ကရင်ပြည်နယ်၊ မြဝတီမြို့နယ်၊ ရပ်ကွက် ၅ ခုရှိ မဲရုံများတွင် ၂၀၂၀ ပြည့်နှစ်၊ အောက်တိုဘာလ ၂၉ ရက်နေ့မှ နိုဝင်ဘာလ ၃ ရက်နေ့အထိ ကျင်းပပြုလုပ်ခဲ့သော ၂၀၂၀ ပြည့်နှစ် ပြည်ထောင်စုရွေးကောက်ပွဲတွင် အသက် ၆ဝ နှင့်အထက် မဲဆန္ဒရှင်များ ကြိုတင်ဆန္ဒမဲပေးရာ COVID-19 ရောဂါကာကွယ်ရေးအတွက် ကိုယ်အပူချိန်တိုင်းတာပေးခြင်း၊ ရေမလိုလက်သန့်ဆေးရည်များဖြန့်ဝေပေးခြင်း၊ နှာခေါင်းစည်းများအခမဲ့ဖြန့်ဝေပေးခြင်းနှင့် အဖိုးအဖွားများအားကျန်းမာရေးစောင့်ရှောက်မှုပေးခြင်းတို့ကို မြဝတီမြို့နယ်ကြက်ခြေနီအသင်းခွဲမှ မြို့နယ်တပ်ဖွဲ့မှုး ဦးအောင်သွင်ဦး ဦးဆောင်သော ကြက်ခြေနီစေတနာလုပ်အားရှင် ၁၀ ဦးတို့က ကူညီဆောင်ရွက်ခဲ့ကြပါသည်။

၂၀၂၀ပြည့်နှစ်၊ နိုဝင်ဘာလ ၂ရက်နေ့က ရှမ်းပြည်နယ်အရှေ့ပိုင်း၊ မိုင်းဖြတ်မြို့အဝင်ဂိတ်မှ ဖြတ်သန်းသွားလာကြသူများအား မိုင်းဖြတ်မြို့နယ်ကြက်ခြေနီစေတနာလုပ်အားရှင်များက အပူချိန်တိုင်းပေးခြင်း၊ ခရီးသွားမှတ်တမ်းများရယူခြင်းတို့ကို ဌာနဆိုင်ရာများမှ တာဝန်ရှိသူများနှင့်အတူ ပူးပေါင်းဆောင်ရွက်ခဲ့ကြပါသည်။

၂၀၂၀ပြည့်နှစ်၊ နိုဝင်ဘာလ ၁ ရက်နေ့က မန္တလေးတိုင်းဒေသကြီး ပုသိမ်ကြီးမြို့နယ်မြို့မရပ်ကွက်အုပ်ချုပ်ရေးရုံး၌ အသက် ၆၀ နှစ်နှင့်အထက်မဲဆန္ဒရှင်များ ကြိုတင်ဆန္ဒမဲပေးရာတွင်ပုသိမ်ကြီးမြို့နယ်ကြက်ခြေနီအသင်းခွဲ ဥက္ကဌ ဦးစိုးမင်းအောင်နှင့် အမှုဆောင်များ၊ မြို့နယ်ကြက်‌ေခြနီတပ်ဖွဲ့မှူး ဦးအောင်သန်း တို့ဦးဆောင်သော ကြက်ခြေနီစေတနာလုပ်အားရှင်များသည် COVID-19 ရောဂါကာကွယ်ရေးအတွက် ကိုယ်အပူချိန်တိုင်းတာပေးခြင်း၊ လက်သန့်ဆေးရည်များနှင့်လက်သန့်စင်နိုင်ရန်‌ ကူညီ‌ေပးခြင်းတို့ကို ဆောင်ရွက်ခဲ့ကြသည်။

