ရခိုင်ပြည်နယ်၊ စစ်တွေမြို့၊ မကျည်းမြိုင်ရပ်ကွက်ရှိ မီးဘေးသင့် အိမ်ထောင်စု (၇)စုအတွက် လိုအပ်မည့် အသုံးအဆောင်ပစ္စည်းများဖြစ်သည့် တစ်ကိုယ်ရည်သန့်ရှင်းရေးသုံးပစ္စည်းများ၊ အမျိုးသမီး တစ်ကိုယ်ရည်သန့်ရှင်းရေးသုံးပစ္စည်းများနှင့် ရေပုံးများကို မြန်မာနိုင်ငံကြက်ခြေနီအသင်း ရခိုင်ပြည်နယ်ကြက်‌ခြေနီသူနာပြုတပ်ဖွဲ့ မှူး ဦးမြင့်ထွေး၊ စစ်တွေမြို့နယ် ကြက်ခြေနီသူနာပြုတပ်ဖွဲ့ မှူး ဦးကျော်နိုင်ဦးတို့ ဦးဆောင်သော ကြက်ခြေနီစေတနာလုပ်အားရှင်များက မတ်လ (၁၄) ရက်က သွားရောက် ပေးအပ်ခဲ့ကြသည်။

ကြက်ခြေနီစေတနာလုပ်အားရှင်များသည် ထိခိုက်ဒဏ်ရာရသူများကို ကူညီရန်အတွက် မြို့နယ်အသီးသီးတွင် ရွေ့လျားရှေးဦးပြုစုခြင်းစခန်းငယ်များ ဖွင့်လှစ်ကာ ထိခိုက်ဒဏ်ရာရရှိသည့် ပြည်သူများအား ကြက်ခြေနီ အခြေခံမူ(၇)ချက်နှင့်အညီ လူမှုကရုဏာအကူအညီများ ဆောင်ရွက်ပေးလျက်ရှိနေပါသည်။

မြန်မာနိုင်ငံကြက်‌ခြေနီအသင်းနှင့်အတူ လူသားချင်းစာနာထောက်ထားသည့် လုပ်ငန်းများကို အတူတကွ ပူးပေါင်း လုပ်ဆောင်နေသည့် အပြည်ပြည်ဆိုင်ရာကြက်ခြေနီကော်မတီ၏ ထုတ်ပြန်ကြေငြာချက်ကို ထပ်ဆင့် မျှဝေအပ်ပါသည်။

ကျိုက်မရော၊ ဇန်နဝါရီလ ၆ ဇန်နဝါရီလ ၆ ရက်နေ့က ကျိုက်မရောမြို့နယ်မှ ဒုတိယတပ်ဖွဲ့မှူး ဦးမျိုးမင်းဦးနှင့် ကြက်ခြေနီစေတနာလုပ်အားရှင်များဟာ မွန်ပြည်နယ်၊ ကျိုက်မရောမြို့နယ်ရှိ ဖျားနာဆေးကုသခန်းသို့ ဆေးကုသမှုခံယူရန်ရောက်ရှိလာသူများအား နေရာချထားပေးခြင်း၊ အမည်စာရင်းများမှတ်သားပေးခြင်း၊ ကိုယ်အပူချိန်တိုင်းပေးခြင်း၊ သွေးပေါင်ချိန်ပေးခြင်းနှင့် ကျန်းမာရေးစောင့်ရှောက်မှုပေးခြင်းတို့ကို ကူညီဆောင်ရွက်လျက်ရှိကြပါသည်။

ရန်ကုန်၊ ဇန်နဝါရီ ၄ ရန်ကုန်တိုင်းဒေသကြီး၊ လှိုင်မြို့နယ်ရှိ ကိုဗစ်-၁၉ရောဂါကုသရေးစင်တာတွင် ရောဂါကာကွယ်တုန့်ပြန်ရေးလုပ်ငန်းများအား ကျန်းမာရေးဝန်ထမ်းများနှင့် ပူးပေါင်းဆောင်ရွက်ခဲ့သည့် ရှမ်းပြည်နယ်(မြောက်ပိုင်း)ရှိ မြို့နယ်အသီးသီးမှ ကြက်ခြေနီစေတနာလုပ်အားရှင် (၃၁) ဦးသည် ၂၀၂၁ ခုနှစ်၊ ဇန်န၀ါရီလ ၄ ရက်နေ့တွင် နေရပ်သို့ပြန်လည်ထွက်ခွာခဲ့ကြပါသည်။ ကိုဗစ်-၁၉ရောဂါကာကွယ်တုန့်ပြန်ရေးလုပ်ငန်းများတွင် ပူးပေါင်းဆောင်ရွက်ခဲ့ကြသော ကြက်ခြေနီစေတနာလုပ်အားရှင်များအား လှိုင်တက္ကသိုလ်ကုတင်(၅၀၀) ကိုဗစ်-၁၉ ရောဂါကုသရေးစင်တာ တာဝန်ခံဒေါက်တာမိုးမိုးအေး၊ မြန်မာနိုင်ငံကြက်ခြေနီအသင်း ဒုတိယအထွေထွေအတွင်းရေးမှူးဒေါက်တာဦးတင်ထွန်းအောင်၊ ဘေးအန္တရာယ်ဆိုင်ရာစီမံခန့်ခွဲမှုဌာန ညွှန်ကြားရေးမှူး ဒေါ်စန်းစန်းမော်နှင့် အဖွဲ့အစည်းဆိုင်ရာဖွံဖြိုးတိုးတက်ရေးဌာန ညွှန်ကြားရေးမှူး ဒေါက်တာလင်းလင်းသက်တို့က ဂုဏ်ပြုနှုတ်ဆက်စကားများ ပြောကြားခဲ့ကြပြီး ဂုဏ်ပြုမှတ်တမ်းလွှာများ ပေးအပ်ခဲ့ပါတယ်။ အဆိုပါအဖွဲ့သည် ၂၀၂၀ ခုနှစ် ဒီဇင်ဘာလ ၆ ရက်နေ့မှ ၂၀၂၁ ခုနှစ် ဇန်န၀ါရီလ ၄ ရက်နေ့အထိ တာဝန်ထမ်းဆောင်ခဲ့ကြခြင်းဖြစ်ပါသည်။