော်အောင် ဦးဆောင်သော ကြက်ခြေနီစေတနာလုပ်အားရှင် ၅ ဦးတို့သည် ၂၀၂၀ပြည့်နှစ်၊ မတ်လ ၂၈ ရက်နှင့် မတ်လ ၂၉ ရက်နေ့တွင် ဒက္ခိဏခရိုင် ပျဉ်းမနား၊ လယ်ဝေး၊ ဒက္ခိဏသီရိနှင့် ဇမ္ဗူသီရိမြို့နယ်များ၌လည်းကောင်း၊ နေပြည်တော်ကောင်စီနယ်မြေကြက်ခြေနီကြီးကြပ်မှုကော်မတီ အတွင်းရေးမှူး ဦးမိုးကျော်၊ ကြက်ခြေနီဒုတိယတပ်ဖွဲ့မှူး ဦးစိုးလင်းဦး၊ ဥတ္တရခရိုင်ကြက်ခြေနီတပ်ဖွဲ့မှူး ဦးနိုင်ဝင်းစိုးနှင့် တပ်ကုန်းမြို့နယ်ကြက်ခြေနီတပ်ဖွဲ့မှူးဒေါ်အေးအေးဆွေ ဦးဆောင်သောကြက်ခြေနီစေတနာလုပ်အားရှင် ၅ ဦးတို့သည်မတ်လ ၃၀ ရက်နေ့ တွင် ဥတ္တရခရိုင် တပ်ကုန်း၊ ဇေယျာသီရိ၊ ပုဗ္ဗသီရိနှင့် ဥတ္တရသီရိမြို့နယ်များ၌လည်းကောင်း၊ မြို့နယ်ပြည်သူ့ကျန်းမာရေးဦးစီးဌာနမှဝန်ထမ်းများနှင့်ပူးပေါင်းကာ COVID 19 ရောဂါကာကွယ်ရေး အသိပညာပေးခြင်း၊ ပိုစတာများကပ်ခြင်း၊ အသံချဲစက်ဖြင့် အသိပေးနှိုးဆော်ခြင်းများကို ဆောင်ရွက်ခဲ့ကြပါသည်။
မတ်လ ၃၁ ရက်နေ့တွင်လည်းဆက်လက်ဆောင်ရွက်သွားကြမည်ဖြစ်ပါသည်။

ဟားခါး၊ မတ်လ ၃၀

ချင်းပြည်နယ်၊ ဟားခါးမြို့နယ်ကြက်ခြေနီအသင်းခွဲ ဒုတိယတပ်ခွဲမှူးဒေါ်သဇင်သိမ်းဦးဆောင်သော ကြက်ခြေနီစေတနာလုပ်အားရှင်များသည် COVID-19 ရောဂါကာကွယ်ရေးအတွက် ဟားခါးမြို့နယ်၊ စျေးသစ်ရပ်ကွက်နေပြည်သူများ၊ မိဘမဲ့ဂေဟာရှိ ကလေးငယ်များ၊ ဘိုးဘွားရိပ်သားများ ရှိအဘိုး၊ အဘွားများကို COVID 19 ရောဂါကာကွယ်ရေးနည်းလမ်းအသိပညာပေးခြင်း၊ ကာပေါ်လိပ်ဆပ်ပြာခဲ(၂၀၀)ခန့်အား အခမဲ့လိုက်လံဖြန့်ဝေခြင်းများ ဆောင်ရွက်ခဲ့ပါသည်။

