ဒီလိုဆောင်ရွက်ရာမှာ ရောဂါပိုးတွေ့ရှိသူများ၊ ရောဂါပိုးရှိကြောင်းသံသယရှိသူများ၊ ရောဂါပိုးရှိသူနှင့် ဆက်စပ်သူများအား ဆေးရုံများ၊ ကုသရေးစင်တာများ၊ အသွားအလာကန့်သတ်စခန်းများသို့ ပို့ဆောင်ကူညီပေးခြင်း၊ ရောဂါကင်းစင်ပြီး ဆေးရုံမှဆင်းသူများအားကူညီပို့‌ေဆာင်‌ေပးခြင်းများ ပါဝင်ပါတယ်။ ဧရာဝတီတိုင်းဒေသကြီး ကျောင်းကုန်းမြို့နယ်မှာတော့ ကြက်ခြေနီစေတနာလုပ်အားရှင်တွေဟာ ရောဂါပိုးတွေ့ရှိသူ ၂ ဦးနဲ့ ရောဂါပိုးရှိသူနှင့်ဆက်စပ်သူ ၁ ဦးတို့ကို မြို့နယ်ကြက်ခြေနီအသင်းခွဲက လူနာတင်ယာဉ်နဲ့ ကူညီပို့ဆောင်ပေးခဲ့တယ်လို့ သိရပါတယ်။

နိုဝင်ဘာလ ၉ရက်နေ့နဲ့ ၁၀ရက်နေ့များက ဘူးသီးတောင်မြို့နယ်မှာရှိတဲ့ ရန်အောင်မြေ တိုက်ပွဲရှောင်စခန်း၊ မြောင်းနား တိုက်ပွဲရှောင်စခန်း၊ မြတောင် တိုက်ပွဲရှောင်စခန်းတွေမှာ ကြက်ခြေနီစေတနာလုပ်အားရှင်တွေက စနစ်တကျလက်ဆေးနည်းတွေကို သင်ကြားပေးခဲ့ပြီး ရောဂါကူးစက်မှုမဖြစ်ပွားဖို့ ဘယ်လိုနေထိုင်ဆောင်ရွက်ရမလဲဆိုတာတွေကိုပါ ဗဟုသုတမျှဝေပေးခဲ့ကြပါတယ်။ 👏👏 အလားတူပဲ စစ်တွေမြို့ပေါ်မှာရှိတဲ့ ဗုဒ္ဓမော်ကျောင်းတိုက်(တိုက်ပွဲရှောင်စုရပ်)၊ ဘုရားများသိမ်တော်(တိုက်ပွဲရှောင်စုရပ်)တွေက တိုက်ပွဲရှောင်ပြည်သူတွေကို ရောဂါကာကွယ်‌ရေးအသုံးပြုရန်အတွက် လက်ဆေးဆပ်ပြာရည်တွေ၊ အဝတ်နှာခေါင်းစည်းတွေကို မျှဝေပေးခဲ့ကြပြီး ရောဂါမဖြစ်ပွားအောင် လိုက်နာနေထိုင်ဖို့လည်း အသိပညာပေးခဲ့ကြပါတယ်။

ပဲခူးတိုင်းဒေသကြီးအတွင်းက ကြက်ခြေနီစေတနာလုပ်အားရှင်တွေက ကိုဗစ် ၁၉ ရောဂါကာကွယ်ရေးလုပ်ငန်းတွေမှာ အားသွန်ခွန်စိုက်စိုက်ရွက်လျက်ရှိကြပါတယ်။ အဲ့ဒီလိုဆောင်ရွက်ရာမှာ ရပ်ရွာလူထုအား ရောဂါအကြောင်းပိုမိုသိရှိနားလည်ပြီး ကြိုတင်ကာကွယ်ရေးများဆောင်ရွက်နိုင်ဖို့နဲ့ ကူးစက်မှုမဖြစ်ပွားစေဖို့ အသိပညာပေးဆောင်ရွက်ကြသလို ရောဂါပိုးကူးစက်ခြင်းခံရသူတွေကိုလည်း နေအိမ်များအသီးသီးမှ ရောဂါကုသရေးစင်တာတွေကိုပို့ဆောင်ရာမှာ ကျန်းမာရေးဝန်ထမ်းတွေနဲ့အတူ ကူညီဆောင်ရွက်ပေးလျက်ရှိနေတာကို တွေ့မြင်ရပါတယ်။ 🔥🔥 နိုဝင်ဘာလ ၁၁ရက်နေ့က ပဲခူးမြို့ မဇင်းရပ်ကွက်အပိုင် အလယ်ကုန်း၊ အိုးလေးစု ၃လမ်း၊ ၄လမ်း၊ ပြည်တော်သာ အလယ်ကုန်းတို့မှ ပိုးတွေ့လူနာများနဲ့ ဆက်စပ်လူနာ နေအိမ် ပတ်ဝန်းကျင်များကို ဆေးဖြန်းခြင်းတို့ဆောင်ရွက်ရာမှာလည်း ဌာနဆိုင်ရာများက အုပ်ချုပ်ရေးတာဝန်ရှိသူများနဲ့အတူ လိုအပ်သည်များအား ကူညီဆောင်ရွက်ပေးခဲ့ကြတယ်။

