၂၀၂၂ခုနှစ် ဧပြီလ(၃)ရက်နေ့က ရှမ်းပြည်နယ်မြောက်ပိုင်း၊ မူဆယ်မြို့နယ် ဆင်ဖြူဈေးအနီးမှာ ယာဉ်မတော်တဆမှု ဖြစ်ပွားခဲ့ပြီး ထိခိုက်ဒဏ်ရာရရှိသူ အမျိုးသားတစ်ဦးကိုလည်းကောင်း၊ ဧပြီလ(၁)ရက်နေ့က ကျင်စန်းကျော့လမ်းတွင် ဆိုင်ကယ်တိမ်းမှောက်မှုကြောင့် ထိခိုက်ဒဏ်ရာရရှိသူတစ်ဦးကိုလည်းကောင်း အရေးပေါ်ရှေးဦးပြုစုပေးခဲ့ကြပြီး လူနာတင်ယာဉ်ဖြင့် ဆေးရုံသို့ ကူညီပို့ဆောင်ပေးခဲ့ကြပါတယ်။

မတ်လ(၃၀)ရက်နေ့က ထားဝယ်မြို့နယ် ဇလွန်းကျေးရွာမှ ဆေးရုံဆင်းလူနာတစ်ဦးအား မယ်ဒီလန်းဆေးရုံမှ နေအိမ်သို့လည်းကောင်း၊ ရေဖြူမြို့နယ် ပုဂေါဇွန်းကျေးရွာမှ CT screen ရိုက်မည့်လူနာတစ်ဦးအား ထားဝယ်ဆေးရုံကြီးမှ မယ်ဒီလန်းဆေးရုံသို့လည်းကောင်း၊ သရက်ချောင်းမြို့နယ် ဂုံညင်းဆိပ်ကျေးရွာမှ အူအတက်ပေါက်လူနာတစ်ဦးအား နေအိမ်မှ မယ်ဒီလန်းဆေးရုံသို့လည်းကောင်း၊ မတ်လ(၃၁)ရက်နေ့က ရေဖြူမြို့နယ် လဲရှောင်ကျေးရွာမှ COVID ရောဂါပိုးတွေ့လူနာတစ်ဦးအား ထားဝယ်ဆေးရုံကြီး ဖျားနာကုသဆောင်မှ COVID ကုသဆောင်သို့လည်းကောင်း၊ လောင်းလုံးမြို့နယ် စမ်းလှမ်းကျေးရွာမှ ဆေးရုံဆင်းလူနာတစ်ဦးအား ထားဝယ်ဆေးရုံကြီးမှ နေအိမ်သို့လည်းကောင်း၊ ထားဝယ်မြို့နယ် တလိုင်းမရပ် မှ သတိလစ်လူနာတစ်ဦးအား ရှေးဦးပြုစုပေးပြိး ထားဝယ်ဆေးရုံကြီးသို့လည်းကောင်း၊ လောင်းလုံးမြို့နယ် မင်းရပ်ကျေးရွာမှ သွေးအန်လူနာတစ်ဦးအား နေအိမ်မှ မယ်ဒီလန်းဆေးရုံသို့လည်းကောင်း အသီးသီးပို့ဆောင်ကူညီပေးခဲ့ကြပါတယ်။

ပြည်ထောင်စုနယ်မြေ၊ နေပြည်တော်၊ ဒက္ခိဏခရိုင်၊ လယ်ဝေးမြို့နယ်၊၀င်တဲကူးကျေးရွာအုပ်စု၊ မြောင်သာယာကျေးရွာ၌ ၂၀၂၂ခုနှစ်၊ မတ်လ(၃၀)ရက်နေ့က လေပြင်းတိုက်ခတ်မှုကြောင့် ထိခိုက်ခံစားခဲ့ရသောအိမ်ထောင်စု(၁)စုအတွက် မြန်မာနိုင်ငံကြက်ခြေနီ

အသင်းမှထောက်ပံ့သော အိမ်ဆောက်အ‌ထောက်အကူပြုပစ္စည်း(၁)စုံနှင့် တာပေါ်လင်(၁)ချပ်တို့ကို လယ်ဝေးမြို့နယ်ကြက်ခြေနီအသင်းခွဲဥက္ကဋ္ဌ ဦးကျော်လင်းနှင့် ကြက်ခြေနီစေတနာလုပ်ရှင်များက မတ်လ(၃၁)ရက်နေ့တွင် သွားရောက် ထောက်ပံ့ပေးခဲ့ပါသည်။