ကယား၊ မတ်လ ၂၉ မြန်မာနိုင်ငံကြက်ခြေနီအသင်း ကြက်ခြေနီစေတနာလုပ်အားရှင်များသည် COVID-19ကိုရိုနာဗိုင်းရပ်စ် စတင်ဖြစ်ပွားသည့်အချိန်မှစတင်ကာ မြန်မာနိုင်ငံအတွင်းရှိ ပြည်နယ်၊ တိုင်း၊ ခရိုင်၊ မြို့နယ်၊ ကျေးရွာအသီးသီးတို့တွင် ရောဂါမဖြစ်ပွားအောင် ကြိုတင်ကာကွယ်ခြင်း၊ အသိပညာပေးခြင်းများကို ဆောင်ရွက်လျက်ရှိသည်။ အလားတူ ကယားပြည်နယ် ဒီးမော့ဆိုမြို့နယ်တွင် မြို့နယ်ကြက်ခြေနီတပ်ဖွဲ့မှူး ဦးစိုင်းနေဇော်ထွေးဦးဆောင်သော ကြက်ခြေနီစေတနာလုပ်အားရှင်များမှလည်းကောင်း၊ ဖရူဆိုမြို့နယ်တွင် မြို့နယ်ကြက်ခြေနီတပ်ဖွဲ့မှူး ဒေါ်စန်းစန်းမွှေးဦးဆောင်သော ကြက်ခြေနီစေတနာလုပ်အားရှင်များမှလည်းကောင်း၊ ဖားဆောင်းမြို့နယ်တွင် ဉီးအောင်မျိုးသွင်ဦးဆောင်သော ကြက်ခြေနီစေတနာလုပ်အားရှင်များမှလည်းကောင်း၊ ဘောလခဲမြို့နယ်တွင် မြို့နယ်ကြက်ခြေနီတပ်ဖွဲ့မှူး ဦးနေလင်း ဦးဆောင်သောကြက်ခြေနီစေတနာလုပ်အားရှင်များမှလည်းကောင်း၊ လွိုင်ကော်မြို့နယ်တွင် ကယားပြည်နယ်ကြက်ခြေနီကြီးကြပ်မှုကော်မတီ အတွင်းရေးမှူးဒေါ်ထက်အိဝေ ဦးဆောင်သော ကြက်ခြေနီစေတနာလုပ်အားရှင်များမှလည်းကောင်း COVID-19 ကိုရိုနာဗိုင်းရပ်စ်အဆုတ်ရောင်ရောဂါကာကွယ်ရေး အသိပညာပေးခြင်း၊ နှာခေါင်းစည်းစနစ်တကျအသုံးပြုနည်း၊ စနစ်တကျလက်ဆေးခြင်း၊ အသိပညာပေးပိုစတာများကပ်ခြင်း၊ အသိပညာပေးဟောပြောခြင်း၊ ကိုယ်အပူချိန်တိုင်းတာခြင်းတို့ကို မြို့နယ်ပြည်သူ့ကျန်းမာရေးဌာနများ၊ မြို့နယ်အထွေထွေအုပ်ချုပ်ရေးဦးစီးဌာနများ၊ လူမှုရေးအသင်းအဖွဲ့များနှင့် ပူးပေါင်းကာ ကယားပြည်နယ်အတွင်းရှိ မြို့နယ်၊ ရပ်ကွက်၊ ကျေးရွာ၊ ဈေးများ၊ ကားဂိတ်များနှင့် လူစည်ကားရာနေရာများတွင် ၂၀၂၀ပြည့်နှစ် မတ်လ ၂၆ရက်မှ ၂၉ရက်နေ့အထိ ဆောင်ရွက်ခဲ့ကြပါသည်။

မွန်ပြည်နယ်၊ မတ် ၂၆

၂၀၂၀ပြည့်နှစ် မတ်လ ၂၆ရက်နေ့တွင် သထုံခရိုင်ကြက်ခြေနီကြီးကြပ်မှုကော်မတီ ဒုတိယခရိုင်တပ်ဖွဲ့မှူး ဦးဆောင်သော ကြက်ခြေနီစေတနာလုပ်အားရှင် (၁၅)ဦးတို့သည် ကျိုက်ထိုမြို့နယ်အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဌာန၊ မြို့နယ်စည်ပင်သာယာရေးကော်မတီ တို့နှင့် ပူးပေါင်းကာ ကျိုက်ထိုမြို့နယ် သိမ်ဇရပ်မြို့ရှိ ဈေးများနှင့် လူစည်ကားရာနေရာများတွင် COVID-19ကိုရိုနာဗိုင်းရပ်စ် အဆုတ်ရောင်ရောဂါ ကာကွယ်ရေး လက်ကမ်းစာစောင် ဖြန့်ဝေခြင်း၊ ပိုစတာနှင့် စတစ်ကာများ ကပ်ခြင်း၊ အသိပညာပေးဟောပြောခြင်းနှင့် လက်သန့်ဆေးရည်များ ဖြန့်‌ဝေခြင်းတို့ကို ဆောင်ရွက်ခဲ့ကြသည်။