ကရင်ပြည်နယ်မှာ COVID-19 ကာကွယ်ရေးအတွက် ကြက်ခြေနီ‌ေစတနာလုပ်အားရှင်‌ေတွက ဆက်လက် ဆောင်ရွက်နေကြပါတယ်.... ဘားအံမြို့မှာရှိတဲ့ နယ်စပ်ဒေသတိုင်းရင်းသားလူငယ်ဖွံဖြိုးတိုးတက်ရေးသင်တန်းကျောင်း အသွားအလာကန့်သတ်စောင့်ကြည့်စခန်း ၊ဘားအံယာဉ်ရပ်နားစခန်းနဲ့ အမက ၃ မဲရုံများအား ဆေးဖြန်းခြင်းကို မြို့နယ်ကြက်ခြေနီအသင်းခွဲ မြိုနယ်ကြက်ခြေနီတပ်ဖွဲ့မှူး ဦးဇေယျာမိုးမြင့်နဲ့ကြက်ခြေနီစေတနာလုပ်အားရှင် ၄ဦးတို့က ၂၀၂၀ပြည့်နှစ်၊ နိုဝင်ဘာလ ၁၁ ရက်နေ့က ကူညီဆောင်ရွက်ခဲ့ကြတယ်။

မြဝတီမြို့နယ်က ကြက်ခြေနီတပ်ဖွဲ့မှူး ဦးအောင်သွင်ဦးနှင့် ကြက်ခြေနီစေတနာလုပ်အားရှင်တွေဟာ ကရင်ပြည်နယ်ရှိ မြန်မာ-ထိုင်းချစ်ကြည်ရေးတံတား အမှတ်(၂)ဂိတ်မှာ ကိုဗစ်-၁၉ ရောဂါကာကွယ်စေရေးလုပ်ငန်းများကို နေ့စဉ်ဆောင်ရွက်နေကြပါတယ်။ 🔱🔱🔱 နိုဝင်ဘာလ ၁၀ ရက်နေ့ကလည်း အမှတ် (၂) ဂိတ်မှ ဝင်ရောက်လာတဲ့ခရီးသည်များနှင့် နေရပ်ပြန်ပြည်သူများကို ကိုယ်အပူချိန်တိုင်းတာပေးခြင်း၊ စာရင်းများမှတ်သားခြင်း၊ သတင်းပေးပို့ခြင်း၊ ကျန်းမာရေးအသိပညာပေးခြင်းနှင့် ထိုနေရာအား ပိုးသတ်ဆေးဖြန်းပေးခြင်း တို့ကို ဆောင်ရွက်ခဲ့ကြတယ်။

👨‍👩‍👧‍👦👨‍👩‍👧‍👦 မြန်မာနိုင်ငံကြက်ခြေနီအသင်း၊ မိသားစုပြန်လည်ဆက်သွယ်ပေးရေးဌာနက ကရင်ပြည်နယ်၊ မြဝတီမြို့နယ်က ကျောက်လုံးကြီးအသွားအလာကန့်သတ်စောင့်ကြည့်ရေးစခန်းမှာ နေရပ်ပြန်ပြည်သူတွေအတွက် လိုအပ်တဲ့အသုံးအဆောင်ပစ္စည်းများနှင့် ငွေကြေးထောက်ပံ့မှုတွေကို အဆက်မပြတ်လုပ်ဆောင်နေပါတယ်။ 🌺🌺 နိုဝင်ဘာလ ၁၀ ရက်နေ့ကလည်း ပြည်ပနိုင်ငံမှာ အကြောင်းအမျိုးမျိုးကြောင့် ပြစ်ဒဏ်ခံရပြီး ပြန်လည်လွတ်မြောက်လာတဲ့ နေရပ်ပြန်ပြည်သူ (၅၃) ဦးကို အဝတ်အထည်၊ အမျိုးသမီးတစ်ကိုယ်ရည်သန့်ရှင်းရေးသုံးပစ္စည်း၊ အမျိုးသားတစ်ကိုယ်ရည်သန့်ရှင်းရေးသုံးပစ္စည်းများနှင့် ခရီးစရိတ်၊ စားစရိတ် စုစုပေါင်း (၂,၅၈၂,၀၀၀ိ/-) ကျပ်တိတိကို မြဝတီမြို့နယ်က ကြက်ခြေနီတပ်ဖွဲ့မှူး ဦးအောင်သွင်ဦးနှင့် ကြက်ခြေနီစေတနာလုပ်အားရှင်များကတဆင့် ထောက်ပံ့ပေးခဲ့ပါတယ်။