၂၀၂၂ခုနှစ်၊ မတ်လ (၂၅)ရက်နေ့ နှင့် (၂၈)ရက်နေ့များတွင် ငပုတောမြို့နယ်ကြက်ခြေနီအသင်းခွဲ၊ ရေငံသရက်ကုန်း ကြက်ခြေနီစေတနာလုပ်အားရှင်များသည် ဟင်းအိုးချောင်းကျေးရွာအုပ်စု၊ မြတ်တိုဝဲကြီးကျေးရွာ နှင့် ကွင်းချောင်းကျေးရွာအုပ်စု၊ သူကြီးကုန်းကျေးရွာ များတွင် COVID-19 ရောဂါ ကာကွယ်ဆေးထိုးခြင်းလုပ်ငန်းများတွင် ကူညီဆောင်ရွက်ပေးခဲ့ပါသည်။

ထို့နောက် မတ်လ (၂၈)ရက်နေ့တွင် အရေးပေါ်လူနာအား ငပုတောဆေးရုံမှ ပုသိမ်ဆေးရုံကြီးသို့ ငပုတောမြို့နယ်ကြက်ခြေနီစေတနာလုပ်အားရှင်များက လွှဲပြောင်းပို့ဆောင်ပေးခဲ့ပါသည်။

ယခုနှစ်မတ်လအတွင်းမှာ ညောင်ရွှေမြို့နယ် အင်းလေးဒေသရှိ နေရပ်စွန့်ခွာစခန်းများကပြည်သူများ လိုအပ်သည့် အသုံးအဆောင်ပစ္စည်များဖြစ်တဲ့ တစ်ကိုယ်ရည်သန့်ရှင်းရေးသုံးပစ္စည်းများ၊ စောင်၊ ခြင်ထောင်၊ ဖျာ၊ အမျိုးသမီးတစ်ကိုယ်ရည်သန့်ရှင်းရေးသုံးပစ္စည်းများ၊ လက်သန့်ဆေးရည်များနဲ့ ပါးစပ်နှာခေါင်းစည်များကို သွားရောက်ပေးအပ်ကူညီခဲ့ပါတယ်။

ဆိုလာမီးအိမ်၊ ရေသန့်စင်ကိရိယာများကိုလည်း ပေးအပ်ခဲ့ကြပြီး အသုံးပြုပုံများကိုရှင်းလင်းပြသခဲ့ကြတဲ့အပြင် စိတ်ပိုင်း၊ လူမှုပိုင်းဆိုင်ရာ အားပေးမှုတွေကိုလည်း ပြုလုပ်ပေးခဲ့ကြပါတယ်။

ရွေ့လျားဆေးကုသခန်းများလည်း သွားရောက်ဖွင့်လှစ်ပေးပြီး ပဏာမကျန်းမာရေးစောင့်ရှောက်မှုများပေးလျက်ရှိရာမှာ မတ်လ(၁)ရက်မှ မတ်လ(၂၅)ရက်နေ့အထိ တောင်ကြီး၊ ညောင်ရွှေ၊ ဆီဆိုင်၊ ပင်လောင်းမြို့နယ်များရှိ နေရပ်စွန့်ခွာစခန်းများကပြည်သူ

(၂,၃၆၂)ဦးကို ကျန်းမာရေးစောင့်ရှောက်မှုပေးနိုင်ခဲ့ပါတယ်။

ထိုသို့ဆောင်ရွက်ရာတွင် ပြည်နယ်ကြက်ခြေနီကြီးကြပ်မှုကော်မတီ၊ အသင်းဌာနချုပ် ဘေးအန္တရာယ်ဆိုင်ရာစီမံခန့်ခွဲမှုဌာနနဲ့ ပြည်နယ်အတွင်းရှိ မြို့နယ်များမှ ကြက်ခြေနီစေတနာလုပ်အားရှင်များက ကူညီဆောင်ရွက်ပေးလျက်ရှိပါတယ်။