၂၀၂၀ပြည့်နှစ်၊ နို၀င်ဘာလ ၁ ရက်နေ့က ပြည်ထောင်စုနယ်မြေ နေပြည်တော်တပ်ကုန်းမြို့နယ်ကြက်ခြေနီအသင်းခွဲ ဒုတိယဥက္ကဋ္ဌ ဦးကျော်စိုး၊ မြို့နယ်ကြက်‌ေခြနီတပ်ဖွဲ့မှူး ဒေါ်အေးအေးဆွေနှင့် ကြက်ခြေနီစေတနာလုပ်အားရှင်(၉)ဦးတို့သည် ဗိုလ်မင်းရောင်ရပ်ကွက်၊ အောင်ဇေယျရပ်ကွက် မီးပွိုင့်တို့တွင် မြို့နယ်စိုက်ပျိုးရေးဦးစီးဌာန၊ ယာဥ်ထိန်းရဲတပ်ဖွဲ့တို့နှင့် ပူးပေါင်းကာ COVID-19 ရောဂါကာကွယ်ရေးအတွက် နှာခေါင်းစည်းများ ပေးဝေခြင်း၊ အသိပညာပေးခြင်း၊ လိုက်နာဆောင်ရွက်ရမည့် အချက်များအား နှိုးဆော်ခြင်း တို့ကို ဆောင်ရွက်ခဲ့ကြပါသည်။

တနင်္သာရီတိုင်းဒေသကြီး ထားဝယ်မြို့၊ အိမ်ရှေ့ပြင်ရပ် ကန့်သတ်ဧရိယာအတွင်းရှိ အိမ်ထောင်စု(၁၆၄)စုအတွက် စား‌ေသာက်ကုန်များကို နေ့စဥ် ပေး‌‌ေဝလျက်ရှိရာ ၂၀၂၀ပြည့်နှစ်၊ နိုဝင်ဘာလ ၁ ရက်နေ့က ထားဝယ်မြို့နယ်ကြက်‌ေခြနီအသင်းခွဲမှ ကြက်ခြေနီစေတနာလုပ်အားရှင်များသည်မြို့နယ်စည်ပင်သာယာရေးအဖွဲ့၊ အိမ်ရှေ့ပြင်ရပ် COVID-19 ထိန်းချုပ်ကာကွယ်ရေး စေတနာ့ဝန်ထမ်းများနှင့်အတူ ဆက်လက်ဆောင်ရွက်ခဲ့ကြသည်။

ကြက်ခြေနီစေတနာလုပ်အားရှင်များဟာ COVID-19 ရောဂါကာကွယ်ရေးလုပ်ငန်းများကို စဥ်ဆက်မပြတ် ကျရာနေရာက ပါဝင်ကူညီ နေကြပါတယ်။ ဒီလိုဆောင်ရွက်နေကြရာမှာ ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ် ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များဟာ အနုပညာရှင်တွေနဲ့အတူ ၂၀၂၀ပြည့်နှစ်၊ အောက်တိုဘာလ ၃၁ ရက်နေ့က မြို့နယ်အတွင်းရှိ အသွားအလာကန့်သတ်စောင့်ကြည့်စခန်းများကို သွားရောက်ကာ အသွားအလာကန့်သတ်စောင့်ကြည့်ခံနေရသူများကို စိတ်ပိုင်းဆိုင်ရာ အားပေးကူညီတဲ့အနေဖြင့် တေးသီချင်းများနဲ့ ဖျော်ဖြေခဲ့ကြပါသည်။