ရန်ကုန်တိုင်းဒေသကြီး၊ လှိုင်မြို့နယ်ရှိ COVID-19 ကုသရေးစင်တာတွင် ကျန်းမာရေးဝန်ထမ်းများနှင့် ပူးပေါင်းတာဝန်ထမ်းဆောင်ရန် မကွေးတိုင်းဒေသကြီးမှ ကြက်ခြေနီစေတနာလုပ်အားရှင် ၃၉ ဦးတို့သည် ၂၀၂၀ပြည့်နှစ်၊ နိုဝင်ဘာလ ၉ ရက်တွင် ရောက်ရှိလာခဲ့ကြပါသည်။ ယင်းအဖွဲ့အား လှိုင်တက္ကသိုလ်ဝန်း၊ လှိုင်ကုတင်(၅၀၀)ဆံ့၊ COVID-19ကုသရေးစင်တာတာဝန်ခံ ဒေါက်တာရဲမြင့်အောင်၊ ဌာနချုပ်မှဒုတိယအထွေထွေအတွင်းရေးမှူးဒေါက်တာတင်ထွန်းအောင်၊ ဘေးအန္တရာယ်ဆိုင်ရာစီမံခန့်ခွဲမှုဌာန ညွှန်ကြားရေးမှူးဒေါ်စန်းစန်းမော်၊ အဖွဲ့အစည်းဆိုင်ရာဖွံ့ဖြိုးတိုးတက်ရေးဌာန ညွှန်ကြားရေးမှူးဒေါက်တာလင်းလင်းသက်တို့က ကြိုဆိုနှုတ်ဆက်ခဲ့ကြပြီး လိုအပ်သည်များဖြည့်ဆည်းမှာကြားခဲ့ပါသည်။ မကွေးတိုင်းဒေသကြီးမှ ရေနံချောင်းမြို့နယ်ကြက်ခြေနီသူနာပြုတပ်ဖွဲ့မှူးဦးကျော်စိန်မြဦးဆောင်သည့် ဦးဆောင်သည့် မကွေးတိုင်းဒေသကြီး၊ မြို့နယ်အသီးသီးမှ ကြက်ခြေနီစေတနာလုပ်အားရှင် ကျား ၃၁၊ မ ၈ ဦးတို့သည် လှိုင်မြို့နယ်၊ လှိုင်တက္ကသိုလ်ဝန်း၊ လှိုင်ကုတင်(၅၀၀)ဆံ့၊ COVID-19 ကုသရေးစင်တာတွင် ဒီဇင်ဘာ ၅ရက်နေ့အထိကူညီဆောင်ရွက်ပေးသွားရန်ရှိပါသည်။ ထို့အပြင်မကွေးတိုင်းဒေသကြီးမှကြက်ခြေနီစေတနာလုပ်အားရှင်များသည် ကုသရေးစင်တာတွင် ပူးပေါင်းတာဝန်မထမ်းဆောင်မီ ကိုဗစ်၁၉ စစ်ဆေးခြင်းကိုယနေ့ညနေတွင်ပြုလုပ်ခဲ့ကြကာ နိုဝင်ဘာ၁၀ရက်နေ့ညတွင် စတင်တာဝန်ထမ်းဆောင်နိုင်ကြမည်ဖြစ်ပါသည်။