အလားတူ ဘီးလင်းမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်(၁၅)ဦးတို့သည် မြို့နယ်ကျန်းမာရေးဌာနနှင့် ပူးပေါင်းကာ ၂၀၂၀ပြည့်နှစ် မတ်လ၂၆ရက်နေ့ နံနက်(၉)နာရီခန့်က ဘီးလင်းမြို့နယ်ရှိ ဈေးများနှင့် လူစည်ကားရာနေရာများတွင် COVID-19ကိုရိုနာဗိုင်းရပ်စ်အဆုတ်ရောင်ရောဂါကာကွယ်ရေး အသိပညာပေးခြင်း၊ လက်ကမ်းစာစောင်ဝေခြင်း၊ ပိုစတာများကပ်ခြင်း၊ စနစ်တကျလက်ဆေးနည်း သရုပ်ပြခြင်းနှင့် အသိပညာပေးဟောပြောခြင်းတို့ကို ဆောင်ရွက်ခဲ့ကြပါသည်။

ချင်းပြည်နယ်၊ မတ်လ ၂၅

၂၀၂၀ပြည့်နှစ် မတ်လ၂၅ရက်နေ့က ဟားခါးမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသည် ဟားခါးမြို့အတွင်းရှိ ဈေးများနှင့် လူစည်ကားရာနေရာများတွင် COVID-19 ကိုရိုနာဗိုင်းရပ်စ်အဆုတ်ရောင်ရောဂါကာကွယ်ရေး အသိပညာပေးခြင်း၊ လက်ကမ်းစာစောင်များနှင့် နှာခေါင်းစည်းများ ဖြန့်ဝေခြင်းတို့ကို ဆောင်ရွက်ခဲ့ပြီး ထန်တလန်မြို့အဝင်ဂိတ်တွင်လည်း ချင်းပြည်နယ်ကြက်ခြေနီကြီးကြပ်မှုကော်မတီ တပ်ဖွဲ့မှူး ဦးကျုံဟူး ဦးဆောင်သော ကြက်ခြေနီစေတနာလုပ်အားရှင် (၅)ဦးတို့မှ COVID-19 ကိုရိုနာဗိုင်းရပ်စ်အဆုတ်ရောင်ရောဂါကာကွယ်ရေးလုပ်ငန်းများကို ဆက်လက်ဆောင်ရွက်လျှက်ရှိပါသည်။

ပဲခူးတိုင်း၊ မတ်လ ၂၀

ပဲခူးတိုင်းဒေသကြီးကြက်ခြေနီကြီးကြပ်မှုကော်မတီ၊ ပဲခူးခရိုင်ကြက်ခြေနီကြီးကြပ်မှုကော်မတီ၊ ပဲခူးမြို့နယ်ကြက်ခြေနီအသင်းခွဲ များမှ ကြက်ခြေနီစေတနာလုပ်အားရှင်များသည် မြန်မာနိုင်ငံကြက်ခြေနီအသင်း ဘေးအန္တရာယ်ဆိုင်ရာစီမံခန့်ခွဲရေးဌာနမှ ဝန်ထမ်းများ၊ ယာဉ်ထိန်းရဲတပ်ဖွဲ့များ နှင့်ပူးပေါင်းကာ ပဲခူးမြို့နယ်အတွင်းရှိ ဈေးများ၊ ကားဂိတ်များ၊ စက်ရုံများ၊ လူစည်ကားရာနေရာများတွင် ဘုရားဖူးလာပြည်သူများ၊ ခရီးသွားပြည်သူများအား COVID-19 ကိုရိုနာဗိုင်းရပ်စ်အဆုတ်ရောင်ရောဂါကာကွယ်ရေး အသိပညာပေးခြင်း၊ လက်ကမ်းစာစောင်များ၊ စတေကာများ၊ ပိုစတာများဖြန့်ဝေခြင်း နှင့် လက်ကိုဆပ်ပြာဖြင့် စနစ်တကျ မကြာခဏဆေးကြောရန်နှင့် လက်သန့်စင်ဆေးရည်အသုံးပြုရန် တိုက်တွန်းခြင်းများကို ၂၀၂၀ပြည့်နှစ် မတ်လ ၂၀ရက်နေ့က ဆောင်ရွက်ခဲ့ကြသည်။