ရန်ကုန်တိုင်းဒေသကြီး၊ လှိုင်မြို့နယ်ရှိ COVID-19 ကုသရေးစင်တာတွင် ကျန်းမာရေးဝန်ထမ်းများနှင့် ပူးပေါင်းတာဝန်ထမ်းဆောင်ရန် မွန်ပြည်နယ်မှ ကြက်ခြေနီစေတနာလုပ်အားရှင် ၄၁ ဦးတို့သည် ၂၀၂၀ပြည့်နှစ်၊ အောက်တိုဘာလ ၁၂ ရက်နေ့လည်ပိုင်းတွင် ရောက်ရှိလာခဲ့ကြပါသည်။ ယင်းအဖွဲ့အား လှိုင်တက္ကသိုလ်ဝန်း၊ လှိုင်ကုတင်(၅၀၀)ဆံ့၊ COVID-19ကု သရေးစင်တာဆေးရုံအုပ်ကြီး ဒေါက်တာရဲမြင့်အောင်၊ ရန်ကုန်တိုင်းဒေသကြီး ကြက်ခြေနီကြီးကြပ်မှုကော်မတီ ဥက္ကဌ ဦးကျော်မိုးကြည်၊ ဘေးအန္တရာယ်ဆိုင်ရာစီမံခန့်ခွဲမှုဌာန ညွှန်ကြားရေးမှူးဒေါ်စန်းစန်းမော်၊ မြန်မာနိုင်ငံကြက်ခြေနီအသင်း အဖွဲ့အစည်းဆိုင်ရာဖွံ့ဖြိုးတိုးတက်ရေးဌာန ညွှန်ကြားရေးမှူးဒေါက်တာလင်းလင်းသက်တို့က ကြိုဆိုနှုတ်ဆက်ခဲ့ကြပြီး လိုအပ်သည်များဖြည့်ဆည်းမှာကြားခဲ့ပါသည်။ မွန်ပြည်နယ်ကြက်ခြေနီကြီးကြပ်မှုကော်မတီမှ ဒုတိယပြည်နယ်တပ်ဖွဲ့မှူး ဒေါ်လေးလေးခက် ဦးဆောင်သည့် မွန်ပြည်နယ်ရှိ မြို့နယ်များမှ ကြက်ခြေနီစေတနာလုပ်အားရှင် ၄၁ ဦးတို့သည် လှိုင်မြို့နယ်၊ လှိုင်တက္ကသိုလ်ဝန်း၊ လှိုင်ကုတင်(၅၀၀)ဆံ့၊COVID-19 ကုသရေးစင်တာတွင် နိုဝင်ဘာလ ၁ရက်နေ့အထိ ကူညီဆောင်ရွက်ပေးကြမည်ဖြစ်ပါသည်။

၂၀၂၀ ပြည့်နှစ်၊ အောက်တိုဘာလ ၁၂ ရက်နေ့က ချင်းပြည်နယ်ကြက်ခြေနီကြီးကြပ်ရေးကော်မတီမှ ဟားခါးမြို့၌ ဖွင့်လှစ်ထားသည့် စစ်ဆေးရေးဂိတ်များအား ရေသန့်ဘူးနှင့် ရေမလိုလက်သန့်ဆေးရည်များ ပေးအပ်လှူဒါန်းခဲ့သည်။ ဟားခါးမြို့တွင် ဂန့်ဂေါလမ်းစစ်ဆေးရေးဂိတ်၊ ကျောဘုတ်စစ်ဆေးရေးဂိတ်နှင့် (၆) လမ်းဆုံ စစ်ဆေးရေးဂိတ်များ ဖွင့်လှစ်ထားရာ၊ စစ်ဆေးရေးဂိတ် (၁) ခုအတွက် ရေသန့်ဘူး(၅)ကတ်နှင့် လက်သန့်ဆေးရည်(၃)ဘူး နှုန်းဖြင့် ပေးအပ်လှူဒါန်းခဲ့သည်။ ထို့ပြင် COVID-19 ရောဂါကာလအတွင်း နှာခေါင်းစည်းများ ဆက်လက်လှူဒါန်းနိုင်ရန် စီစဉ်လျက်ရှိသည်။

၂၀၂၀ပြည့်နှစ်၊ အောက်တိုဘာလ ၁၂ရက်နေ့က မိုင်းယောင်းမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသည် ရှမ်းပြည်နယ်အရှေ့ပိုင်း၊ မိုင်းယောင်းမြို့နယ်၊ ဟွေဖကျေးရွာအုပ်စု၊ ဟွေဖကျေးရွာသို့သွားရောက်ကာ ကိုဗစ် ၁၉ရောဂါကာကွယ်ရေးအသိပညာပေးခြင်း၊ လိုက်နာဆောင်ရွက်ရမည့်အချက်များအားနှိုးဆော်ခြင်း၊ ပိုစတာများကပ်ခြင်း၊ အလှူရှင်များလာရောက်လှူဒါန်းထားသော နှာခေါင်းစည်းများနှင့် လက်ဆေးဆပ်ပြာများအား ကျေးရွာအတွင်းရှိ ရွာသူ/သားများအား ဝေမျှထောက်ပံ့ပေးခြင်းတို့ကိုဆောင်ရွက်ခဲ့ကြသည်။