မြန်မာနိုင်ငံကြက်ခြေနီအသင်း၏ လမ်းညွှန်မှုဖြင့် ရန်ကုန်တိုင်းဒေသကြီးတွင် COVID-19ရောဂါကာကွယ်ရေးလုပ်ငန်းများ၌ အင်အားဖြည့်ကူညီခဲ့ကြသော မွန်ပြည်နယ်မှ ကြက်ခြေနီစေတနာလုပ်အားရှင် (၄၁) ဦးတို့သည် တာဝန်ပြီးဆုံး၍ ၂၀၂၀ပြည့်နှစ်၊ နိုဝင်ဘာလ ၉ ရက်နေ့ နံနက်ပိုင်းတွင် မွန်ပြည်နယ်သို့ ပြန်လည်ထွက်ခွာပါသည်။ ထိုသို့ ပြန်လည်မထွက်ခွာမီ လှိုင်တက္ကသိုလ်ဝန်း၊ လှိုင်ကုတင်၅၀၀ဆံ့၊ COVID-19 ကုသရေးစင်တာ တာဝန်ခံဒေါက်တာ ရဲမြင့်အောင်၊ ဌာနချုပ်မှ ဒုတိယအထွေထွေအတွင်းရေးမှူးဒေါက်တာတင်ထွန်းအောင်၊ ဘေးအန္တရာယ်ဆိုင်ရာစီမံခန့်ခွဲမှုဌာန ညွှန်ကြားရေးမှူး ဒေါ်စန်းစန်းမော်နှင့် အဖွဲ့အစည်းဆိုင်ရာဖွံဖြိုးတိုးတက်ရေး ဌာန ညွှန်ကြားရေးမှူး ဒေါက်တာလင်းလင်းသက်တို့က Debriefing Session ပြုလုပ်၍ဂုဏ်ပြုနှုတ်ဆက်စကားများ ပြောကြားခဲ့ကြပြီး ဂုဏ်ပြုမှတ်တမ်းလွှာများနှင့် လက်ဆောင်များအသီးသီး ပေးအပ်ခဲ့ပါသည်။ အဆိုပါအဖွဲ့သည် ကျန်းမာရေးနှင့် အားကစားဝန်ကြီးဌာန၏ အစီအစဥ်ဖြင့် လှိုင်ကုတင်၅၀၀ဆံ့၊ COVID-19 ကုသရေးစင်တာတွင် အောက်တိုဘာလ ၁၂ ရက်နေ့မှ နိုဝင်ဘာလ ၉ ရက်နေ့အထိ တာဝန်ထမ်းဆောင်ခဲ့ခြင်းဖြစ်ပြီး မွန်ပြည်နယ်သို့ ပြန်လည်ထွက်ခွာရာတွင် ရန်ကုန်တိုင်းဒေသကြီး အနောက်ပိုင်းခရိုင်ကြက်ခြေနီတပ်ဖွဲ့မှူးဦးနေလင်းထွန်းဦးဆောင်သောအဖွဲ့က ရန်ကုန်တိုင်းဒေသကြီး အဝင်ဂိတ်အထိပို့ဆောင်ပေးကာ ဂုဏ်ပြုနှုတ်ဆက်ခဲ့ပါသည်။

🩸🩸 ရပ်ရွာလူထု ဘေးအနရာယ်နဲ့ကြုံတွေ့ရတဲ့အခါ ကြက်ခြေနီစေတနာ လုပ်အားရှင်တွေက ဘေးအန္တရာယ် တုံ့ပြန်ရေး လုပ်ငန်းများမှာ နေ့မအား၊ ညမနား ပါဝင်ပြီး မည်သည့် အရေးပေါ်အခြေအနေတွင်မဆို ပထမဆုံး တုံ့ပြန်ဆောင်ရွက်သူများ ဖြစ်ပါသည်။ 🩸🩸 🔷🔹 ယခုကြုံတွေ့နေရတဲ့ ကပ်ရောဂါကာလအတွင်းမှာလည်း ရပ်ရွာလူထုကို အသိပညာပေးခြင်းလုပ်ငန်းတွေ အင်တိုက်အားတိုက် ဆောင်ရွက်လျက်ရှိသလို အသွားအလာကန့်သတ်စောင့်ကြည့်ရေးစခန်းတွေနဲ့ ရောဂါကုသရေးစင်တာတွေမှာလည်း ကျန်းမာရေးဝန်ထမ်းတွေနဲ့အတူ လုပ်အားပေးလုပ်ငန်းတွေကို အားဖြည့်ကူညီလျက်ရှိကြပါတယ် 🔹🔷 🔷🔹 ဒီနေ့မှာတော့ မကွေးတိုင်းဒေသကြီးက ကြက်ခြေနီစေတနာလုပ်အားရှင်၃၉ ဦးတို့ဟာ ရန်ကုန်တိုင်းဒေသကြီးအတွင်းမှာရှိတဲ့ ကိုဗစ် ၁၉ရောဂါကုသရေးစင်တာတွေမှာ အားဖြည့်ကူညီပေးကြဖို့အတွက် စတင်ထွက်ခွာလာခဲ့ကြပါပြီ။ 🔹🔷 🔔🔔 ယခုလို လူသားချင်းစာနာထောက်ထားစိတ်အပြည့်နဲ့ ကျရာနေရာကနေ တာဝန်ထမ်းဆောင်ဖို့ရောက်ရှိလာကြမယ့် မကွေးတိုင်းဒေသကြီးက ကျွန်ုပ်တို့ရဲ့ ကြက်ခြေနီစေတနာလုပ်အားရှင်သူရဲကောင်းတွေကို မြန်မာနိုင်ငံကြက်ခြေနီအသင်း(ဌာနချုပ်)က လှိုက်လှဲစွာ ဂုဏ်ပြုကြိုဆိုလျက်ရှိနေပါတယ်။