တနင်္သာရီတိုင်းဒေသကြီးတွင် ကြက်ခြေနီက လူမှုကရုဏာလုပ်ငန်းများကို တိုးမြှင့်ဆောင်ရွက်လျက်ရှိကြပါသည်။ COVID 19ရောဂါတုံ့ပြန်ဆောင်ရွက်ရေးလုပ်ငန်းများမှ စတင်ကာ ရပ်ရွာလူထုအတွင်း အရေးပေါ်လိုအပ်လျက်ရှိသည့် လူမှုကရုဏာအကူအညီများကို အချိန်နဲ့တပြေးညီ အထိရောက်ဆုံးပံ့ပိုးကူညီပေးနိုင်စေဖို့ ကြိုးစားအားထုတ်လျက်ရှိကြပါသည်။

ယနေ့ မတ်လ(၂၃)ရက်နေ့တွင် သရက်ချောင်းမြို့နယ်ကြက်ခြေနီအသင်းခွဲမှ စေတနာလုပ်အားရှင်များက လောင်းလုံမြို့နယ် ဝေတီကျေးရွာမှ အသေးစားခြေတုပြုပြင်ရန်လိုအပ်သူ(၂)ဦးအား ခြေဖဝါးအသစ်လဲပေးခြင်းနှင့် ဒူးခါးပတ်ကြိုးလဲပေးခြင်းတို့ကို ဆောင်ရွက်ကူညီပေးခဲ့ပါသည်။

   မတ်လ(၂၁)ရက်နေ့က ထားဝယ်မြို့နယ်ကြက်ခြေနီအသင်းခွဲမှ စေတနာလုပ်အားရှင်များသည် ဆန်းချီရပ်မှဆေးရုံဆင်းလူနာတစ်ဦးအား မယ်ဒီလန်းဆေးရုံမှ နေအိမ်သို့လည်းကောင်း၊ သရက်ချောင်းမြို့နယ် ဆီတောကျေးရွာမှ ဆေးရုံလွှဲပြောင်းလူနာတစ်ဦးအား ထားဝယ်ဆေးရုံကြီးမှ ချမ်းမြေ့ဆေးရုံသို့လည်းကောင်း၊ ကြက်စားပြင်ရပ်မှ ခြေထောက်အရိုးကျိုးလူနာတစ်ဦးအား ထားဝယ်ဆေးရုံကြီးမှ သီရိအားမာန်ဓာတ်မှန်ခန်းသို့လည်းကောင်း၊ ဘုမ္မောရပ်က လူနာတစ်ဦးအား မြင့်မိုရ်ဦးဆေးရုံသို့လည်းကောင်း အသီးသီးပို့ဆောင်ကူညီပေးခဲ့ကြပါသည်။

မြန်မာနိုင်ငံကြက်ခြေနီအသင်းနှင့် အမေရိကန်နိုင်ငံကြက်ခြေနီအသင်းတို့ ပူးပေါင်းဖွင့်လှစ်သော Data Management in Excel Training သင်တန်းဖွင့်ပွဲကို မတ်လ(၂၁)ရက်နေ့ နံနက်ပိုင်းက ရန်ကုန်ရုံးခွဲ၌ ပြုလုပ်ခဲ့ရာ အချိန်ပြည့်အလုပ်အမှုဆောင် ဒေါက်တာတင်ညွန့်က အမှာစကားပြောကြားခဲ့ပါသည်။

  အဆိုပါဖြစ်စဉ်ကြောင့် မီးလောင်သေဆုံးသွားခဲ့သူများ၏ ရုပ်အလောင်းများကို ပုသိမ်ပြည်သူ့ဆေးရုံကြီး ရင်ခွဲရုံသို့ ပို့ဆောင်နိုင်ရေးအတွက် မိတ်ဖက်လူမှုကူညီရေးအသင်းများနှင့်အတူ အကူအညီ ပေးခဲ့ပါသည်။

  ထို့အပြင် သေဆုံးသူများ၏ မိသားစုဝင်များထံ ဆက်သွယ်အကြောင်းကြားနိုင်ရေးအတွက် ပြည်နယ်/တိုင်းဒေသကြီးများရှိ မြို့နယ်ကြက်ခြေနီအသင်းခွဲများထံ ပုသိမ်မြို့နယ်ကြက်ခြေနီအသင်းခွဲမှကြက်ခြေနီစေတနာလုပ်အားရှင်များက ချိတ်ဆက်ကူညီ ဆောင်ရွက်ခဲ့ပါသည်။